- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਗਊਸ਼ਾਲਾ ਮਾਮਲੇ ’ਚ ਵੱਡੀ ਕਾਰਵਾਈ, 20 ਗਊਆਂ ਦੀ ਮੌਤ ਨਾਲ ਮਚੀ ਤਰਥੱਲੀ; ਸੰਚਾਲਕ ਸਮੇਤ ਦੋ ’ਤੇ FIR ਦਰਜ;
ਅਭਿਗਾਂਵ ਦੀ ਅਸਥਾਈ ਗਊਸ਼ਾਲਾ ’ਚ ਭਾਰੀ ਮੀਂਹ ਕਾਰਨ 20 ਗਊਆਂ ਦੀ ਮੌਤ ਦੇ ਮਾਮਲੇ ’ਚ ਪੁਲਿਸ ਨੇ FIR ਦਰਜ ਕੀਤੀ ਹੈ। ਗਊਸ਼ਾਲਾ ਦੇ ਸੰਚਾਲਕ ਪ੍ਰਿਯੰਕ ਕੌਸ਼ਿਕ ਤੇ ਦਾਨਵੀਰ ’ਤੇ ਪਸ਼ੂ ਕਰੂਰਤਾ, ਗਊ ਹੱਤਿਆ ਤੇ ਸਰਕਾਰੀ ਪੈਸੇ ਦੀ ਦੁਰਵਰਤੋਂ ਦੇ ਦੋਸ਼ ਲਗਾਏ ਗਏ ਹਨ।
Posted By Paramjit Kaur
Publish Date: Mon, 28 Sep 2026 10:47 AM (IST)
Updated Date: Mon, 28 Sep 2026 10:49 AM (IST)
ਜਾਗਰਣ ਸੰਵਾਦਦਾਤਾ, ਬਦਾਯੂੰ : ਤਿੰਨ ਦਿਨ ਤੱਕ ਲਗਾਤਾਰ ਹੋਈ ਬਾਰਿਸ਼ ਦੌਰਾਨ ਅਭਿਗਾਂਵ ਦੀ ਅਸਥਾਈ ਗਊਸ਼ਾਲਾ ’ਚ ਗਊਆਂ ਦੀ ਮੌਤ ਦੇ ਮਾਮਲੇ ’ਚ ਹੁਣ ਪੁਲਿਸ ਨੇ FIR ਦਰਜ ਕੀਤੀ ਹੈ। ਗਊਸ਼ਾਲਾ ’ਚ ਅਵਿਵਸਥਾ ਤੇ ਗਊਆਂ ਦੀ ਦੇਖਭਾਲ ’ਚ ਲਾਪਰਵਾਹੀ ਦੇ ਨਾਲ ਪਸ਼ੂ ਕਰੂਰਤਾ ਤੇ ਗਊ ਹੱਤਿਆ ਦੇ ਦੋਸ਼ਾਂ ਤਹਿਤ ਸੰਚਾਲਕ ਪ੍ਰਿਯੰਕ ਕੌਸ਼ਿਕ ਤੇ ਦਾਨਵੀਰ ਨੂੰ ਨਾਮਜ਼ਦ ਕੀਤਾ ਗਿਆ ਹੈ। FIR ’ਚ ਸਰਕਾਰੀ ਪੈਸੇ ਦੀ ਦੁਰਵਰਤੋਂ ਤੇ ਗਊਆਂ ਨੂੰ ਲੋੜੀਂਦਾ ਚਾਰਾ-ਪਾਣੀ ਮੁਹੱਈਆ ਨਾ ਕਰਵਾਉਣ ਦੇ ਦੋਸ਼ ਵੀ ਲਗਾਏ ਗਏ ਹਨ।
