ਕ੍ਰਿਕਟ 'ਚ ਟੀ-20 ਦਾ ਬੋਲਬਾਲਾ : ਪੋਂਟਿੰਗ ਨੇ ਵਨਡੇ ਫਾਰਮੈਟ ਦੇ ਭਵਿੱਖ 'ਤੇ ਚੁੱਕੇ ਵੱਡੇ ਸਵਾਲ

ਜਦੋਂ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕੀ ਭਵਿੱਖ ਵਿਚ 50 ਓਵਰਾਂ ਦਾ ਕ੍ਰਿਕਟ ਸਿਰਫ ਵਿਸ਼ਵ ਕੱਪ ਤੱਕ ਸੀਮਿਤ ਰਹਿ ਸਕਦਾ ਹੈ, ਪੋਂਟਿੰਗ ਨੇ ਕਿਹਾ ਕਿ ਆਉਣ ਵਾਲੇ ਸਾਲਾਂ ਵਿਚ ਵਨਡੇ ਮੈਚਾਂ ਦੀ ਗਿਣਤੀ ਘਟਣਾ ਨਿਸ਼ਚਿਤ ਹੈ। ਉਨ੍ਹਾਂ ਕਿਹਾ ਕਿ ਜਿਵੇਂ ਜਿਵੇਂ ਸਾਲ ਬੀਤਣਗੇ ਅਤੇ ਦੁਨੀਆ ਵਿਚ ਹੋਰ ਟੀ-20 ਕ੍ਰਿਕਟ ਅਤੇ ਫ੍ਰੈਂਚਾਈਜ਼ੀ ਟੂਰਨਾਮੈਂਟ ਖੇਡੇ ਜਾਣਗੇ, ਤਿਵੇਂ-ਤਿਵੇਂ 50 ਓਵਰਾਂ ਦੇ ਕ੍ਰਿਕਟ ਮੈਚਾਂ ਦੀ ਗਿਣਤੀ ਘਟਣੀ ਨਿਸ਼ਚਿਤ ਹੈ। ਸੱਚ ਕਹਾਂ ਤਾਂ ਮੈਂ ਇਸ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਨਹੀਂ ਹਾਂ। ਮੈਨੂੰ ਵਨਡੇ ਖੇਡਣਾ ਬਹੁਤ ਪਸੰਦ ਸੀ, ਪਰ ਕਿਤੇ ਨਾ ਕਿਤੇ ਕੁਝ ਤਾਂ ਘਟਾਉਣਾ ਪਵੇਗਾ। ਟੈਸਟ ਕ੍ਰਿਕਟ ਮਜ਼ਬੂਤ ਰਹੇਗਾ, ਖਾਸ ਕਰਕੇ ਜਦ ਤੱਕ ਭਾਰਤ, ਆਸਟ੍ਰੇਲੀਆ, ਇੰਗਲੈਂਡ ਅਤੇ ਸ਼ਾਇਦ ਦੱਖਣੀ ਅਫਰੀਕਾ ਵਰਗੇ ਦੇਸ਼ ਇਸ ਫਾਰਮੈਟ ਨੂੰ ਮਜ਼ਬੂਤ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਰਹਿਣਗੇ। ਇਸ ਲਈ ਜੇਕਰ ਕਿਸੇ ਇਕ ਫਾਰਮੈਟ 'ਤੇ ਸਭ ਤੋਂ ਵੱਧ ਅਸਰ ਪੈਣਾ ਹੈ, ਤਾਂ ਮੇਰੇ ਮੁਤਾਬਕ ਉਹ 50 ਓਵਰਾਂ ਦਾ ਕ੍ਰਿਕਟ ਹੈ।