- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Rishabh Pant Net Worth: ਆਰਥਿਕ ਤੰਗੀ ਨੂੰ ਦਿੱਤੀ ਮਾਤ, ਮੌਤ ਨੂੰ ਦਿਖਾਇਆ ਅੰਗੂਠਾ; ਅੱਜ 100 ਕਰੋੜ ਦੇ ਮਾਲਕ ਹਨ ਰਿਸ਼ਭ ਪੰਤ
ਪੰਤ ਨੇ ਅੰਡਰ-19 ਕ੍ਰਿਕਟ ਤੋਂ ਆਪਣੀ ਪਛਾਣ ਬਣਾਈ ਅਤੇ ਆਈ.ਪੀ.ਐੱਲ. (IPL) ਵਿੱਚ ਆਪਣੇ ਬੱਲੇ ਦਾ ਦਮ ਦਿਖਾਇਆ। ਇੱਥੋਂ ਉਹ ਟੀਮ ਇੰਡੀਆ ਵਿੱਚ ਪਹੁੰਚੇ। ਇਸ ਸਮੇਂ ਬੇਸ਼ੱਕ ਉਹ ਸਿਰਫ਼ ਭਾਰਤ ਦੀ ਟੈਸਟ ਟੀਮ ਦਾ ਹਿੱਸਾ ਹਨ ਪਰ ਉਨ੍ਹਾਂ ਦੀ ਪ੍ਰਤਿਭਾ 'ਤੇ ਕਿਸੇ ਨੂੰ ਕੋਈ ਸ਼ੱਕ ਨਹੀਂ ਹੈ।
Posted By Anuradha Bains
Publish Date: Sun, 04 Oct 2026 03:17 PM (IST)
Updated Date: Sun, 04 Oct 2026 03:19 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤੀ ਕ੍ਰਿਕਟ ਟੀਮ ਦੇ ਵਿਕਟਕੀਪਰ-ਬੱਲੇਬਾਜ਼ ਰਿਸ਼ਭ ਪੰਤ ਮੈਦਾਨ 'ਤੇ ਆਪਣੇ ਅੰਦਾਜ਼ ਕਾਰਨ ਚਰਚਾ ਵਿੱਚ ਰਹਿੰਦੇ ਹਨ। ਜਦੋਂ ਉਹ ਕ੍ਰਿਕਟ ਨਹੀਂ ਖੇਡ ਰਹੇ ਹੁੰਦੇ ਤਾਂ ਵੀ ਉਹ ਕੁਝ ਨਾ ਕੁਝ ਅਜਿਹਾ ਕਰਦੇ ਹਨ ਜਿਸ ਨਾਲ ਉਨ੍ਹਾਂ ਦਾ ਨਾਮ ਸੁਰਖੀਆਂ ਵਿੱਚ ਰਹਿੰਦਾ ਹੈ। ਆਪਣੇ ਚੁਲਬੁਲੇ ਅੰਦਾਜ਼ ਲਈ ਮਸ਼ਹੂਰ ਪੰਤ ਦਾ ਅੱਜ ਯਾਨੀ ਚਾਰ ਅਕਤੂਬਰ ਨੂੰ ਜਨਮਦਿਨ ਹੈ।
ਪੰਤ ਨੇ ਅੰਡਰ-19 ਕ੍ਰਿਕਟ ਤੋਂ ਆਪਣੀ ਪਛਾਣ ਬਣਾਈ ਅਤੇ ਆਈ.ਪੀ.ਐੱਲ. (IPL) ਵਿੱਚ ਆਪਣੇ ਬੱਲੇ ਦਾ ਦਮ ਦਿਖਾਇਆ। ਇੱਥੋਂ ਉਹ ਟੀਮ ਇੰਡੀਆ ਵਿੱਚ ਪਹੁੰਚੇ। ਇਸ ਸਮੇਂ ਬੇਸ਼ੱਕ ਉਹ ਸਿਰਫ਼ ਭਾਰਤ ਦੀ ਟੈਸਟ ਟੀਮ ਦਾ ਹਿੱਸਾ ਹਨ ਪਰ ਉਨ੍ਹਾਂ ਦੀ ਪ੍ਰਤਿਭਾ 'ਤੇ ਕਿਸੇ ਨੂੰ ਕੋਈ ਸ਼ੱਕ ਨਹੀਂ ਹੈ।
ਕਿੰਨੀ ਹੈ ਨੈੱਟ ਵਰਥ?
