ਸੂਰਿਆਕੁਮਾਰ ਯਾਦਵ ਦੀ ਜਾਵੇਗੀ ਕਪਤਾਨੀ, ਵੈਭਵ ਸੂਰਿਆਵੰਸ਼ੀ ਦੀ ਹੋਵੇਗੀ ਟੀਮ ਇੰਡੀਆ ’ਚ ਐਂਟਰੀ; ਗੌਤਮ ਗੰਭੀਰ ਦਾ ਵੀ ਆਵੇਗਾ ਰਿਪਲੇਸਮੈਂਟ
ਇਸ ਸਾਲ ਸਤੰਬਰ ਵਿੱਚ ਹੋਣ ਵਾਲੀਆਂ ਏਸ਼ੀਅਨ ਖੇਡਾਂ ਵਿੱਚ ਕ੍ਰਿਕਟ ਵੀ ਖੇਡਿਆ ਜਾਵੇਗਾ ਪਰ ਇਨ੍ਹਾਂ ਖੇਡਾਂ ਵਿੱਚ ਭਾਰਤ ਦੀ ਜੋ ਟੀ-20 ਟੀਮ ਜਾਵੇਗੀ, ਉਸ ਦੇ ਕਪਤਾਨ ਸੂਰਿਆਕੁਮਾਰ ਯਾਦਵ ਨਹੀਂ ਹੋਣਗੇ। ਇਨ੍ਹਾਂ ਖੇਡਾਂ ਲਈ ਬੀ.ਸੀ.सी.ਆਈ. (BCCI) ਨੇ ਜੋ ਸੰਭਾਵਿਤ ਕ੍ਰਿਕਟਰਾਂ ਦੀ ਸੂਚੀ ਦਿੱਤੀ ਹੈ, ਉਸ ਵਿੱਚ ਸੂਰਿਆਕੁਮਾਰ ਦਾ ਨਾਂ ਸ਼ਾਮਲ ਨਹੀਂ ਹੈ। ਇਸ ਸੂਚੀ ਵਿੱਚ ਵੈਭਵ ਸੂਰਿਆਵੰਸ਼ੀ ਦਾ ਨਾਂ ਜ਼ਰੂਰ ਸ਼ਾਮਲ ਹੈ।
Posted By Anuradha Bains
Publish Date: Sat, 30 May 2026 12:43 PM (IST)
Updated Date: Sat, 30 May 2026 12:45 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਇਸ ਸਾਲ ਸਤੰਬਰ ਵਿੱਚ ਹੋਣ ਵਾਲੀਆਂ ਏਸ਼ੀਅਨ ਖੇਡਾਂ ਵਿੱਚ ਕ੍ਰਿਕਟ ਵੀ ਖੇਡਿਆ ਜਾਵੇਗਾ ਪਰ ਇਨ੍ਹਾਂ ਖੇਡਾਂ ਵਿੱਚ ਭਾਰਤ ਦੀ ਜੋ ਟੀ-20 ਟੀਮ ਜਾਵੇਗੀ, ਉਸ ਦੇ ਕਪਤਾਨ ਸੂਰਿਆਕੁਮਾਰ ਯਾਦਵ ਨਹੀਂ ਹੋਣਗੇ। ਇਨ੍ਹਾਂ ਖੇਡਾਂ ਲਈ ਬੀ.ਸੀ.सी.ਆਈ. (BCCI) ਨੇ ਜੋ ਸੰਭਾਵਿਤ ਕ੍ਰਿਕਟਰਾਂ ਦੀ ਸੂਚੀ ਦਿੱਤੀ ਹੈ, ਉਸ ਵਿੱਚ ਸੂਰਿਆਕੁਮਾਰ ਦਾ ਨਾਂ ਸ਼ਾਮਲ ਨਹੀਂ ਹੈ। ਇਸ ਸੂਚੀ ਵਿੱਚ ਵੈਭਵ ਸੂਰਿਆਵੰਸ਼ੀ ਦਾ ਨਾਂ ਜ਼ਰੂਰ ਸ਼ਾਮਲ ਹੈ।
