- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਚਿਨ ਤੇਂਦੁਲਕਰ ਨਾਲ ਇਤਿਹਾਸ ਰਚਣ ਵਾਲੇ ਵਿਨੋਦ ਕਾਂਬਲੀ ਕਦੇ ਸਨ ਟੀਮ ਇੰਡੀਆ ਦੀ ਜਾਨ, ਫਿਰ ਟੀਮ 'ਚੋਂ ਹੋਏ ਬਾਹਰ; ਫ਼ਿਲਮਾਂ 'ਚ ਵੀ ਨਹੀਂ ਮਿਲੀ ਸਫਲਤਾ
ਉਨ੍ਹਾਂ ਨੇ 1992 ਅਤੇ 1996 ਦੇ ਵਿਸ਼ਵ ਕੱਪ ਵੀ ਖੇਡੇ। ਇਸ ਤੋਂ ਬਾਅਦ ਕਾਂਬਲੀ ਟੀਮ ਇੰਡੀਆ ਵਿੱਚੋਂ ਅੰਦਰ-ਬਾਹਰ ਹੁੰਦੇ ਰਹੇ ਅਤੇ ਸਾਲ 2000 ਤੋਂ ਬਾਅਦ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਟੀਮ ਵਿੱਚੋਂ ਬਾਹਰ ਕਰ ਦਿੱਤਾ ਗਿਆ।
Posted By alisha
Publish Date: Tue, 10 Nov 2026 04:13 PM (IST)
Updated Date: Tue, 10 Nov 2026 04:17 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਸਚਿਨ ਤੇਂਦੁਲਕਰ ਨੂੰ ਦੁਨੀਆ ਦੇ ਮਹਾਨ ਬੱਲੇਬਾਜ਼ਾਂ ਵਿੱਚ ਗਿਣਿਆ ਜਾਂਦਾ ਹੈ। ਉਨ੍ਹਾਂ ਨੂੰ ਕ੍ਰਿਕਟ ਦਾ ਭਗਵਾਨ ਵੀ ਕਿਹਾ ਜਾਂਦਾ ਹੈ। ਹਾਲਾਂਕਿ, ਇੱਕ ਸਮਾਂ ਅਜਿਹਾ ਵੀ ਸੀ ਜਦੋਂ ਇੱਕ ਹੋਰ ਬੱਲੇਬਾਜ਼ ਨੂੰ ਸਚਿਨ ਨਾਲੋਂ ਵੀ ਜ਼ਿਆਦਾ ਪ੍ਰਤਿਭਾਸ਼ਾਲੀ ਮੰਨਿਆ ਜਾਂਦਾ ਸੀ ਅਤੇ ਉਹ ਭਾਰਤੀ ਟੀਮ ਲਈ ਵੀ ਖੇਡਿਆ। ਇਹ ਖਿਡਾਰੀ ਕੋਈ ਹੋਰ ਨਹੀਂ, ਸਗੋਂ ਸਚਿਨ ਦੇ ਬਚਪਨ ਦੇ ਦੋਸਤ ਵਿਨੋਦ ਕਾਂਬਲੀ ਹਨ।
ਕਾਂਬਲੀ ਦਾ ਕ੍ਰਿਕਟ ਕਰੀਅਰ ਉਮੀਦਾਂ ਮੁਤਾਬਕ ਨਹੀਂ ਰਿਹਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਅਦਾਕਾਰੀ ਦੇ ਖੇਤਰ ਵਿੱਚ ਵੀ ਕਿਸਮਤ ਅਜ਼ਮਾਈ, ਪਰ ਇੱਥੇ ਵੀ ਉਨ੍ਹਾਂ ਨੂੰ ਸਫਲਤਾ ਨਹੀਂ ਮਿਲੀ।
ਸਾਡੀ ਖ਼ਾਸ ਸੀਰੀਜ਼ 'ਸਪੋਰਟਸ ਟੂ ਸਕ੍ਰੀਨ' ਵਿੱਚ ਅੱਜ ਕਹਾਣੀ ਵਿਨੋਦ ਕਾਂਬਲੀ ਦੀ ਹੈ। ਕ੍ਰਿਕਟ ਦੀ ਦੁਨੀਆ ਨੂੰ ਅਲਵਿਦਾ ਕਹਿਣ ਤੋਂ ਬਾਅਦ ਕਾਂਬਲੀ ਫ਼ਿਲਮੀ ਪਰਦੇ 'ਤੇ ਛਾਉਣ ਦੀ ਕੋਸ਼ਿਸ਼ ਕਰਦੇ ਨਜ਼ਰ ਆਏ ਸਨ ਪਰ ਉਨ੍ਹਾਂ ਨੂੰ ਇੱਥੇ ਵੀ ਕਾਮਯਾਬੀ ਨਹੀਂ ਮਿਲੀ।
ਟੀਮ ਇੰਡੀਆ 'ਚੋਂ ਹੋ ਗਏ ਸਨ ਬਾਹਰ
ਕਾਂਬਲੀ ਨੇ ਸਚਿਨ ਤੇਂਦੁਲਕਰ ਨਾਲ ਬਚਪਨ ਵਿੱਚ ਮੁੰਬਈ ਦੇ ਹੈਰਿਸ ਸ਼ੀਲਡ ਟੂਰਨਾਮੈਂਟ ਵਿੱਚ 664 ਦੌੜਾਂ ਦੀ ਇਤਿਹਾਸਕ ਸਾਂਝੇਦਾਰੀ ਕੀਤੀ ਸੀ। ਇੱਥੋਂ ਹੀ ਦੋਵੇਂ ਖਿਡਾਰੀ ਚਰਚਾ ਵਿੱਚ ਆਏ ਸਨ।
ਸਚਿਨ ਨੇ ਸਾਲ 1989 ਵਿੱਚ ਟੀਮ ਇੰਡੀਆ ਲਈ ਡੈਬਿਊ ਕੀਤਾ ਸੀ, ਜਦਕਿ ਕਾਂਬਲੀ ਨੇ 18 ਅਕਤੂਬਰ 1991 ਨੂੰ ਪਾਕਿਸਤਾਨ ਖ਼ਿਲਾਫ਼ ਵਨਡੇ ਮੈਚ ਰਾਹੀਂ ਆਪਣਾ ਪਹਿਲਾ ਅੰਤਰਰਾਸ਼ਟਰੀ ਮੈਚ ਖੇਡਿਆ ਸੀ।
ਇੱਕ ਸਮਾਂ ਸੀ ਜਦੋਂ ਉਹ ਟੀਮ ਇੰਡੀਆ ਦਾ ਨਿਯਮਿਤ ਹਿੱਸਾ ਹੁੰਦੇ ਸਨ, ਪਰ ਖ਼ਰਾਬ ਫਾਰਮ ਕਾਰਨ ਉਹ ਟੀਮ ਵਿੱਚੋਂ ਅੰਦਰ-ਬਾਹਰ ਹੁੰਦੇ ਰਹੇ।
ਉਨ੍ਹਾਂ ਨੇ ਭਾਰਤ ਲਈ ਆਪਣਾ ਆਖ਼ਰੀ ਟੈਸਟ ਮੈਚ ਨਵੰਬਰ 1995 ਵਿੱਚ ਖੇਡਿਆ ਸੀ, ਜਦਕਿ ਆਖ਼ਰੀ ਵਨਡੇ ਮੈਚ 29 ਅਕਤੂਬਰ 2000 ਨੂੰ ਸ਼੍ਰੀਲੰਕਾ ਖ਼ਿਲਾਫ਼ ਖੇਡਿਆ ਸੀ।
ਉਨ੍ਹਾਂ ਨੇ 1992 ਅਤੇ 1996 ਦੇ ਵਿਸ਼ਵ ਕੱਪ ਵੀ ਖੇਡੇ। ਇਸ ਤੋਂ ਬਾਅਦ ਕਾਂਬਲੀ ਟੀਮ ਇੰਡੀਆ ਵਿੱਚੋਂ ਅੰਦਰ-ਬਾਹਰ ਹੁੰਦੇ ਰਹੇ ਅਤੇ ਸਾਲ 2000 ਤੋਂ ਬਾਅਦ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਟੀਮ ਵਿੱਚੋਂ ਬਾਹਰ ਕਰ ਦਿੱਤਾ ਗਿਆ।
ਸਾਲ 2004 ਵਿੱਚ ਉਨ੍ਹਾਂ ਨੇ ਮੁੰਬਈ ਲਈ ਆਪਣਾ ਆਖ਼ਰੀ ਫਸਟ ਕਲਾਸ ਮੈਚ ਖੇਡਿਆ। ਸਾਲ 2009 ਵਿੱਚ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਅਤੇ 2011 ਵਿੱਚ ਘਰੇਲੂ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਸੀ।
ਫ਼ਿਲਮਾਂ 'ਚ ਵੀ ਕੀਤਾ ਕੰਮ
ਜਦੋਂ ਕਾਂਬਲੀ ਟੀਮ ਇੰਡੀਆ ਤੋਂ ਬਾਹਰ ਸਨ ਅਤੇ ਵਾਪਸੀ ਦੀ ਕੋਸ਼ਿਸ਼ ਕਰ ਰਹੇ ਸਨ, ਉਸੇ ਦੌਰਾਨ ਉਹ ਫ਼ਿਲਮੀ ਪਰਦੇ 'ਤੇ ਵੀ ਨਜ਼ਰ ਆਉਣ ਲੱਗੇ।
ਉਨ੍ਹਾਂ ਦਾ ਕ੍ਰਿਕਟ ਕਰੀਅਰ ਡਾਵਾਂਡੋਲ ਸੀ ਅਤੇ ਉਹ ਹੋਰ ਆਪਸ਼ਨਾਂ ਦੀ ਭਾਲ ਵਿੱਚ ਸਨ। ਇਸੇ ਦੌਰਾਨ ਉਨ੍ਹਾਂ ਨੂੰ ਫ਼ਿਲਮਾਂ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ।
ਸਾਲ 2002 ਵਿੱਚ ਉਨ੍ਹਾਂ ਨੇ ਸੰਜੇ ਦੱਤ ਅਤੇ ਸੁਨੀਲ ਸ਼ੈੱਟੀ ਨਾਲ ਫ਼ਿਲਮ 'ਅਨਰਥ' ਵਿੱਚ ਕੰਮ ਕੀਤਾ।
ਸਾਲ 2009 ਵਿੱਚ ਉਹ ਇੱਕ ਹੋਰ ਫ਼ਿਲਮ ਵਿੱਚ ਨਜ਼ਰ ਆਏ। ਇਸ ਫ਼ਿਲਮ ਵਿੱਚ ਉਨ੍ਹਾਂ ਦੇ ਨਾਲ ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਅਜੇ ਜਡੇਜਾ ਵੀ ਸਨ। ਇਸ ਫ਼ਿਲਮ ਦਾ ਨਾਂ 'ਪਲ-ਪਲ ਦਿਲ ਕੇ ਸਾਥ' ਸੀ।
ਇਸ ਤੋਂ ਇਲਾਵਾ ਸਾਲ 2015 ਵਿੱਚ ਉਹ ਕੰਨੜ ਫ਼ਿਲਮ 'ਬੇਟਨਗੇਰੇ' ਵਿੱਚ ਵੀ ਨਜ਼ਰ ਆਏ।
ਕਾਂਬਲੀ ਨੇ ਛੋਟੇ ਪਰਦੇ 'ਤੇ ਵੀ ਆਪਣੀ ਕਿਸਮਤ ਅਜ਼ਮਾਈ। ਸਾਲ 2004 ਵਿੱਚ ਉਹ 'ਮੈਂ ਬਣੂੰਗੀ ਮਿਸ ਇੰਡੀਆ' ਵਿੱਚ ਦਿਖਾਈ ਦਿੱਤੇ। ਇਸ ਤੋਂ ਬਾਅਦ 2009 ਵਿੱਚ ਉਹ 'ਬਿੱਗ ਬੌਸ' ਅਤੇ 'ਕਾਮੇਡੀ ਸਰਕਸ' ਦਾ ਵੀ ਹਿੱਸਾ ਬਣੇ। ਹਾਲਾਂਕਿ, ਅਦਾਕਾਰੀ ਦੇ ਕਰੀਅਰ ਵਿੱਚ ਵੀ ਉਨ੍ਹਾਂ ਨੂੰ ਕੋਈ ਖ਼ਾਸ ਸਫਲਤਾ ਨਹੀਂ ਮਿਲੀ।
ਸਾਲ 2009 'ਚ ਲੜੀ ਸੀ ਵਿਧਾਨ ਸਭਾ ਚੋਣ
ਸਾਲ 2009 ਵਿੱਚ ਹੀ ਕਾਂਬਲੀ ਨੇ ਵਿਧਾਨ ਸਭਾ ਚੋਣ ਵੀ ਲੜੀ ਸੀ। ਉਨ੍ਹਾਂ ਨੇ ਮਹਾਰਾਸ਼ਟਰ ਦੀ ਵਿਕਰੋਲੀ ਵਿਧਾਨ ਸਭਾ ਸੀਟ ਤੋਂ ਲੋਕ ਭਾਰਤੀ ਪਾਰਟੀ ਦੀ ਟਿਕਟ 'ਤੇ ਚੋਣ ਲੜੀ ਸੀ ਪਰ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਸ ਸਮੇਂ ਵਿਨੋਦ ਕਾਂਬਲੀ ਦੀ ਸਿਹਤ ਕਾਫ਼ੀ ਖ਼ਰਾਬ ਦੱਸੀ ਜਾਂਦੀ ਹੈ। ਉਹ ਬਿਮਾਰੀ ਨਾਲ ਜੂਝ ਰਹੇ ਹਨ ਅਤੇ ਉਨ੍ਹਾਂ ਨੂੰ ਤੁਰਨ-ਫਿਰਨ ਵਿੱਚ ਵੀ ਮੁਸ਼ਕਲ ਆਉਂਦੀ ਹੈ।