ਬਿਨਾਂ ਕਿਸੇ ਪ੍ਰੀਖਿਆ ਦੇ ਮਿਲੇਗੀ ਸਰਕਾਰੀ ਨੌਕਰੀ, ਇੰਡੀਆ ਪੋਸਟ GDS ਲਈ ਅਰਜ਼ੀਆਂ ਸ਼ੁਰੂ; ਜਾਣੋ ਅਪਲਾਈ ਕਰਨ ਦਾ ਤਰੀਕਾ

ਜੌਬ ਡੈਸਕ, ਨਵੀਂ ਦਿੱਲੀ : ਇੱਕ ਅਜਿਹੀ ਸਰਕਾਰੀ ਨੌਕਰੀ ਜਿਸ ਵਿੱਚ 10ਵੀਂ ਪਾਸ ਅਪਲਾਈ ਤਾਂ ਕਰ ਹੀ ਸਕਦੇ ਹਨ ਅਤੇ ਨਾਲ ਹੀ ਚੋਣ ਲਈ ਕਿਸੇ ਵੀ ਤਰ੍ਹਾਂ ਦੀ ਪ੍ਰੀਖਿਆ ਜਾਂ ਇੰਟਰਵਿਊ ਨਾ ਲਿਆ ਜਾਂਦਾ ਹੋਵੇ ਤਾਂ ਕੀ ਹੀ ਗੱਲ ਹੈ। ਜੇਕਰ ਤੁਸੀਂ ਵੀ ਅਜਿਹੀ ਹੀ ਸਰਕਾਰੀ ਨੌਕਰੀ ਪਾਉਣਾ ਚਾਹੁੰਦੇ ਹੋ ਤਾਂ 21 ਸਤੰਬਰ 2026 ਤੱਕ ਫਾਰਮ ਭਰਨ ਦਾ ਸੁਨਹਿਰੀ ਮੌਕਾ ਹੈ। ਇੰਡੀਆ ਪੋਸਟ ਵੱਲੋਂ ਗ੍ਰਾਮੀਣ ਡਾਕ ਸੇਵਕ ਯਾਨੀ ਕਿ GDS ਦੀਆਂ 23757 ਖਾਲੀ ਅਸਾਮੀਆਂ 'ਤੇ ਭਰਤੀ ਹੋ ਰਹੀ ਹੈ। ਚਾਹਵਾਨ ਉਮੀਦਵਾਰ ਭਰਤੀ ਵਿੱਚ ਸ਼ਾਮਲ ਹੋਣ ਲਈ ਆਨਲਾਈਨ ਅਪਲਾਈ ਕਰ ਸਕਦੇ ਹਨ।

ਵਿਦਿਅਕ ਯੋਗਤਾ ਤੇ ਉਮਰ

ਇੰਡੀਆ ਪੋਸਟ ਗ੍ਰਾਮੀਣ ਡਾਕ ਸੇਵਕ ਭਰਤੀ ਵਿੱਚ ਸ਼ਾਮਲ ਹੋਣ ਲਈ ਉਮੀਦਵਾਰ ਦਾ ਕੇਵਲ ਮਾਨਤਾ ਪ੍ਰਾਪਤ ਬੋਰਡ/ਸੰਸਥਾ ਤੋਂ 10ਵੀਂ/ਮੈਟ੍ਰਿਕ ਪਾਸ ਹੋਣਾ ਚਾਹੀਦਾ ਹੈ। 10ਵੀਂ ਵਿੱਚ ਗਣਿਤ ਅਤੇ ਅੰਗਰੇਜ਼ੀ ਵਿਸ਼ਿਆਂ ਵਿੱਚ ਪਾਸਿੰਗ ਮਾਰਕਸ ਪ੍ਰਾਪਤ ਕੀਤੇ ਹੋਣ। ਘੱਟੋ-ਘੱਟ ਉਮਰ 18 ਸਾਲ ਤੋਂ ਘੱਟ ਅਤੇ ਵੱਧ ਤੋਂ ਵੱਧ ਉਮਰ 40 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ। ਰਾਖਵੀਂ ਸ਼੍ਰੇਣੀ ਤੋਂ ਆਉਣ ਵਾਲੇ ਉਮੀਦਵਾਰਾਂ ਨੂੰ ਉੱਪਰਲੀ ਉਮਰ ਸੀਮਾ ਵਿੱਚ ਨਿਯਮਾਂ ਅਨੁਸਾਰ ਛੋਟ ਦਿੱਤੀ ਜਾਵੇਗੀ।

ਨਾ ਪ੍ਰੀਖਿਆ, ਨਾ ਇੰਟਰਵਿਊ

ਇਸ ਭਰਤੀ ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਦੀ ਚੋਣ ਮੈਰਿਟ ਦੇ ਆਧਾਰ 'ਤੇ ਕੀਤੀ ਜਾਵੇਗੀ, ਅਰਥਾਤ ਚੁਣੇ ਜਾਣ ਲਈ ਨਾ ਹੀ ਕੋਈ ਪ੍ਰੀਖਿਆ ਕਰਵਾਈ ਜਾਵੇਗੀ ਅਤੇ ਨਾ ਹੀ ਇੰਟਰਵਿਊ। ਕੇਵਲ ਚੋਣ ਸੂਚੀ (Selection List) ਆਉਣ ਤੋਂ ਬਾਅਦ ਦਸਤਾਵੇਜ਼ ਤਸਦੀਕ (Document Verification) ਪ੍ਰਕਿਰਿਆ ਵਿੱਚ ਭਾਗ ਲੈਣਾ ਹੋਵੇਗਾ।

