ਦੂਜੇ ਟੈਸਟ ’ਚ ਵਾਪਸੀ ਲਈ ਸ੍ਰੀਲੰਕਾ ਨੂੰ ਦੇਣਾ ਪਵੇਗਾ ਸਰਬੋਤਮ ਪ੍ਰਦਰਸ਼ਨ : ਪ੍ਰਭਾਤ ਜੈਸੂਰਿਆ

ਹਰ ਟੈਸਟ ਬੱਲੇਬਾਜ਼ ਇੱਕ ਗੇਂਦਬਾਜ਼ ਲਈ ਇੱਕ ਵੱਡੀ ਚੁਣੌਤੀ ਪੇਸ਼ ਕਰਦਾ ਹੈ। ਪਡਿੱਕਲ ਨੇ ਪਹਿਲੇ ਟੈਸਟ ਵਿੱਚ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਤੇ 160 ਦੌੜਾਂ ਬਣਾਈਆਂ। ਉਸ ਨੇ ਸਾਡੇ ਸਪਿੰਨਰਾਂ ਤੇ ਤੇਜ਼ ਗੇਂਦਬਾਜ਼ਾਂ ਦੋਵਾਂ ਨੂੰ ਬਹੁਤ ਵਧੀਆ ਢੰਗ ਨਾਲ ਖੇਡਿਆ। ਇਹ ਕੰਮ ਮੇਰੇ ਲਈ ਹਮੇਸ਼ਾ ਚੁਣੌਤੀਪੂਰਨ ਹੁੰਦਾ ਹੈ ਕਿਉਂਕਿ ਮੈਂ ਟੀਮ ਦਾ ਮੁੱਖ ਗੇਂਦਬਾਜ਼ ਤੇ ਮੁੱਖ ਸਪਿੰਨਰ ਹਾਂ। ਮੇਰੇ ਕੋਲ ਇੱਕ ਵੱਡੀ ਜ਼ਿੰਮੇਵਾਰੀ ਹੈ। ਇੱਕ ਮਜ਼ਬੂਤ ਟੀਮ ਦੇ ਖਿਲਾਫ ਖੇਡਦੇ ਸਮੇਂ ਤੁਹਾਨੂੰ ਇਹ ਸਵੀਕਾਰ ਕਰਨਾ ਪਵੇਗਾ। ਭਾਰਤ ਦੇ ਚੋਟੀ ਦੇ ਪੰਜ ਬੱਲੇਬਾਜ਼ ਸਾਰੇ ਬਹੁਤ ਵਧੀਆ ਹਨ। ਇਸ ਲਈ ਸਾਨੂੰ ਸਹੀ ਰਣਨੀਤੀ ਬਣਾਉਣ ਤੇ 100 ਫੀਸਦ ਤੋਂ ਵੱਧ ਕੋਸ਼ਿਸ਼ ਕਰਨ ਦੀ ਜ਼ਰੂਰਤ ਹੈ। ਅਸੀਂ ਘਰੇਲੂ ਮੈਦਾਨ ’ਤੇ ਹਾਰ ਬਰਦਾਸ਼ਤ ਨਹੀਂ ਕਰ ਸਕਦੇ, ਸਾਨੂੰ ਘੱਟੋ ਘੱਟ ਲੜੀ ਬਰਾਬਰ ਕਰਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਦੂਜਾ ਟੈਸਟ ਜਿੱਤਣਾ ਸਾਡੇ ਲਈ ਬਹੁਤ ਮਹੱਤਵਪੂਰਨ ਹੈ।