- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IPL 2027: ਰੋਹਿਤ ਸ਼ਰਮਾ ਦੁਬਾਰਾ ਬਣਨਗੇ ਮੁੰਬਈ ਇੰਡੀਅਨਜ਼ ਦੇ ਕਪਤਾਨ, ਇਸ ਬੱਲੇਬਾਜ਼ ਨੂੰ ਮਿਲੇਗੀ ਉਪ-ਕਪਤਾਨੀ!
ਅੰਗਰੇਜ਼ੀ ਅਖ਼ਬਾਰ 'ਟਾਈਮਜ਼ ਆਫ਼ ਇੰਡੀਆ' ਦੀ ਰਿਪੋਰਟ ਮੁਤਾਬਕ, ਰੋਹਿਤ ਨੂੰ ਇੱਕ ਵਾਰ ਫਿਰ ਟੀਮ ਦੀ ਕਪਤਾਨੀ ਮਿਲ ਸਕਦੀ ਹੈ। ਟੀਮ ਉਨ੍ਹਾਂ ਨੂੰ ਆਖ਼ਰੀ ਵਾਰ ਕਪਤਾਨੀ ਦਾ ਮੌਕਾ ਦੇ ਸਕਦੀ ਹੈ। ਉੱਥੇ ਹੀ, ਭਾਰਤ ਦੀ ਟੀ-20 ਟੀਮ ਦੇ ਅਹਿਮ ਮੈਂਬਰ ਤਿਲਕ ਵਰਮਾ ਦੇ ਹਿੱਸੇ ਮੁੰਬਈ ਇੰਡੀਅਨਜ਼ ਦੀ ਉਪ-ਕਪਤਾਨੀ ਆ ਸਕਦੀ ਹੈ। ਜਿੱਥੋਂ ਤੱਕ ਪੰਡਿਆ ਦੀ ਗੱਲ ਹੈ, ਰਿਪੋਰਟ ਅਨੁਸਾਰ ਮੁੰਬਈ ਉਨ੍ਹਾਂ ਦੀ ਟ੍ਰੇਡ (Trade) ਨੂੰ ਲੈ ਕੇ ਤਿੰਨ ਫ੍ਰੈਂਚਾਇਜ਼ੀਆਂ ਨਾਲ ਗੱਲਬਾਤ ਕਰ ਰਹੀ ਹੈ।
Posted By Anuradha Bains
Publish Date: Sat, 31 Oct 2026 03:48 PM (IST)
Updated Date: Sat, 31 Oct 2026 03:51 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਮੁੰਬਈ ਇੰਡੀਅਨਜ਼ ਨੇ ਪੰਜ ਵਾਰ ਆਈ.ਪੀ.ਐਲ. (IPL) ਦਾ ਖ਼ਿਤਾਬ ਜਿੱਤਿਆ ਹੈ ਅਤੇ ਇਹ ਸਾਰੇ ਖ਼ਿਤਾਬ ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਿੱਚ ਜਿੱਤੇ ਗਏ ਹਨ। ਹਾਲਾਂਕਿ, ਟੀਮ 2020 ਤੋਂ ਬਾਅਦ ਕੋਈ ਖ਼ਿਤਾਬ ਨਹੀਂ ਜਿੱਤ ਸਕੀ ਹੈ ਅਤੇ ਰੋਹਿਤ 2024 ਤੋਂ ਕਪਤਾਨ ਨਹੀਂ ਹਨ, ਪਰ ਆਉਣ ਵਾਲੇ ਸੀਜ਼ਨ ਵਿੱਚ ਰੋਹਿਤ ਦੀ ਮੁੰਬਈ ਇੰਡੀਅਨਜ਼ ਦੇ ਕਪਤਾਨ ਵਜੋਂ ਵਾਪਸੀ ਹੋ ਸਕਦੀ ਹੈ।
ਸਾਲ 2024 ’ਚ ਮੁੰਬਈ ਨੇ ਹਾਰਦਿਕ ਪੰਡਿਆ ਨੂੰ ਕਪਤਾਨ ਬਣਾਇਆ ਸੀ ਪਰ ਉਨ੍ਹਾਂ ਦੇ ਹੁੰਦਿਆਂ ਟੀਮ ਨੂੰ ਸਫ਼ਲਤਾ ਨਹੀਂ ਮਿਲੀ, ਸਗੋਂ ਅੰਦਰੂਨੀ ਮਤਭੇਦਾਂ ਦੀਆਂ ਖ਼ਬਰਾਂ ਸਾਹਮਣੇ ਆਉਣ ਲੱਗੀਆਂ ਸਨ। ਇਸ ਤੋਂ ਬਾਅਦ ਹੁਣ ਇੱਕ ਵਾਰ ਫਿਰ ਰੋਹਿਤ ਨੂੰ ਕਪਤਾਨੀ ਮਿਲ ਸਕਦੀ ਹੈ।
ਪੰਡਿਆ ਜਾਣਗੇ ਦੂਜੀ ਟੀਮ 'ਚ
ਅੰਗਰੇਜ਼ੀ ਅਖ਼ਬਾਰ 'ਟਾਈਮਜ਼ ਆਫ਼ ਇੰਡੀਆ' ਦੀ ਰਿਪੋਰਟ ਮੁਤਾਬਕ, ਰੋਹਿਤ ਨੂੰ ਇੱਕ ਵਾਰ ਫਿਰ ਟੀਮ ਦੀ ਕਪਤਾਨੀ ਮਿਲ ਸਕਦੀ ਹੈ। ਟੀਮ ਉਨ੍ਹਾਂ ਨੂੰ ਆਖ਼ਰੀ ਵਾਰ ਕਪਤਾਨੀ ਦਾ ਮੌਕਾ ਦੇ ਸਕਦੀ ਹੈ। ਉੱਥੇ ਹੀ, ਭਾਰਤ ਦੀ ਟੀ-20 ਟੀਮ ਦੇ ਅਹਿਮ ਮੈਂਬਰ ਤਿਲਕ ਵਰਮਾ ਦੇ ਹਿੱਸੇ ਮੁੰਬਈ ਇੰਡੀਅਨਜ਼ ਦੀ ਉਪ-ਕਪਤਾਨੀ ਆ ਸਕਦੀ ਹੈ। ਜਿੱਥੋਂ ਤੱਕ ਪੰਡਿਆ ਦੀ ਗੱਲ ਹੈ, ਰਿਪੋਰਟ ਅਨੁਸਾਰ ਮੁੰਬਈ ਉਨ੍ਹਾਂ ਦੀ ਟ੍ਰੇਡ (Trade) ਨੂੰ ਲੈ ਕੇ ਤਿੰਨ ਫ੍ਰੈਂਚਾਇਜ਼ੀਆਂ ਨਾਲ ਗੱਲਬਾਤ ਕਰ ਰਹੀ ਹੈ।
ਪੰਡਿਆ 2022 ਵਿੱਚ ਮੁੰਬਈ ਛੱਡ ਕੇ ਗੁਜਰਾਤ ਟਾਈਟਨਜ਼ ਚਲੇ ਗਏ ਸਨ ਅਤੇ ਪਹਿਲੇ ਹੀ ਸੀਜ਼ਨ ਵਿੱਚ ਟੀਮ ਨੂੰ ਖ਼ਿਤਾਬ ਦਿਵਾਇਆ ਸੀ। ਹਾਲਾਂਕਿ, ਦੋ ਸੀਜ਼ਨ ਗੁਜਰਾਤ ਵਿੱਚ ਰਹਿਣ ਤੋਂ ਬਾਅਦ ਉਨ੍ਹਾਂ ਦੀ ਮੁੰਬਈ ਵਿੱਚ ਬਤੌਰ ਕਪਤਾਨ ਵਾਪਸੀ ਹੋਈ ਸੀ, ਜੋ ਫਿੱਕੀ ਰਹੀ।
ਨਵੇਂ ਕੋਚਿੰਗ ਸਟਾਫ਼ ਦਾ ਐਲਾਨ
ਬੀਤੇ ਛੇ ਸਾਲਾਂ ਤੋਂ ਖ਼ਿਤਾਬ ਲਈ ਤਰਸ ਰਹੀ ਮੁੰਬਈ ਨੇ ਆਉਣ ਵਾਲੇ ਸੀਜ਼ਨ 'ਚ ਆਪਣੇ ਆਪ ਨੂੰ ਨਵੇਂ ਸਿਰੇ ਤੋਂ ਤਿਆਰ ਕਰਨ ਦਾ ਫ਼ੈਸਲਾ ਕੀਤਾ ਹੈ ਅਤੇ ਇਸੇ ਕਾਰਨ ਉਸ ਨੇ ਆਪਣੇ ਕੋਚਿੰਗ ਸਟਾਫ਼ ਵਿੱਚ ਬਦਲਾਅ ਕੀਤਾ ਹੈ। ਕਾਇਰਨ ਪੋਲਾਰਡ ਨੂੰ ਹੈੱਡ ਕੋਚ ਨਿਯੁਕਤ ਕੀਤਾ ਗਿਆ ਹੈ, ਜਦੋਂ ਕਿ ਰੌਬਿਨ ਉਥੱਪਾ ਨੂੰ ਬੱਲੇਬਾਜ਼ੀ ਕੋਚ ਬਣਾਇਆ ਗਿਆ ਹੈ।
ਮਿਚੇਲ ਮੈਕਲੇਨਾਘਨ ਨੂੰ ਗੇਂਦਬਾਜ਼ੀ ਕੋਚ ਅਤੇ ਧਵਲ ਕੁਲਕਰਨੀ ਨੂੰ ਡਿਵੈਲਪਮੈਂਟ ਬੋਲਿੰਗ ਕੋਚ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਭਾਰਤੀ ਟੀਮ ਨਾਲ ਕੰਮ ਕਰ ਚੁੱਕੇ ਟੀ. ਦਿਲੀਪ ਨੂੰ ਫੀਲਡਿੰਗ ਕੋਚ ਨਿਯੁਕਤ ਕੀਤਾ ਗਿਆ ਹੈ।