- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ENG vs IND 2nd ODI Playing 11: ਸੀਰੀਜ਼ 'ਤੇ ਕਬਜ਼ਾ ਕਰਨ ਦੇ ਇਰਾਦੇ ਨਾਲ ਉਤਰੇਗੀ ਟੀਮ ਇੰਡੀਆ; ਕਾਰਡਿਫ ਵਨਡੇ ਲਈ ਕਪਤਾਨ ਗਿੱਲ ਖੇਡ ਸਕਦੇ ਨੇ ਇਨ੍ਹਾਂ 11 ਖਿਡਾਰੀਆਂ 'ਤੇ ਦਾਅ
ਇੰਗਲੈਂਡ ਖ਼ਿਲਾਫ਼ ਪਹਿਲੇ ਵਨਡੇ 'ਚ ਜਿੱਤ ਤੋਂ ਬਾਅਦ ਹੁਣ ਭਾਰਤੀ ਟੀਮ ਦੀ ਨਜ਼ਰ ਸੀਰੀਜ਼ ਕਬਜ਼ਾਉਣ 'ਤੇ ਹੈ। ਸੀਰੀਜ਼ ਦਾ ਦੂਜਾ ਮੁਕਾਬਲਾ ਵੀਰਵਾਰ ਨੂੰ ਸੋਫੀਆ ਗਾਰਡਨਜ਼, ਕਾਰਡਿਫ 'ਚ ਖੇਡਿਆ ਜਾਵੇਗਾ। ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 5:30 ਵਜੇ ਸ਼ੁਰੂ ਹੋਵੇਗਾ।
Posted By Sunita
Publish Date: Wed, 15 Jul 2026 01:50 PM (IST)
Updated Date: Wed, 15 Jul 2026 01:51 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ - ਇੰਗਲੈਂਡ ਖ਼ਿਲਾਫ਼ ਪਹਿਲੇ ਵਨਡੇ 'ਚ ਜਿੱਤ ਤੋਂ ਬਾਅਦ ਹੁਣ ਭਾਰਤੀ ਟੀਮ ਦੀ ਨਜ਼ਰ ਸੀਰੀਜ਼ ਕਬਜ਼ਾਉਣ 'ਤੇ ਹੈ। ਸੀਰੀਜ਼ ਦਾ ਦੂਜਾ ਮੁਕਾਬਲਾ ਵੀਰਵਾਰ ਨੂੰ ਸੋਫੀਆ ਗਾਰਡਨਜ਼, ਕਾਰਡਿਫ 'ਚ ਖੇਡਿਆ ਜਾਵੇਗਾ। ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 5:30 ਵਜੇ ਸ਼ੁਰੂ ਹੋਵੇਗਾ।
ਦੂਜੇ ਵਨਡੇ 'ਚ ਭਾਰਤੀ ਟੀਮ ਦੀ ਪਲੇਇੰਗ 11 'ਚ ਜ਼ਿਆਦਾ ਬਦਲਾਅ ਦੀ ਸੰਭਾਵਨਾ ਨਜ਼ਰ ਨਹੀਂ ਆਉਂਦੀ। ਟੀਮ ਮੈਨੇਜਮੈਂਟ ਵਿਨਿੰਗ ਕੰਬੀਨੇਸ਼ਨ (ਜੇਤੂ ਜੋੜੀ) ਨਾਲ ਸ਼ਾਇਦ ਹੀ ਕੋਈ ਛੇੜਛਾੜ ਕਰੇ। ਹਾਲਾਂਕਿ, ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਦਾ ਦੌੜਾਂ ਬਣਾਉਣਾ ਬਹੁਤ ਜ਼ਰੂਰੀ ਹੈ।
ਗਿੱਲ ਦੀ ਸੱਟ 'ਤੇ ਕੋਈ ਅਪਡੇਟ ਨਹੀਂ
ਰੋਹਿਤ ਸ਼ਰਮਾ ਅਤੇ ਸ਼ੁਭਮਨ ਗਿੱਲ ਇੱਕ ਵਾਰ ਫਿਰ ਪਾਰੀ ਦੀ ਸ਼ੁਰੂਆਤ ਕਰਦੇ ਨਜ਼ਰ ਆ ਸਕਦੇ ਹਨ। ਰੋਹਿਤ ਪਹਿਲੇ ਵਨਡੇ 'ਚ 11 ਦੌੜਾਂ ਹੀ ਬਣਾ ਸਕੇ ਸਨ, ਅਜਿਹੇ 'ਚ ਉਹਨਾਂ ਦੀ ਨਜ਼ਰ ਵੱਡੇ ਸਕੋਰ 'ਤੇ ਰਹਿ ਸਕਦੀ ਹੈ। ਦੂਜੇ ਪਾਸੇ ਕਪਤਾਨ ਸ਼ੁਭਮਨ ਗਿੱਲ ਨੇ 80 ਦੌੜਾਂ ਦੀ ਪਾਰੀ ਖੇਡੀ ਸੀ, ਪਰ ਉਹ ਰਿਟਾਇਰ ਹਰਟ ਹੋ ਗਏ ਸਨ। ਗਿੱਲ ਦੀ ਸੱਟ (ਇੰਜਰੀ) 'ਤੇ ਅਜੇ ਤੱਕ ਕੋਈ ਨਵਾਂ ਅਪਡੇਟ ਨਹੀਂ ਆਇਆ ਹੈ।
ਵਿਰਾਟ ਦੌੜਾਂ ਬਣਾਉਣ ਲਈ ਬੇਤਾਬ
ਨੰਬਰ 3 'ਤੇ ਵਿਰਾਟ ਕੋਹਲੀ ਨਜ਼ਰ ਆਉਣਗੇ। ਕੋਹਲੀ ਪਿਛਲੇ ਮੈਚ 'ਚ 1 ਚੌਕੇ ਦੀ ਮਦਦ ਨਾਲ ਸਿਰਫ਼ 5 ਦੌੜਾਂ ਹੀ ਬਣਾ ਸਕੇ ਸਨ। ਅਜਿਹੇ 'ਚ ਉਹ ਵੱਡੀ ਪਾਰੀ ਖੇਡਣ ਲਈ ਬੇਤਾਬ ਹੋਣਗੇ। ਸ਼੍ਰੇਅਸ ਅਈਅਰ ਨੂੰ ਪਹਿਲੇ ਵਨਡੇ 'ਚ ਸ਼ੁਰੂਆਤ ਤਾਂ ਚੰਗੀ ਮਿਲੀ ਸੀ, ਪਰ ਉਹ ਇਸ ਨੂੰ ਵੱਡੇ ਸਕੋਰ 'ਚ ਤਬਦੀਲ ਨਹੀਂ ਕਰ ਸਕੇ ਅਤੇ ਰਨ ਆਊਟ ਹੋ ਗਏ। ਵਿਕਟਕੀਪਰ ਕੇ.ਐਲ. ਰਾਹੁਲ ਵੀ ਪਹਿਲੇ ਮੈਚ 'ਚ ਸਿਰਫ਼ 1 ਰਨ ਹੀ ਬਣਾ ਸਕੇ ਸਨ।
ਪਟੇਲ ਨੇ ਜੜਿਆ ਸੀ ਅਰਧ-ਸੈਂਕੜਾ
ਆਲਰਾਊਂਡਰ ਅਕਸ਼ਰ ਪਟੇਲ (57) ਅਤੇ ਵਾਸ਼ਿੰਗਟਨ ਸੁੰਦਰ (52) ਨੇ ਬਰਮਿੰਘਮ 'ਚ ਅਰਧ-ਸੈਂਕੜੇ ਲਗਾਏ ਸਨ। ਅਜਿਹੇ 'ਚ ਉਹ ਲੋਅਰ ਆਰਡਰ 'ਚ ਫਿਰ ਤੋਂ ਭਾਰਤੀ ਬੱਲੇਬਾਜ਼ੀ ਨੂੰ ਮਜ਼ਬੂਤੀ ਦੇਣਗੇ। ਨਾਲ ਹੀ ਸਪਿਨ ਵਿਭਾਗ ਵੀ ਸੰਭਾਲਣਗੇ। ਤੇਜ਼ ਗੇਂਦਬਾਜ਼ੀ ਦੀ ਜ਼ਿੰਮੇਵਾਰੀ ਸ਼ਿਵਮ ਦੂਬੇ ਦੇ ਨਾਲ-ਨਾਲ ਗੁਰਨੂਰ ਬਰਾੜ, ਜਸਪ੍ਰੀਤ ਬੁਮਰਾਹ ਅਤੇ ਪ੍ਰਸਿੱਧ ਕ੍ਰਿਸ਼ਨਾ ਦੇ ਮੋਢਿਆਂ 'ਤੇ ਰਹਿ ਸਕਦੀ ਹੈ।
ਭਾਰਤ ਦੀ ਸੰਭਾਵਿਤ ਪਲੇਇੰਗ 11
ਸ਼ੁਭਮਨ ਗਿੱਲ (ਕਪਤਾਨ), ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਕੇ.ਐਲ. ਰਾਹੁਲ (ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਅਕਸ਼ਰ ਪਟੇਲ, ਸ਼ਿਵਮ ਦੂਬੇ, ਗੁਰਨੂਰ ਬਰਾੜ, ਜਸਪ੍ਰੀਤ ਬੁਮਰਾਹ ਅਤੇ ਪ੍ਰਸਿੱਧ ਕ੍ਰਿਸ਼ਨਾ।
ਭਾਰਤੀ ਟੀਮ
ਰੋਹਿਤ ਸ਼ਰਮਾ, ਸ਼ੁਭਮਨ ਗਿੱਲ (ਕਪਤਾਨ), ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਕੇ.ਐਲ. ਰਾਹੁਲ, ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਅਕਸ਼ਰ ਪਟੇਲ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ, ਗੁਰਨੂਰ ਬਰਾੜ, ਪ੍ਰਿੰਸ ਯਾਦਵ, ਸ਼ਿਵਮ ਦੂਬੇ, ਪ੍ਰਸਿੱਧ ਕ੍ਰਿਸ਼ਨਾ।