ਏਸ਼ੀਆਈ ਖੇਡਾਂ 'ਚ ਫਿਰ ਦਿਸੇਗਾ ਭਾਰਤ-ਪਾਕਿ ਦਾ ਰੋਮਾਂਚ, ਸੈਮੀਫ਼ਾਈਨਲ ਜਾਂ ਫ਼ਾਈਨਲ 'ਚ ਹੋ ਸਕਦੀ ਹੈ ਮਹਾਂ-ਟੱਕਰ

ਨਵੀਂ ਦਿੱਲੀ, ਪੀ.ਟੀ.ਆਈ : ਮੌਜੂਦਾ ਚੈਂਪੀਅਨ ਭਾਰਤ ਅਤੇ ਪਾਕਿਸਤਾਨ ਦੀਆਂ ਪੁਰਸ਼ ਅਤੇ ਮਹਿਲਾ ਕ੍ਰਿਕਟ ਟੀਮਾਂ ਨੂੰ ਜਪਾਨ ਵਿੱਚ ਹੋਣ ਵਾਲੀਆਂ ਏਸ਼ੀਆਈ ਖੇਡਾਂ ਵਿੱਚ ਸਿੱਧੇ ਕੁਆਰਟਰ ਫ਼ਾਈਨਲ ਵਿੱਚ ਜਗ੍ਹਾ ਦਿੱਤੀ ਗਈ ਹੈ। ਭਾਰਤੀ ਮਹਿਲਾ ਟੀਮ ਜਪਾਨ ਵਿਰੁੱਧ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ, ਜਦੋਂ ਕਿ ਪੁਰਸ਼ ਟੀਮ ਦਾ ਮੁਕਾਬਲਾ ਸ਼ੁਰੂਆਤੀ ਪੜਾਅ ਦੇ ਮੈਚ ਤੋਂ ਬਾਅਦ ਤੈਅ ਹੋਵੇਗਾ।

ਸੈਮੀਫ਼ਾਈਨਲ ਵਿੱਚ ਭਾਰਤੀ ਮਹਿਲਾ ਟੀਮ ਦਾ ਸਾਹਮਣਾ ਬੰਗਲਾਦੇਸ਼ ਜਾਂ ਚੀਨ ਵਿੱਚੋਂ ਕਿਸੇ ਇੱਕ ਟੀਮ ਨਾਲ ਹੋਵੇਗਾ। ਭਾਰਤੀ ਪੁਰਸ਼ ਟੀਮ ਸੈਮੀਫ਼ਾਈਨਲ ਵਿੱਚ ਪਾਕਿਸਤਾਨ ਦਾ ਸਾਹਮਣਾ ਕਰ ਸਕਦੀ ਹੈ। ਏਸ਼ੀਆਈ ਖੇਡਾਂ ਵਿੱਚ ਪੁਰਸ਼ਾਂ ਦੀ ਕ੍ਰਿਕਟ ਪ੍ਰਤੀਯੋਗਤਾ 24 ਸਤੰਬਰ ਨੂੰ ਸ਼ੁਰੂ ਹੋਵੇਗੀ ਅਤੇ ਉਸ ਦਾ ਫ਼ਾਈਨਲ ਮੈਚ 1 ਅਕਤੂਬਰ ਨੂੰ ਖੇਡਿਆ ਜਾਵੇਗਾ। ਮਹਿਲਾਵਾਂ ਦੀ ਪ੍ਰਤੀਯੋਗਤਾ 17 ਤੋਂ 22 ਸਤੰਬਰ ਤੱਕ ਹੋਵੇਗੀ। ਭਾਰਤੀ ਮਹਿਲਾ ਟੀਮ ਫ਼ਾਈਨਲ ਵਿੱਚ ਪਾਕਿਸਤਾਨ ਨਾਲ ਭਿੜ ਸਕਦੀ ਹੈ।

ਪੁਰਸ਼ਾਂ ਦੀ ਪ੍ਰਤੀਯੋਗਤਾ ਵਿੱਚ 10 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਸ਼ੁਰੂਆਤੀ ਪੜਾਅ ਵਿੱਚ ਗਰੁੱਪ 'ਏ' ਵਿੱਚ ਅਫ਼ਗਾਨਿਸਤਾਨ, ਜਪਾਨ ਅਤੇ ਨੇਪਾਲ ਤਥਾ ਗਰੁੱਪ 'ਬੀ' ਵਿੱਚ ਹਾਂਗਕਾਂਗ, ਚੀਨ, ਮਲੇਸ਼ੀਆ ਅਤੇ ਓਮਾਨ ਸ਼ਾਮਲ ਹੋਣਗੇ। ਦੋਵੇਂ ਪ੍ਰਤੀਯੋਗਤਾਵਾਂ ਆਈਚੀ ਪ੍ਰਾਂਤ ਦੇ ਕੋਰੋਜੀ ਐਥਲੇਟਿਕ ਪਾਰਕ ਵਿੱਚ ਟੀ-20 ਫਾਰਮੈਟ ਵਿੱਚ ਖੇਡੀਆਂ ਜਾਣਗੀਆਂ। ਸ਼੍ਰੇਅਸ ਅਈਅਰ ਭਾਰਤੀ ਪੁਰਸ਼ ਟੀਮ ਦੀ, ਜਦੋਂ ਕਿ ਹਰਮਨਪ੍ਰੀਤ ਕੌਰ ਭਾਰਤੀ ਮਹਿਲਾ ਟੀਮ ਦੀ ਕਪਤਾਨੀ ਕਰਨਗੇ। ਕ੍ਰਿਕਟ ਚੌਥੀ ਵਾਰ ਏਸ਼ੀਆਈ ਖੇਡਾਂ ਦੇ ਪ੍ਰੋਗਰਾਮ ਦਾ ਹਿੱਸਾ ਹੈ। ਇਸ ਤੋਂ ਪਹਿਲਾਂ ਇਹ 2010 ਵਿੱਚ ਗੁਆਂਗਜ਼ੂ, 2014 ਵਿੱਚ ਇੰਚਿਓਨ ਅਤੇ 2023 ਵਿੱਚ ਹਾਂਗਜ਼ੂ ਖੇਡਾਂ ਦਾ ਹਿੱਸਾ ਸੀ।