- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
50 ਹਜ਼ਾਰ ਦੇ ਲਾਲਚ ’ਚ ਦਿੱਤੀ BPSC ਪ੍ਰੀਖਿਆ, ਬਾਅਦ ’ਚ UPSC ਵੀ ਕੀਤਾ ਕ੍ਰੈਕ; IIT ਤੋਂ ਪੜ੍ਹਿਆ ਨੌਜਵਾਨ ਬਣਿਆ ਅਧਿਕਾਰੀ
ਸੁਧੀਰ ਕੁਮਾਰ ਬਿਹਾਰ ਦੇ ਵੈਸ਼ਾਲੀ ਜ਼ਿਲ੍ਹੇ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਦੇ ਪਿਤਾ ਡਾਕ ਵਿਭਾਗ ’ਚ ਕੰਮ ਕਰਦੇ ਹਨ, ਜਦਕਿ ਉਨ੍ਹਾਂ ਦੀ ਮਾਤਾ ਆਕਸਿਲਰੀ ਨਰਸ ਮਿਡਵਾਈਫਰੀ (ANM) ਦੇ ਅਹੁਦੇ ’ਤੇ ਕੰਮ ਕਰ ਰਹੇ ਹਨ।
Posted By Paramjit Kaur
Publish Date: Mon, 21 Sep 2026 01:42 PM (IST)
Updated Date: Mon, 21 Sep 2026 01:48 PM (IST)
ਕਰੀਅਰ ਡੈਸਕ, ਨਵੀਂ ਦਿੱਲੀ : ਕਈ ਵਾਰ ਜ਼ਿੰਦਗੀ ’ਚ ਅਜਿਹਾ ਕੁਝ ਹੋ ਜਾਂਦਾ ਹੈ, ਜਿਸ ਬਾਰੇ ਅਸੀਂ ਕਦੇ ਸੋਚਿਆ ਵੀ ਨਹੀਂ ਹੁੰਦਾ। ਅਜਿਹੇ ਹੀ ਇੱਕ ਵਿਅਕਤੀ ਹਨ ਬਿਹਾਰ ਦੇ ਸੁਧੀਰ ਕੁਮਾਰ, ਜਿਨ੍ਹਾਂ ਨੇ ਬਿਨਾਂ ਕੁਝ ਸੋਚੇ-ਸਮਝੇ ₹50 ਹਜ਼ਾਰ ਦੀ ਪ੍ਰਾਈਜ਼ ਮਨੀ ਦੇ ਲਾਲਚ ’ਚ BPSC ਦੀ ਪ੍ਰੀਖਿਆ ਦਿੱਤੀ ਤੇ ਰੈਂਕ 1 ਹਾਸਲ ਕਰਕੇ ਪਾਸ ਕਰ ਲਈ। ਉਨ੍ਹਾਂ ਨੂੰ DSP ਦਾ ਅਹੁਦਾ ਮਿਲਣ ਵਾਲਾ ਸੀ, ਪਰ ਸਰੀਰਕ ਮਾਪਦੰਡਾਂ ’ਤੇ ਖਰੇ ਨਾ ਉਤਰਨ ਕਾਰਨ ਉਨ੍ਹਾਂ ਨੂੰ ਬਿਹਾਰ ’ਚ ਸਟੇਟ ਟੈਕਸ ਅਸਿਸਟੈਂਟ ਕਮਿਸ਼ਨਰ ਦਾ ਅਹੁਦਾ ਦਿੱਤਾ ਗਿਆ।
ਕੋਟਾ ’ਚ ਪੜ੍ਹਾਈ ਦੌਰਾਨ ਇੱਕ ਸਾਲ ’ਚ ਦੇਖੀਆਂ 500 ਤੋਂ ਵੱਧ ਫ਼ਿਲਮਾਂ
ਸੁਧੀਰ ਕੁਮਾਰ ਪੜ੍ਹਾਈ ’ਚ ਚੰਗੇ ਸਨ, ਪਰ ਕੋਟਾ ਜਾਣ ਤੋਂ ਬਾਅਦ ਉਨ੍ਹਾਂ ਨੂੰ ਡਿਪ੍ਰੈਸ਼ਨ ਦਾ ਸਾਹਮਣਾ ਕਰਨਾ ਪਿਆ। ਉੱਥੇ ਜਾਣ ਤੋਂ ਬਾਅਦ ਉਨ੍ਹਾਂ ਦੀ ਰੈਂਕ ਲਗਾਤਾਰ ਡਿੱਗਦੀ ਗਈ। ਇਸ ਦੌਰਾਨ ਉਨ੍ਹਾਂ ਨੇ ਇੱਕ ਸਾਲ ’ਚ 500 ਤੋਂ ਵੱਧ ਫ਼ਿਲਮਾਂ ਦੇਖ ਲਈਆਂ। ਹਾਲਾਂਕਿ, ਬਾਅਦ ’ਚ ਉਨ੍ਹਾਂ ਨੇ ਕਾਊਂਸਲਿੰਗ ਕਰਵਾਈ ਤੇ ਮੁੜ ਚੰਗੀ ਤਰ੍ਹਾਂ ਪੜ੍ਹਾਈ ਕਰਕੇ JEE ਪ੍ਰੀਖਿਆ ਪਾਸ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ IIT ਕਾਨਪੁਰ ’ਚ ਦਾਖਲਾ ਲਿਆ ਤੇ ਆਪਣੀ ਪੜ੍ਹਾਈ ਪੂਰੀ ਕੀਤੀ।