ਅਭਿਗਾਂਵ ਦੇ ਪ੍ਰਸ਼ਾਸਕ ਸਤਵੀਰ ਸਿੰਘ ਵੱਲੋਂ ਥਾਣਾ ਉਸਾਵਾਂ ’ਚ ਦਰਜ ਕਰਵਾਈ ਗਈ FIR ਮੁਤਾਬਕ, 26 ਸਤੰਬਰ ਨੂੰ ਗਊਸ਼ਾਲਾ ’ਚ 428 ਗਊਆਂ ਮੌਜੂਦ ਸਨ। ਇਨ੍ਹਾਂ ਦੇ ਪਾਲਣ-ਪੋਸ਼ਣ ਲਈ ਸਰਕਾਰ ਵੱਲੋਂ ਪ੍ਰਤੀ ਗਊ ਪ੍ਰਤੀ ਦਿਨ 50 ਰੁਪਏ ਦੇ ਹਿਸਾਬ ਨਾਲ ਰਕਮ ਦਿੱਤੀ ਜਾਂਦੀ ਹੈ।
ਸ਼ਿਕਾਇਤ ’ਚ ਦੱਸਿਆ ਗਿਆ ਹੈ ਕਿ 1 ਜਨਵਰੀ 2026 ਤੋਂ ਗਊਸ਼ਾਲਾ ਸ਼ਾਰਦਾ ਸੇਵਾ ਕਮੇਟੀ ਵੱਲੋਂ ਚਲਾਈ ਜਾ ਰਹੀ ਹੈ। ਇਸ ਹਿਸਾਬ ਨਾਲ ਕਮੇਟੀ ਨੂੰ ਪ੍ਰਤੀ ਦਿਨ 21,400 ਰੁਪਏ ਤੇ ਲਗਭਗ 6.42 ਲੱਖ ਰੁਪਏ ਪ੍ਰਤੀ ਮਹੀਨਾ ਦੀ ਰਕਮ ਦਿੱਤੀ ਗਈ ਸੀ।
ਸਰਕਾਰੀ ਪੈਸੇ ਦੀ ਨਹੀਂ ਕੀਤੀ ਸਹੀ ਵਰਤੋਂ
ਦੋਸ਼ ਹੈ ਕਿ ਸੰਚਾਲਕ ਪ੍ਰਿਯੰਕ ਤੇ ਦਾਨਵੀਰ ਨੇ ਸਰਕਾਰੀ ਪੈਸੇ ਦੀ ਸਹੀ ਵਰਤੋਂ ਨਹੀਂ ਕੀਤੀ ਤੇ ਗਊਆਂ ਦੀ ਢੰਗ ਨਾਲ ਦੇਖਭਾਲ ਨਹੀਂ ਕੀਤੀ। ਲਗਾਤਾਰ ਮੀਂਹ ਕਾਰਨ ਗਊਸ਼ਾਲਾ ’ਚ ਪਾਣੀ ਭਰ ਗਿਆ ਤੇ ਚਾਰੇ-ਪਾਣੀ ਦੀ ਸਮੱਸਿਆ ਪੈਦਾ ਹੋ ਗਈ। 27 ਸਤੰਬਰ ਨੂੰ 20 ਗਊਆਂ ਦੀ ਮੌਤ ਹੋ ਗਈ। ਹਾਲਾਂਕਿ, ਹਿੰਦੂ ਸੰਗਠਨਾਂ ਤੇ ਪਸ਼ੂ ਪ੍ਰੇਮੀਆਂ ਨੇ ਮ੍ਰਿਤਕ ਗਊਆਂ ਦੀ ਗਿਣਤੀ 50 ਤੋਂ 60 ਤੱਕ ਹੋਣ ਦਾ ਦਾਅਵਾ ਕੀਤਾ ਸੀ। ਪ੍ਰਸ਼ਾਸਨ ਵੱਲੋਂ ਹੁਣ ਤੱਕ ਸਿਰਫ਼ 20 ਗਊਆਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ ਹੈ। ਪੁਲਿਸ ਨੇ FIR ਦਰਜ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।