ਇਨਸਾਨੀਅਤ ਦੀ ਅਨੋਖੀ ਮਿਸਾਲ : ਦੋ ਮੁਸਲਿਮ ਭਰਾਵਾਂ ਨੇ ਹਿੰਦੂ ਔਰਤ ਦਾ ਕੀਤਾ ਸਸਕਾਰ, ਪਿਛਲੇ 50 ਸਾਲਾਂ ਤੋਂ ਕਰ ਰਹੇ ਸਨ ਦੇਖਭਾਲ

ਵਾਇਨਾਡ, (ਪੀਟੀਆਈ) : ਕੇਰਲ ’ਚ ਦੋ ਮੁਸਲਿਮ ਭਰਾਵਾਂ ਨੇ 85 ਸਾਲਾ ਹਿੰਦੂ ਔਰਤ ਦਾ ਅੰਤਿਮ ਸੰਸਕਾਰ ਕੀਤਾ। ਦੋਵੇਂ ਪਿਛਲੇ ਪੰਜ ਦਹਾਕਿਆਂ ਤੋਂ ਉਨ੍ਹਾਂ ਦੀ ਦੇਖਭਾਲ ਕਰਦੇ ਆ ਰਹੇ ਸਨ ਅਤੇ ਉਨ੍ਹਾਂ ਨੂੰ ਆਪਣੀ ਮਾਂ ਵਾਂਗ ਮੰਨਦੇ ਸਨ। ਪਰਿਵਾਰਕ ਸੂਤਰਾਂ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਮੁੱਪੈਨਾਡ ਪੰਚਾਇਤ ਦੇ ਚਿੱਤਰਗਿਰੀ ’ਚ ਰਹਿਣ ਵਾਲੀ ਕਲਿਆਣੀ ਅੰਮਾ ਦਾ ਦੇਹਾਂਤ ਹੋ ਗਿਆ। ਉਨ੍ਹਾਂ ਦਾ ਕੋਈ ਬੱਚਾ ਜਾਂ ਹੋਰ ਰਿਸ਼ਤੇਦਾਰ ਨਹੀਂ ਸੀ। ਅਜਿਹੇ ’ਚ ਰੱਜ਼ਾਕ ਅਤੇ ਸੁਲੇਮਾਨ ਅੱਗੇ ਆਏ ਅਤੇ ਹਿੰਦੂ ਰੀਤੀ-ਰਿਵਾਜਾਂ ਮੁਤਾਬਕ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੀਤਾ।