- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਭਾਰਤ 'ਚ ਹੀ ਟੀਮ ਇੰਡੀਆ ਬਣੇਗੀ ਮਹਿਮਾਨ, ਅਫ਼ਗਾਨਿਸਤਾਨ ਦਿੱਲੀ 'ਚ ਕਰੇਗਾ ਤਿੰਨ ਟੀ-20 ਮੈਚਾਂ ਦੀ ਮੇਜ਼ਬਾਨੀ
ਭਾਰਤੀ ਕ੍ਰਿਕਟ ਟੀਮ ਆਪਣੇ ਹੀ ਘਰ 'ਚ ਮਹਿਮਾਨ ਬਣਨ ਜਾ ਰਹੀ ਹੈ। ਇਹ ਸਤੰਬਰ 'ਚ ਹੋਵੇਗਾ ਜਦੋਂ ਅਫ਼ਗਾਨਿਸਤਾਨ ਦੀ ਟੀਮ ਇੱਥੇ ਆਵੇਗੀ। ਭਾਰਤ ਅਤੇ ਅਫ਼ਗਾਨਿਸਤਾਨ ਵਿਚਾਲੇ ਸਤੰਬਰ 'ਚ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਖੇਡੀ ਜਾਣੀ ਹੈ ਅਤੇ ਇਹ ਸੀਰੀਜ਼ ਦਿੱਲੀ 'ਚ ਹੋਵੇਗੀ, ਪਰ ਭਾਰਤ ਇਸ ਦਾ ਮੇਜ਼ਬਾਨ ਨਹੀਂ ਹੋਵੇਗਾ ਸਗੋਂ ਅਫ਼ਗਾਨਿਸਤਾਨ ਹੋਵੇਗਾ।
Posted By Sunita
Publish Date: Fri, 24 Jul 2026 10:55 AM (IST)
Updated Date: Fri, 24 Jul 2026 10:57 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ - ਭਾਰਤੀ ਕ੍ਰਿਕਟ ਟੀਮ ਆਪਣੇ ਹੀ ਘਰ 'ਚ ਮਹਿਮਾਨ ਬਣਨ ਜਾ ਰਹੀ ਹੈ। ਇਹ ਸਤੰਬਰ 'ਚ ਹੋਵੇਗਾ ਜਦੋਂ ਅਫ਼ਗਾਨਿਸਤਾਨ ਦੀ ਟੀਮ ਇੱਥੇ ਆਵੇਗੀ। ਭਾਰਤ ਅਤੇ ਅਫ਼ਗਾਨਿਸਤਾਨ ਵਿਚਾਲੇ ਸਤੰਬਰ 'ਚ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਖੇਡੀ ਜਾਣੀ ਹੈ ਅਤੇ ਇਹ ਸੀਰੀਜ਼ ਦਿੱਲੀ 'ਚ ਹੋਵੇਗੀ, ਪਰ ਭਾਰਤ ਇਸ ਦਾ ਮੇਜ਼ਬਾਨ ਨਹੀਂ ਹੋਵੇਗਾ ਸਗੋਂ ਅਫ਼ਗਾਨਿਸਤਾਨ ਹੋਵੇਗਾ।
ਵੇਬਸਾਈਟ ਈ.ਐੱਸ.ਪੀ.ਐੱਨ. ਕ੍ਰਿਕਇਨਫੋ (ESPNcricinfo) ਦੀ ਰਿਪੋਰਟ ਮੁਤਾਬਕ, ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ 'ਚ 13, 15 ਅਤੇ 17 ਸਤੰਬਰ ਨੂੰ ਭਾਰਤ ਅਤੇ ਅਫ਼ਗਾਨਿਸਤਾਨ ਵਿਚਾਲੇ ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ ਖੇਡੀ ਜਾਵੇਗੀ। ਹਾਲਾਂਕਿ, ਇਸ ਗੱਲ ਦਾ ਅਜੇ ਤੱਕ ਅਧਿਕਾਰਤ ਐਲਾਨ ਨਹੀਂ ਹੋਇਆ ਹੈ।
ਵਨਡੇ ਅਤੇ ਟੈਸਟ ਸੀਰੀਜ਼ 'ਚ ਲਿਆ ਸੀ ਹਿੱਸਾ
ਇਸ ਸੀਰੀਜ਼ ਤੋਂ ਪਹਿਲਾਂ ਟੀਮ ਇੰਡੀਆ ਨੇ ਸ਼੍ਰੀਲੰਕਾ ਖਿਲਾਫ਼ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡਣੀ ਹੈ ਅਤੇ ਇਸ ਤੋਂ ਬਾਅਦ ਏਸ਼ੀਆਈ ਖੇਡਾਂ 'ਚ ਵੀ ਹਿੱਸਾ ਲੈਣਾ ਹੈ। ਸ਼੍ਰੀਲੰਕਾ ਨਾਲ ਹੋਣ ਵਾਲਾ ਦੂਜਾ ਟੈਸਟ ਮੈਚ 27 ਅਗਸਤ ਨੂੰ ਖ਼ਤਮ ਹੋਵੇਗਾ। ਉੱਥੇ ਹੀ ਏਸ਼ੀਆਈ ਖੇਡਾਂ 24 ਸਤੰਬਰ ਤੋਂ ਸ਼ੁਰੂ ਹੋਣਗੀਆਂ। ਹਾਲ ਹੀ 'ਚ ਇਹਨਾਂ ਦੋਵਾਂ ਟੀਮਾਂ ਵਿਚਾਲੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਖੇਡੀ ਗਈ ਸੀ। ਨਾਲ ਹੀ ਇੱਕ ਟੈਸਟ ਮੈਚ ਦਾ ਵੀ ਆਯੋਜਨ ਕੀਤਾ ਗਿਆ ਸੀ।
ਭਾਰਤੀ ਟੀਮ ਇਸ ਸਮੇਂ ਜ਼ਿੰਬਾਬਵੇ ਖਿਲਾਫ਼ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਖੇਡ ਰਹੀ ਹੈ। ਸੀਰੀਜ਼ ਦਾ ਪਹਿਲਾ ਮੈਚ ਵੀਰਵਾਰ ਨੂੰ ਖੇਡਿਆ ਗਿਆ ਸੀ ਜਿਸ 'ਚ ਭਾਰਤ ਨੂੰ ਜਿੱਤ ਮਿਲੀ।
ਟੀ-20 ਵਰਲਡ ਕੱਪ ਤੋਂ ਬਾਅਦ ਨਹੀਂ ਖੇਡੀ ਸੀਰੀਜ਼
ਜਿੱਥੋਂ ਤੱਕ ਅਫ਼ਗਾਨਿਸਤਾਨ ਦੀ ਗੱਲ ਹੈ, ਉਸ ਨੇ ਭਾਰਤ ਅਤੇ ਸ਼੍ਰੀਲੰਕਾ ਦੀ ਸਾਂਝੀ ਮੇਜ਼ਬਾਨੀ 'ਚ ਆਯੋਜਿਤ ਕੀਤੇ ਗਏ ਟੀ-20 ਵਰਲਡ ਕੱਪ ਤੋਂ ਬਾਅਦ ਇੱਕ ਵੀ ਟੀ-20 ਸੀਰੀਜ਼ ਨਹੀਂ ਖੇਡੀ ਹੈ। ਟੀ-20 'ਚ ਇਹ ਟੀਮ ਕਾਫ਼ੀ ਮਜ਼ਬੂਤ ਮੰਨੀ ਜਾਂਦੀ ਹੈ ਅਤੇ ਭਾਰਤ ਨੂੰ ਚੰਗੀ-ਖ਼ਾਸੀ ਚੁਣੌਤੀ ਦੇ ਸਕਦੀ ਹੈ। ਅਫ਼ਗਾਨਿਸਤਾਨ ਦੇ ਕਈ ਖਿਡਾਰੀਆਂ ਨੂੰ ਭਾਰਤ 'ਚ ਖੇਡਣ ਦਾ ਤਜਰਬਾ ਵੀ ਹੈ ਕਿਉਂਕਿ ਉਸ ਦੇ ਕਈ ਖਿਡਾਰੀ ਆਈ.ਪੀ.ਐੱਲ. (IPL) 'ਚ ਕਈ ਸਾਲਾਂ ਤੋਂ ਖੇਡਦੇ ਆ ਰਹੇ ਹਨ।