ਕਾਰਪੋਰੇਟ ਨੌਕਰੀ ਦੀ ਬਜਾਏ ਬੱਚਿਆਂ ਨੂੰ ਦੇਣ ਲੱਗੇ ਕੋਚਿੰਗ
ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਸੁਧੀਰ ਕੁਮਾਰ ਪਿੰਡ ਵਾਪਸ ਚਲੇ ਗਏ ਤੇ ਬੱਚਿਆਂ ਨੂੰ ਕੋਚਿੰਗ ਦੇਣ ਲੱਗੇ। ਉਹ ਕਾਰਪੋਰੇਟ ਨੌਕਰੀ ਦੇ ਚੱਕਰ ’ਚ ਨਹੀਂ ਪੈਣਾ ਚਾਹੁੰਦੇ ਸਨ। ਉਨ੍ਹਾਂ ਦੀ ਕੋਚਿੰਗ ਚੰਗੀ ਚੱਲ ਰਹੀ ਸੀ, ਪਰ ਕੋਵਿਡ ਦੌਰਾਨ ਇਹ ਬੰਦ ਹੋ ਗਈ। ਇੱਕ ਵਾਰ ਉਨ੍ਹਾਂ ਨੂੰ ਦੋਸਤਾਂ ਨਾਲ ਪਾਰਟੀ ਕਰਨ ਲਈ ਪੈਸਿਆਂ ਦੀ ਲੋੜ ਸੀ। ਪੈਸਿਆਂ ਲਈ ਉਨ੍ਹਾਂ ਨੇ BPSC ਦੀ ਪ੍ਰੀਖਿਆ ਦੇਣ ਦਾ ਫ਼ੈਸਲਾ ਕੀਤਾ, ਕਿਉਂਕਿ ਇਹ ਪ੍ਰੀਖਿਆ ਪਾਸ ਕਰਨ ’ਤੇ ₹50 ਹਜ਼ਾਰ ਦੀ ਪ੍ਰਾਈਜ਼ ਮਨੀ ਮਿਲਦੀ ਸੀ। ਪਰ ਪ੍ਰੀਖਿਆ ਪਾਸ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਜਨਰਲ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ ਇਹ ਰਕਮ ਨਹੀਂ ਮਿਲਦੀ। ਹਾਲਾਂਕਿ, ਉਦੋਂ ਤੱਕ ਉਹ ਖੁਦ ਇੱਕ ਅਧਿਕਾਰੀ ਬਣ ਚੁੱਕੇ ਸਨ।
ਅਗਲੇ ਹੀ ਸਾਲ UPSC ਵੀ ਕੀਤਾ ਕ੍ਰੈਕ
BPSC ਕ੍ਰੈਕ ਕਰਨ ਤੋਂ ਬਾਅਦ ਉਨ੍ਹਾਂ ਦੇ ਮਨ ’ਚ UPSC ਪ੍ਰੀਖਿਆ ਦੇਣ ਦਾ ਵਿਚਾਰ ਆਇਆ। ਅਗਲੇ ਹੀ ਸਾਲ ਉਨ੍ਹਾਂ ਨੇ ਇਸ ਪ੍ਰੀਖਿਆ ’ਚ ਹਿੱਸਾ ਲਿਆ ਤੇ ਰੇਲਵੇ ਸਰਵਿਸ (IRMS) ’ਚ ਅਧਿਕਾਰੀ ਦੇ ਅਹੁਦੇ ’ਤੇ ਤਾਇਨਾਤ ਹੋ ਗਏ।
ਕੌਣ ਹਨ ਸੁਧੀਰ ਕੁਮਾਰ?
ਸੁਧੀਰ ਕੁਮਾਰ ਬਿਹਾਰ ਦੇ ਵੈਸ਼ਾਲੀ ਜ਼ਿਲ੍ਹੇ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਦੇ ਪਿਤਾ ਡਾਕ ਵਿਭਾਗ ’ਚ ਕੰਮ ਕਰਦੇ ਹਨ, ਜਦਕਿ ਉਨ੍ਹਾਂ ਦੀ ਮਾਤਾ ਆਕਸਿਲਰੀ ਨਰਸ ਮਿਡਵਾਈਫਰੀ (ANM) ਦੇ ਅਹੁਦੇ ’ਤੇ ਕੰਮ ਕਰ ਰਹੇ ਹਨ।