ਵਿਦਿਆਰਥੀਆਂ ਦੀਆਂ ਖ਼ੁਦਕੁਸ਼ੀਆਂ ਵਿਚਾਲੇ ਵੱਡਾ ਕਦਮ, IIT ਕੈਂਪਸਾਂ 'ਚ ਮਾਨਸਿਕ ਸਿਹਤ ਮਾਹਿਰਾਂ ਦਾ ਵਿਸ਼ੇਸ਼ ਕੇਡਰ ਬਣਾਉਣ ਦੀ ਤਿਆਰੀ

ਇਕ ਹੋਰ ਡਾਇਰੈਕਟਰ ਨੇ ਕਿਹਾ ਕਿ ਆਈਆਈਟੀ ਵਿਚ ਕਾਊਂਸਲਰਾਂ, ਮਨੋਵਿਗਿਆਨੀਆਂ ਅਤੇ ਮਨੋਚਿਕਿਤਸਕਾਂ ਦੀਆਂ ਪੱਕੀਆਂ ਅਸਾਮੀਆਂ ਬਣਾਉਣ ਦੀ ਲੋੜ ਮਹਿਸੂਸ ਕੀਤੀ ਗਈ ਹੈ। ਜਦੋਂ ਤੱਕ ਖ਼ਾਸ ਅਸਾਮੀਆਂ ਨਹੀਂ ਬਣਾਈਆਂ ਜਾਂਦੀਆਂ ਅਤੇ ਉਨ੍ਹਾਂ ਲਈ ਬਜਟ ਤੈਅ ਨਹੀਂ ਹੁੰਦਾ, ਉਦੋਂ ਤੱਕ ਠੇਕੇ ’ਤੇ ਵੀ ਨਿਯੁਕਤੀਆਂ ਸੰਭਵ ਨਹੀਂ ਹਨ। ਆਈਆਈਟੀ ਗਾਂਧੀਨਗਰ ਸਾਰੇ ਆਈਆਈਟੀ ਲਈ ਇਕ ਢਾਂਚਾ ਤਿਆਰ ਕਰ ਰਿਹਾ ਹੈ। ਇਸ ਵਿਚ ਕਾਊਂਸਲਰਾਂ, ਮਨੋਵਿਗਿਆਨੀਆਂ ਅਤੇ ਮਨੋਚਿਕਿਤਸਕਾਂ ਦੀਆਂ ਮਨਜ਼ੂਰਸ਼ੁਦਾ ਅਸਾਮੀਆਂ ਸ਼ਾਮਲ ਹੋਣਗੀਆਂ। ਪਿਛਲੇ ਸਾਲ ਹੋਈ ਆਈਆਈਟੀ ਕੌਂਸਲ ਦੀ ਬੈਠਕ ਦੇ ਕਾਰਵਾਈ ਵੇਰਵੇ ਮੁਤਾਬਕ ਇਹ ਢਾਂਚਾ ਭਾਰਤੀ ਪੁਨਰਵਾਸ ਕੌਂਸਲ (ਆਰਸੀਆਈ) ਦੇ ਦਿਸ਼ਾ-ਨਿਰਦੇਸ਼ਾਂ ਮੁਤਾਬਕ ਹੋਵੇਗਾ। ਇਸ ਵਿਚ ਤਰੱਕੀ ਦੇ ਢੁੱਕਵੇਂ ਮੌਕਿਆਂ ਤੇ ਸਮੇਂ-ਸਮੇਂ ’ਤੇ ਗੁਣਵੱਤਾ ਦੇ ਮੁਲਾਂਕਣ ਦੀ ਕ੍ਰਮ ਵੀ ਹੋਵੇਗੀ, ਤਾਂ ਜੋ ਇਕ ਟਿਕਾਊ ਅਤੇ ਭਰੋਸੇਯੋਗ ਪ੍ਰਬੰਧ ਬਣਾਇਆ ਜਾ ਸਕੇ। ਬਿਟਸ ਪਿਲਾਨੀ ਗਰੁੱਪ ਦੇ ਕੁਲਪਤੀ ਤੇ ਆਈਆਈਟੀ ਦਿੱਲੀ ਦੇ ਸਾਬਕਾ ਡਾਇਰੈਕਟਰ ਵੀ. ਰਾਮਗੋਪਾਲ ਰਾਓ ਲਗਾਤਾਰ ਇਹ ਗੱਲ ਉਜਾਗਰ ਕਰਦੇ ਆਏ ਹਨ ਕਿ ਆਈਆਈਟੀ ਵਿਚ ਇਸ ਮੋਰਚੇ ’ਤੇ ਆਉਣ ਵਾਲੀਆਂ ਸਮੱਸਿਆਵਾਂ ਦੀ ਇਕ ਵਜ੍ਹਾ ‘ਸਭ ਲਈ ਇੱਕੋ ਤਰੀਕਾ’ ਅਪਣਾਉਣਾ ਹੈ।