ਤੇਜ਼ ਰਫ਼ਤਾਰ BMW ਬੈਰੀਅਰ ਤੋੜ ਕੇ ਪੁਲ ਦੇ ਹੇਠਾਂ ਡਿੱਗੀ, ਡਿੱਗਣ ਤੋਂ ਪਹਿਲਾਂ ਇੱਕ ਜੋੜੇ ਨੂੰ ਮਾਰੀ ਸੀ ਟੱਕਰ; ਵੀਡੀਓ ਵਾਇਰਲ

ਮਾਰਚ 2024 ’ਚ ਕੋਸਟਲ ਰੋਡ ਖੁੱਲ੍ਹਣ ਤੋਂ ਬਾਅਦ ਇੱਥੇ ਵਾਪਰੇ ਹਾਦਸਿਆਂ ’ਚ ਘੱਟੋ-ਘੱਟ ਛੇ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਜੇਕਰ ਇਸ ਨਾਲ ਜੁੜੇ ਬੀਕੇਸੀ ਸਟ੍ਰੈਚ ਨੂੰ ਵੀ ਸ਼ਾਮਲ ਕਰ ਲਿਆ ਜਾਵੇ ਤਾਂ ਮਰਨ ਵਾਲਿਆਂ ਦੀ ਗਿਣਤੀ ਸੱਤ ਹੋ ਜਾਂਦੀ ਹੈ। ਐਤਵਾਰ ਸਵੇਰੇ ਕਰੀਬ 5:20 ਵਜੇ ਵਰਲੀ ’ਚ ਲੋਟਸ ਜੈਟੀ ਨੇੜੇ ਇੱਕ ਨਿਰਮਾਣ ਅਧੀਨ ਸਾਈਟ ’ਤੇ BMW ਕਾਰ ਤੇਜ਼ ਰਫ਼ਤਾਰ ’ਚ ਕੋਸਟਲ ਰੋਡ ਦਾ ਬੈਰੀਅਰ ਤੋੜ ਕੇ ਕਰੀਬ 75 ਮੀਟਰ ਹੇਠਾਂ ਜਾ ਡਿੱਗੀ। ਇਸ ਹਾਦਸੇ ’ਚ ਤਿੰਨ ਵਿਦਿਆਰਥੀਆਂ, ਜਿਨ੍ਹਾਂ ’ਚ ਇੱਕ ਨਾਬਾਲਗ ਵੀ ਸ਼ਾਮਲ ਸੀ, ਦੀ ਮੌਤ ਹੋ ਗਈ ਤੇ ਇੱਕ ਹੋਰ ਜ਼ਖ਼ਮੀ ਹੋ ਗਿਆ। ਸੀਸੀਟੀਵੀ ਫੁਟੇਜ ’ਚ ਕਾਰ ਨੂੰ ਮਰੀਨ ਡਰਾਈਵ ਤੋਂ ਹਾਜੀ ਅਲੀ ਵੱਲ ਜਾਂਦੇ ਹੋਏ ਦੂਜੇ ਪੱਧਰ ਦੇ ਰੈਂਪ ਤੋਂ ਹੇਠਾਂ ਡਿੱਗਣ ਤੋਂ ਪਹਿਲਾਂ ਤੇਜ਼ ਰਫ਼ਤਾਰ ’ਚ ਦੇਖਿਆ ਗਿਆ। ਪੁਲਿਸ ਨੇ ਕਿਹਾ ਕਿ ਤੇਜ਼ ਰਫ਼ਤਾਰ ਕਾਰਨ ਡਰਾਈਵਰ ਦਾ ਵਾਹਨ ’ਤੇ ਕੰਟਰੋਲ ਖੋ ਗਿਆ ਸੀ। ਮ੍ਰਿਤਕਾਂ ਦੀ ਪਛਾਣ ਧੈਰਿਆ ਸੇਠ (17), ਆਦਿਤਿਆ ਜਕਸਾਨੀਆ (19) ਤੇ ਸ਼ਨਾਯ ਗੱਜਰ (21) ਵਜੋਂ ਹੋਈ ਹੈ। ਸ਼ਨਾਯ ਆਪਣੇ ਪਰਿਵਾਰ ਦੀ ਕਾਰ ਚਲਾ ਰਿਹਾ ਸੀ।੍ਯ