ਚੂੰਕਿ ਦੇਸ਼ ਭਰ ਵਿੱਚ ਇਹ ਭਰਤੀ 23757 ਖਾਲੀ ਅਸਾਮੀਆਂ 'ਤੇ ਹੋ ਰਹੀ ਹੈ, ਇਸ ਲਈ ਸੂਚੀ ਵਿੱਚ ਜਗ੍ਹਾ ਬਣਾਉਣਾ ਵੀ ਆਸਾਨ ਹੈ। ਇਸ ਲਈ ਉਮੀਦਵਾਰਾਂ ਨੂੰ ਸਰਕਾਰੀ ਨੌਕਰੀ ਪਾਉਣ ਲਈ ਜ਼ਿਆਦਾ ਸੋਚ-ਵਿਚਾਰ ਨਾ ਕਰਕੇ ਇਸ ਭਰਤੀ ਲਈ ਅਪਲਾਈ ਕਰ ਲੈਣਾ ਚਾਹੀਦਾ ਹੈ।

ਖ਼ੁਦ ਭਰ ਸਕਦੇ ਹੋ ਫਾਰਮ

ਭਰਤੀ ਵਿੱਚ ਸ਼ਾਮਲ ਹੋਣ ਲਈ ਅਰਜ਼ੀ ਵੀ ਘਰ ਬੈਠੇ ਹੀ ਦਿੱਤੀ ਜਾ ਸਕਦੀ ਹੈ। ਤੁਹਾਡੀ ਸਹੂਲਤ ਲਈ ਅਸੀਂ ਅਪਲਾਈ ਕਰਨ ਦੇ ਸਟੈੱਪਸ ਅਤੇ ਲਿੰਕ ਮੁਹੱਈਆ ਕਰਵਾ ਰਹੇ ਹਾਂ।

• ਐਪਲੀਕੇਸ਼ਨ ਫਾਰਮ ਭਰਨ ਲਈ ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ indiapostgdsonline.gov.in 'ਤੇ ਜਾਓ।ਵੈੱਬਸਾਈਟ ਦੇ ਹੋਮ ਪੇਜ 'ਤੇ ਭਰਤੀ ਨਾਲ ਸਬੰਧਤ ਅਪਲਾਈ/ਰਜਿਸਟ੍ਰੇਸ਼ਨ ਦੇ ਲਿੰਕ 'ਤੇ ਕਲਿੱਕ ਕਰੋ।
• ਨਵੇਂ ਪੇਜ 'ਤੇ Click Here to Register/Apply 'ਤੇ ਕਲਿੱਕ ਕਰੋ।
• New Candidate Registration 'ਤੇ ਕਲਿੱਕ ਕਰਕੇ ਮੰਗੀ ਗਈ ਜਾਣਕਾਰੀ ਭਰ ਕੇ ਰਜਿਸਟ੍ਰੇਸ਼ਨ ਕਰ ਲਵੋ।
• ਇਸ ਤੋਂ ਬਾਅਦ ਹੋਰ ਵੇਰਵੇ ਭਰ ਕੇ ਅਰਜ਼ੀ ਪ੍ਰਕਿਰਿਆ ਪੂਰੀ ਕਰੋ।
• ਐਪਲੀਕੇਸ਼ਨ ਫੀਸ (ਜੇਕਰ ਲਾਗੂ ਹੋਵੇ) ਜਮ੍ਹਾਂ ਕਰੋ।
• ਫਾਰਮ ਨੂੰ ਸਬਮਿਟ ਕਰਕੇ ਭਵਿੱਖ ਦੇ ਹਵਾਲੇ ਲਈ ਪ੍ਰਿੰਟਆਊਟ ਕੱਢ ਕੇ ਸੁਰੱਖਿਅਤ ਰੱਖ ਲਵੋ।

ਫਾਰਮ ਭਰਨ ਦੇ ਨਾਲ ਉਮੀਦਵਾਰ ਨੂੰ ਕਿਸੇ ਵੀ ਤਰ੍ਹਾਂ ਦੀ ਫੀਸ ਜਮ੍ਹਾਂ ਨਹੀਂ ਕਰਵਾਉਣੀ ਪਵੇਗੀ, ਅਰਥਾਤ ਸਾਰੀਆਂ ਸ਼੍ਰੇਣੀਆਂ ਲਈ ਅਰਜ਼ੀ ਫਾਰਮ ਪੂਰੀ ਤਰ੍ਹਾਂ ਮੁਫ਼ਤ ਰੱਖਿਆ ਗਿਆ ਹੈ।

ਤਨਖਾਹ

BPM ਅਸਾਮੀਆਂ ਲਈ ਚੁਣੇ ਜਾਣ 'ਤੇ 12,000 ਤੋਂ 29,380 ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਦਿੱਤੀ ਜਾਵੇਗੀ, ਜਦੋਂ ਕਿ ABPM/Dak Sevak ਅਸਾਮੀਆਂ 'ਤੇ ਚੁਣੇ ਜਾਣ ਵਾਲੇ ਉਮੀਦਵਾਰਾਂ ਨੂੰ 10,000 ਤੋਂ 24,470 ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਮਿਲੇਗੀ।