ਵਨਡੇ ਲੜੀ ਲਈ ਨਿਊਜ਼ੀਲੈਂਡ ਪੁੱਜੇ ਰੋਹਿਤ-ਵਿਰਾਟ, ਆਕਲੈਂਡ ਪਹੁੰਚਦਿਆਂ ਹੀ ਈਡਨ ਪਾਰਕ 'ਚ ਵਹਾਇਆ ਪਸੀਨਾ

ਇੰਨੀ ਲੰਬੀ ਯਾਤਰਾ ਤੋਂ ਬਾਅਦ ਸਿੱਧਾ ਅਭਿਆਸ ਲਈ ਜਾਣ ਬਾਰੇ ਪੁੱਛੇ ਜਾਣ ’ਤੇ ਕੋਹਲੀ ਨੇ ਦੱਸਿਆ ਕਿ ‘ਜੈੱਟ ਲੈਗ’ (ਸਮੇਂ ਦੇ ਅੰਤਰ ਕਾਰਨ ਹੋਣ ਵਾਲੀ ਥਕਾਵਟ) ਨਾਲ ਨਜਿੱਠਣ ਦਾ ਇਹ ਉਨ੍ਹਾਂ ਦਾ ਆਪਣਾ ਤਰੀਕਾ ਹੈ। ਉਹ ਆਰਾਮ ਕਰਨ ਦੀ ਬਜਾਏ ਸਿੱਧਾ ਸਿਖਲਾਈ (ਟ੍ਰੇਨਿੰਗ) ’ਚ ਜਾਣਾ ਪਸੰਦ ਕਰਦੇ ਹਨ। ਈਡਨ ਪਾਰਕ ਵਿਖੇ ਨੈੱਟ ਸੈਸ਼ਨ ਤੋਂ ਬਾਅਦ, ਕੋਹਲੀ ਨੇ ਦੌੜਨ ਦੀਆਂ ਕਸਰਤਾਂ ’ਚ ਵੀ ਕਾਫ਼ੀ ਸਮਾਂ ਬਿਤਾਇਆ। ਆਪਣੀ ਯਾਤਰਾ ਦੌਰਾਨ ਜਹਾਜ਼ ਤੋਂ ਉਤਰਨ ਤੋਂ ਲੈ ਕੇ ਮੈਦਾਨ ’ਤੇ ਪਹੁੰਚਣ ਤੱਕ ਉਹ ਪ੍ਰਸੰਸਕਾਂ ’ਚ ਚਰਚਾ ਦਾ ਮੁੱਖ ਵਿਸ਼ਾ ਬਣੇ ਰਹੇ ਤੇ ਉਨ੍ਹਾਂ ਨੇ ਕਈ ਪ੍ਰਸੰਸਕਾਂ ਨਾਲ ਤਸਵੀਰਾਂ ਵੀ ਖਿਚਵਾਈਆਂ। ਬੀਸੀਸੀਆਈ ਨੇ ਸੋਸ਼ਲ ਮੀਡੀਆ ’ਤੇ ਦੋਵਾਂ ਸਿਤਾਰਿਆਂ ਦੀ ਟ੍ਰੇਨਿੰਗ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਹੈ, ਜਿਸ ਨੂੰ ਬਹੁਤ ਵਧੀਆ ਹੁੰਗਾਰਾ ਮਿਲ ਰਿਹਾ ਹੈ। ਵੀਡੀਓ ਦੇ ਨਾਲ ਬੀਸੀਸੀਆਈ ਨੇ ਲਿਖਿਆ, ‘ਉਹ ਵਾਪਸ ਆ ਗਏ ਹਨ।’ ਜ਼ਿਕਰਯੋਗ ਹੈ ਕਿ ਸਤੰਬਰ-ਅਕਤੂਬਰ ਵਿੱਚ ਵੈਸਟਇੰਡੀਜ਼ ਵਿਰੁੱਧ ਲੜੀ ਦੌਰਾਨ ਦੋਵਾਂ ਬੱਲੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਤਿੰਨ ਮੈਚਾਂ ਦੀ ਉਸ ਇਕ ਰੋਜ਼ਾ ਲੜੀ ’ਚ ਰੋਹਿਤ ਨੇ 225 ਦੌੜਾਂ ਬਣਾਈਆਂ ਸਨ ਜਿਸ ’ਚ ਇੱਕ ਸੈਂਕੜਾ ਅਤੇ ਇੱਕ ਅਰਧ-ਸੈਂਕੜਾ ਸ਼ਾਮਲ ਸੀ, ਜਦਕਿ ਵਿਰਾਟ ਨੇ ਉਹ ਇਸ ਫਾਰਮੈਟ ’ਚ ਇਹ ਉਪਲੱਬਧੀ ਹਾਸਲ ਕਰਨ ਵਾਲੇ ਸਿਰਫ਼ ਦੂਜੇ ਬੱਲੇਬਾਜ਼ ਹਨ। ਵਨਡੇ ਕ੍ਰਿਕਟ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਰਿਕਾਰਡ ਸਚਿਨ ਤੇਂਦੁਲਕਰ ਦੇ ਨਾਂ ਹੈ, ਜਿਨ੍ਹਾਂ ਨੇ ਕੁੱਲ 18,426 ਦੌੜਾਂ ਬਣਾਈਆਂ ਹਨ। ਵਿਰਾਟ 15,109 ਦੌੜਾਂ ਨਾਲ ਦੂਜੇ ਸਥਾਨ ’ਤੇ ਹਨ, ਜਦਕਿ ਸ੍ਰੀਲੰਕਾ ਦੇ ਸਾਬਕਾ ਵਿਕਟਕੀਪਰ-ਬੱਲੇਬਾਜ਼ ਕੁਮਾਰ ਸੰਗਾਕਾਰਾ 14,234 ਦੌੜਾਂ ਨਾਲ ਤੀਜੇ ਸਥਾਨ ’ਤੇ ਹਨ।