ਜਦੋਂ ਸਾਫਟ ਵਾਲ ਨੇ ਵਧਾਈਆਂ ਮੁਸ਼ਕਲਾਂ, ਗੇਂਦ ਦੀ ਬਣਤਰ ਨੇ ਰੋਕੀ ਭਾਰਤੀ ਗੇਂਦਬਾਜ਼ਾਂ ਦੀ ਰਫ਼ਤਾਰ

ਲੰਚ ਤੋਂ ਬਾਅਦ ਡਿਕਵੇਲਾ ਅਤੇ ਦਿਨੁਸ਼ਾ ਨੇ ਸਾਂਝੇਦਾਰੀ ਜਾਰੀ ਰੱਖੀ। ਹਾਲਾਂਕਿ ਉਨ੍ਹਾਂ ਨੂੰ ਕਿਸਮਤ ਦਾ ਵੀ ਸਾਥ ਮਿਲਿਆ। ਕੁਝ ਗੇਂਦ ਉਨ੍ਹਾਂ ਦੇ ਬੱਲੇ ਦੇ ਬਿਲਕੁਲ ਕੋਲੋਂ ਨਿਕਲ ਗਈਆਂ ਤਾਂ ਕੁਝ ਸਵੀਪ 'ਤੇ ਉਛਲੇ ਕੈਚ ਐਸੀ ਜਗ੍ਹਾ 'ਤੇ ਡਿੱਗੀ ਜਿੱਥੇ ਫੀਲਡਿੰਗ ਨਹੀਂ ਸੀ। ਇਸ ਤੋਂ ਬਾਅਦ ਕੂਕਾਬੂਰਾ ਗੇਂਦ ਨਰਮ ਹੋ ਗਈ ਅਤੇ ਡਿਕਵੇਲਾ ਨੇ ਲਗਾਤਾਰ ਸਵੀਪ ਸ਼ਾਟ ਖੇਡ ਕੇ ਦੌੜਾਂ ਬਣਾਈਆਂ। ਦਿਨੁਸ਼ਾ ਨੇ ਰਿਵਰਸ ਸਵੀਪ ਨਾਲ ਸਲਾਗ ਸ਼ਾਟ ਲਗਾਏ। ਉਸਨੇ ਜਡੇਜਾ ਨੂੰ ਵੀ ਸਲਾਗ ਸਵੀਪ 'ਤੇ ਛੱਕਾ ਮਾਰਿਆ, ਜੋ ਸਭ ਤੋਂ ਮੁਸ਼ਕਲ ਕੰਮਾਂ ’ਚੋਂ ਇਕ ਹੈ। ਦੂਜੇ ਸੈਸ਼ਨ ਵਿਚ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ ਰਿਵਰਸ ਸਵਿੰਗ ਵੀ ਹਾਸਲ ਕੀਤੀ ਪਰ ਇਹ ਦੋਵੇਂ ਬੱਲੇਬਾਜ਼ ਉਸਨੂੰ ਵੀ ਸਹਿਣ ਕਰਨ ਵਿਚ ਸਮਰੱਥ ਸਾਬਤ ਹੋਏ। ਚਾਇਕਾਲ ਤੋਂ ਬਾਅਦ ਪ੍ਰਸਿੱਧ ਨੇ ਇਕ ਸੀਮ ਗੇਂਦ ਸੁੱਟੀ, ਜੋ ਟੱਪਾ ਖਾ ਕੇ ਦੂਰ ਚਲੀ ਗਈ। ਗੇਂਦ ਨੇ ਡਿਕਵੇਲਾ ਦੇ ਬੱਲੇ ਦਾ ਬਾਹਰੀ ਕਿਨਾਰਾ ਲਿਆ ਤੇ ਵਿਕਟ ਲਈ ਤਰਸ ਰਹੀ ਭਾਰਤੀ ਟੀਮ ਨੂੰ ਰਾਹਤ ਮਿਲੀ। ਡਿਕਵੇਲਾ 21 ਟੈਸਟ ਪਾਰੀਆਂ ਵਿਚ ਪਹਿਲੀ ਵਾਰ 100 ਜਾਂ ਇਸ ਤੋਂ ਜ਼ਿਆਦਾ ਗੇਂਦਾਂ ਖੇਡ ਸਕਿਆ। ਇਸ ਤੋਂ ਬਾਅਦ ਰਾਹੁਲ ਨੇ ਇਕ ਕੈਚ ਛੱਡੀ। ਹਾਲਾਂਕਿ ਭਾਰਤ ਦੀ ਕਿਸਮਤ ਚੰਗੀ ਰਹੀ, ਜਦੋਂ ਕੇਸ਼ਰ ਨੁਵਾਂਥਾ ਨੇ ਸ਼ਾਨਦਾਰ ਕਵਰ ਡ੍ਰਾਈਵ ਮਾਰੀ ਤੇ ਗੇਂਦ ਸਿਲੀ ਪੁਆਇੰਟ 'ਤੇ ਖੜ੍ਹੇ ਯਸ਼ਸਵੀ ਜਾਇਸਵਾਲ ਦੇ ਗੋਡੇ ਨਾਲ ਟਕਰਾਈ ਅਤੇ ਆਸਾਨ ਕੈਚ ਲਈ ਉੱਪਰ ਉਛਲ ਗਈ। ਕੋਲ ਖੜ੍ਹੇ ਗਿੱਲ ਨੇ ਕੈਚ ਫੜ ਲਈ ਤੇ ਜਡੇਜਾ 350 ਵਿਕਟਾਂ ਲੈਣ ਵਾਲੇ ਦੁਨੀਆ ਦੇ ਨੌਵੇਂ ਸਪਿਨਰ ਬਣ ਗਏ। ਸ੍ਰੀਲੰਕਾ ਨੂੰ ਫਾਲੋਆਨ ਪਾਰ ਕਰਨ ਲਈ 20 ਦੌੜਾਂ ਚਾਹੀਦੀਆਂ ਸਨ ਤੇ ਦਿਨੁਸ਼ਾ ਵੀ ਸੈਂਕੜਾ ਦੇ ਨੇੜੇ ਸੀ। ਉਹ ਸੈਂਕੜਾ ਪੂਰਾ ਕਰਨ ਦੇ ਬਾਅਦ ਜਡੇਜਾ ਦਾ ਸ਼ਿਕਾਰ ਬਣਿਆ। ਸੁਥਾਰ ਨੇ ਪਹਿਲਾਂ ਜੈਸੂਰਿਆ ਅਤੇ ਫਿਰ ਲਾਹਿਰੂ ਕੁਮਾਰਾ ਨੂੰ ਸਟੰਪ ਆਊਟ ਕਰ ਕੇ ਸ੍ਰੀਲੰਕਾਈ ਪਾਰੀ ਦਾ ਅੰਤ ਕੀਤਾ। ਸੁਥਾਰ ਦੀਆਂ ਚਾਰਾਂ ਵਿਕਟਾਂ ਚਾਰ-ਪੰਜ ਮੀਟਰ ਦੇ ਲੈਂਥ ਜ਼ੋਨ 'ਤੇ ਸੁੱਟੀਆਂ ਗੇਂਦਾਂ 'ਤੇ ਮਿਲੀਆਂ।