ਵੈਭਵ ਨੇ ਆਈ.ਪੀ.ਐੱਲ.-2026 (IPL-2026) ਵਿੱਚ ਸ਼ਾਨਦਾਰ ਖੇਡ ਦਿਖਾਈ ਹੈ ਅਤੇ 16 ਮੈਚਾਂ ਵਿੱਚ 776 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਦੀ ਟੀਮ ਰਾਜਸਥਾਨ ਰਾਇਲਜ਼ ਦਾ ਸਫ਼ਰ ਸ਼ੁੱਕਰਵਾਰ ਨੂੰ ਗੁਜਰਾਤ ਟਾਈਟਨਜ਼ ਹੱਥੋਂ ਦੂਜੇ ਕੁਆਲੀਫਾਇਰ ਵਿੱਚ ਮਿਲੀ ਹਾਰ ਤੋਂ ਬਾਅਦ ਖ਼ਤਮ ਹੋ ਗਿਆ। ਹਾਲਾਂਕਿ, ਇਸ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਉਨ੍ਹਾਂ ਨੂੰ ਭਾਰਤੀ ਟੀਮ ਵਿੱਚ ਜਲਦੀ ਮੌਕਾ ਦੇਣ ਦੀ ਮੰਗ ਉੱਠ ਰਹੀ ਹੈ।
ਸੰਭਾਵਿਤ ਖਿਡਾਰੀਆਂ ਦੀ ਸੂਚੀ ਵਿੱਚ ਵੈਭਵ ਤੋਂ ਇਲਾਵਾ ਸ਼੍ਰੇਅਸ ਅਈਅਰ, ਰਿਸ਼ਭ ਪੰਤ ਅਤੇ ਯਸ਼ਸਵੀ ਜਾਇਸਵਾਲ ਦੇ ਨਾਂ ਵੀ ਸ਼ਾਮਲ ਹਨ। ਭਾਰਤੀ ਬੋਰਡ 19 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੀਆਂ ਏਸ਼ੀਅਨ ਖੇਡਾਂ ਲਈ ਜਲਦ ਹੀ ਟੀਮ ਇੰਡੀਆ ਦਾ ਐਲਾਨ ਕਰ ਸਕਦਾ ਹੈ।
30 ਕ੍ਰਿਕਟਰਾਂ ’ਚੋਂ ਚੁਣੀ ਜਾਵੇਗੀ ਟੀਮ
ਬੀ.ਸੀ.ਸੀ.ਆਈ. ਨੇ ਇਨ੍ਹਾਂ ਖੇਡਾਂ ਲਈ ਕੁੱਲ 30 ਖਿਡਾਰੀਆਂ ਦੀ ਸੂਚੀ ਸੌਂਪੀ ਹੈ, ਜਿਨ੍ਹਾਂ ਵਿੱਚੋਂ 15 ਖਿਡਾਰੀ ਚੁਣੇ ਜਾਣਗੇ। ਇਹ ਸੂਚੀ ਪ੍ਰਬੰਧਕਾਂ ਨੂੰ ਭੇਜੀ ਜਾ ਚੁੱਕੀ ਹੈ। ਸਾਲ 2023 ਵਿੱਚ ਜਦੋਂ ਏਸ਼ੀਅਨ ਖੇਡਾਂ ਹੋਈਆਂ ਸਨ, ਉਦੋਂ ਰਿਤੂਰਾਜ ਗਾਇਕਵਾੜ ਨੇ ਭਾਰਤੀ ਟੀਮ ਦੀ ਕਪਤਾਨੀ ਕੀਤੀ ਸੀ ਅਤੇ ਗੋਲਡ ਮੈਡਲ ਜਿਤਾਇਆ ਸੀ। ਉਸ ਟੀਮ ਦੇ 9 ਮੈਂਬਰ ਵੀ ਇਸ ਸੂਚੀ ਵਿੱਚ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਗਾਇਕਵਾੜ ਦਾ ਨਾਂ ਵੀ ਹੈ।
ਲਕਸ਼ਮਣ ਹੋਣਗੇ ਕੋਚ
ਇਨ੍ਹਾਂ ਖੇਡਾਂ ਲਈ ਸਿਰਫ਼ ਕਪਤਾਨੀ ਵਿੱਚ ਹੀ ਬਦਲਾਅ ਦੇਖਣ ਨੂੰ ਨਹੀਂ ਮਿਲੇਗਾ, ਸਗੋਂ ਕੋਚਿੰਗ ਸਟਾਫ਼ ਵਿੱਚ ਵੀ ਤਬਦੀਲੀ ਹੋਵੇਗੀ। ਟੀਮ ਇੰਡੀਆ ਦੇ ਹੈੱਡ ਕੋਚ ਗੌਤਮ ਗੰਭੀਰ ਏਸ਼ੀਅਨ ਖੇਡਾਂ ਵਿੱਚ ਨਹੀਂ ਜਾਣਗੇ। ਉਨ੍ਹਾਂ ਦੀ ਜਗ੍ਹਾ ਬੀ.ਸੀ.ਸੀ.ਆਈ. ਦੇ 'ਸੈਂਟਰ ਆਫ਼ ਐਕਸੀਲੈਂਸ' ਵਿੱਚ ਕੰਮ ਕਰ ਰਹੇ ਵੀ.