ਉਡਾਣ ਭਰਦੇ ਹੀ ਲਾਪਤਾ ਹੋਇਆ ਹਰਿਦੁਆਰ ਅਰਧਕੁੰਭ ਦੀਆਂ ਤਿਆਰੀਆਂ ਲਈ ਮੰਗਵਾਇਆ ਡਰੋਨ, ਕੀਮਤ 40 ਲੱਖ ਰੁਪਏ

ਹੁਣ ਸ਼ਹਿਰ ਕੋਤਵਾਲੀ ’ਚ ਮਾਮਲਾ ਦਰਜ ਕਰਵਾਇਆ ਗਿਆ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਡਰੋਨ ਜਾਂ ਤਾਂ ਜੰਗਲ ’ਚ ਕਿਤੇ ਡਿੱਗ ਗਿਆ ਹੈ ਜਾਂ ਫਿਰ ਜੰਗਲ ਨਾਲ ਲੱਗਦੇ ਰਿਹਾਇਸ਼ੀ ਇਲਾਕੇ ’ਚ ਡਿੱਗਣ ਤੋਂ ਬਾਅਦ ਕਿਸੇ ਨੇ ਉਸ ਨੂੰ ਚੋਰੀ ਕਰ ਲਿਆ ਹੈ। ਪੁਲਿਸ ਨੇ ਡਰੋਨ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪਿਛਲੇ ਕੁਝ ਸਮੇਂ ਤੋਂ ਮੈਪਿੰਗ ਤੇ ਹੋਰ ਕੰਮਾਂ ਲਈ ਲਗਭਗ 40 ਲੱਖ ਰੁਪਏ ਦੀ ਕੀਮਤ ਵਾਲੇ ਇਸ ਡਰੋਨ ਦੀ ਵਰਤੋਂ ਕੀਤੀ ਜਾ ਰਹੀ ਸੀ। ਵੀਰਵਾਰ ਨੂੰ ਭੂਪਤਵਾਲਾ ਇਲਾਕੇ ’ਚ ਡਰੋਨ ਲਗਭਗ 100 ਮੀਟਰ ਦੀ ਉਚਾਈ ’ਤੇ ਉੱਡ ਰਿਹਾ ਸੀ। ਇਸ ਦੌਰਾਨ ਉਸ ਦਾ ਕੰਟਰੋਲ ਸਿਸਟਮ ਨਾਲ ਸੰਪਰਕ ਟੁੱਟ ਗਿਆ, ਜਿਸ ਕਾਰਨ ਹੜਕੰਪ ਮਚ ਗਿਆ।