ਵੀ.ਐੱਸ. ਲਕਸ਼ਮਣ ਹੈੱਡ ਕੋਚ ਦੀ ਜ਼ਿੰਮੇਵਾਰੀ ਨਿਭਾਉਣਗੇ। ਗੰਭੀਰ ਦਾ ਨਾਂ ਸੂਚੀ ਵਿੱਚ ਨਹੀਂ ਹੈ, ਉਨ੍ਹਾਂ ਦੀ ਜਗ੍ਹਾ ਲਕਸ਼ਮਣ ਨੂੰ ਥਾਂ ਮਿਲੀ ਹੈ। ਏਸ਼ੀਆਈ ਖੇਡਾਂ ਵਿੱਚ 24 ਸਤੰਬਰ ਤੋਂ 3 ਅਕਤੂਬਰ ਦਰਮਿਆਨ ਕ੍ਰਿਕਟ ਮੁਕਾਬਲੇ ਕਰਵਾਏ ਜਾਣਗੇ।
ਏਸ਼ੀਅਨ ਖੇਡਾਂ ਤੋਂ ਪਹਿਲਾਂ ਵੀ ਟੀਮ 'ਚ ਆ ਸਕਦੇ ਹਨ ਵੈਭਵ
ਵੈਭਵ ਨੇ ਆਈ.ਪੀ.ਐੱਲ. ਵਿੱਚ ਜਿਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕੀਤਾ ਹੈ, ਉਸ ਨੂੰ ਦੇਖਦੇ ਹੋਏ ਉਹ ਏਸ਼ੀਅਨ ਖੇਡਾਂ ਤੋਂ ਪਹਿਲਾਂ ਵੀ ਟੀਮ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਭਾਰਤ ਨੇ 26 ਜੂਨ ਤੋਂ ਆਇਰਲੈਂਡ ਦਾ ਦੌਰਾ ਕਰਨਾ ਹੈ ਅਤੇ ਟੀ-20 ਸੀਰੀਜ਼ ਖੇਡਣੀ ਹੈ। ਪੂਰੀ ਸੰਭਾਵਨਾ ਹੈ ਕਿ ਵੈਭਵ ਇਸ ਟੀਮ ਦਾ ਹਿੱਸਾ ਹੋਣਗੇ। ਇਸ ਸੀਰੀਜ਼ ਤੋਂ ਬਾਅਦ ਭਾਰਤ ਨੇ ਇੰਗਲੈਂਡ ਅਤੇ ਜ਼ਿੰਬਾਬਵੇ ਖ਼ਿਲਾਫ਼ ਵੀ ਸੀਰੀਜ਼ ਖੇਡਣੀ ਹੈ।
ਏਸ਼ੀਅਨ ਖੇਡਾਂ ਲਈ ਚੁਣੇ ਗਏ ਸੰਭਾਵਿਤ ਕ੍ਰਿਕਟਰ:
ਈਸ਼ਾਨ ਕਿਸ਼ਨ, ਵਰੁਣ ਚੱਕਰਵਰਤੀ, ਸ਼੍ਰੇਅਸ ਅਈਅਰ, ਰਿਸ਼ਭ ਪੰਤ, ਅਭਿਸ਼ੇਕ ਸ਼ਰਮਾ, ਅਨੁਕੂਲ ਰਾਏ, ਅਰਸ਼ਦੀਪ ਸਿੰਘ, ਅਕਸ਼ਰ ਪਟੇਲ, ਆਯੂਸ਼ ਬਡੋਨੀ, ਧਰੁਵ ਜੁਰੇਲ, ਹਾਰਦਿਕ ਪਾਂਡਿਆ, ਹਰਸ਼ ਦੁਬੇ, ਹਰਸ਼ਿਤ ਰਾਣਾ, ਜਸਪ੍ਰੀਤ ਬੁਮਰਾਹ, ਖਲੀਲ ਅਹਿਮਦ, ਕੁਲਦੀਪ ਯਾਦਵ, ਨਿਤੀਸ਼ ਰੈੱਡੀ, ਪ੍ਰਸਿੱਧ ਕ੍ਰਿਸ਼ਨਾ, ਰਵੀ ਬਿਸ਼ਨੋਈ, ਰਿੰਕੂ ਸਿੰਘ, ਰਿਤੂਰਾਜ ਗਾਇਕਵਾੜ, ਸੰਜੂ ਸੈਮਸਨ, ਸ਼ਾਹਬਾਜ਼ ਅਹਿਮਦ, ਸ਼ਿਵਮ ਦੁਬੇ, ਤਿਲਕ ਵਰਮਾ, ਵੈਭਵ ਸੂਰਿਆਵੰਸ਼ੀ, ਵਿਪਰਾਜ ਨਿਗਮ, ਵਾਸ਼ਿੰਗਟਨ ਸੁੰਦਰ, ਯਸ਼ਸਵੀ ਜਾਇਸਵਾਲ, ਯਸ਼ ਠਾਕੁਰ।