ਪੰਤ ਉਹ ਖਿਡਾਰੀ ਰਹੇ ਹਨ ਜਿਨ੍ਹਾਂ ਨੇ ਆਰਥਿਕ ਤੰਗੀ ਝੱਲੀ ਹੈ ਪਰ ਅੱਜ ਉਹ ਲਗਜ਼ਰੀ ਲਾਈਫ ਜੀ ਰਹੇ ਹਨ। ਉਨ੍ਹਾਂ ਕੋਲ ਆਲੀਸ਼ਾਨ ਘਰ ਹੈ ਅਤੇ ਇੱਕ ਤੋਂ ਵੱਧ ਕੇ ਇੱਕ ਕਾਰਾਂ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ, ਪੰਤ ਦੀ ਨੈੱਟ ਵਰਥ ਤਕਰੀਬਨ 100 ਕਰੋੜ ਰੁਪਏ ਤੋਂ ਵੱਧ ਦੀ ਹੈ। ਇਸ ਵਿੱਚ ਉਨ੍ਹਾਂ ਨੂੰ ਬੀ.ਸੀ.ਸੀ.ਆਈ. (BCCI), ਆਈ.ਪੀ.ਐੱਲ. ਤੋਂ ਮਿਲਣ ਵਾਲੀ ਸੈਲਰੀ ਤੋਂ ਇਲਾਵਾ ਕਈ ਤਰ੍ਹਾਂ ਦੇ ਐਂਡੋਰਸਮੈਂਟਸ (Endorsements) ਤੋਂ ਮਿਲਣ ਵਾਲੀ ਮੋਟੀ ਰਕਮ ਦਾ ਯੋਗਦਾਨ ਹੈ।
ਪੰਤ ਇਸ ਸਮੇਂ ਬੀ.ਸੀ.ਸੀ.ਆਈ. ਦੇ ਸੈਂਟਰਲ ਕਾਂਟਰੈਕਟ ਵਿੱਚ ਗ੍ਰੇਡ-ਏ ਵਿੱਚ ਹਨ ਜਿੱਥੋਂ ਉਨ੍ਹਾਂ ਨੂੰ ਹਰ ਸਾਲ ਪੰਜ ਕਰੋੜ ਰੁਪਏ ਮਿਲਦੇ ਹਨ। ਇਸ ਤੋਂ ਇਲਾਵਾ ਉਹ ਮੈਚ ਫੀਸ ਰਾਹੀਂ ਵੀ ਕਮਾਈ ਕਰਦੇ ਹਨ।
ਆਈ.ਪੀ.ਐੱਲ. ਤੋਂ ਵੀ ਪੰਤ ਕਰੋੜਾਂ ਦੀ ਕਮਾਈ ਕਰਦੇ ਹਨ। ਸਾਲ 2025 ਵਿੱਚ ਆਈ.ਪੀ.ਐੱਲ. ਦੀ ਮੇਗਾ ਨਿਲਾਮੀ ਵਿੱਚ ਪੰਤ ਨੂੰ ਲਖਨਊ ਸੁਪਰ ਜਾਇੰਟਸ ਨੇ 27 ਕਰੋੜ ਦੀ ਕੀਮਤ ਵਿੱਚ ਖਰੀਦਿਆ ਸੀ। ਉਹ ਲੀਗ ਇਤਿਹਾਸ ਦੇ ਸਭ ਤੋਂ ਮਹਿੰਗੇ ਖਿਡਾਰੀ ਬਣੇ ਸਨ। ਹਾਲਾਂਕਿ, ਹੁਣ ਇਸ ਟੀਮ ਨੇ ਉਨ੍ਹਾਂ ਦਾ ਸਾਥ ਛੱਡ ਦਿੱਤਾ ਹੈ ਅਤੇ ਉਹ ਵਾਪਸ ਦਿੱਲੀ ਕੈਪੀਟਲਸ ਵਿੱਚ ਆ ਗਏ ਹਨ। ਇਸ ਤੋਂ ਇਲਾਵਾ ਉਹ ਜੇ.ਐੱਸ.ਡਬਲਯੂ. ਸੀਮੈਂਟ, ਐਡੀਡਾਸ (Adidas), ਡ੍ਰੀਮ11 ਅਤੇ ਕੈਡਬਰੀ ਵਰਗੀਆਂ ਕੰਪਨੀਆਂ ਲਈ ਇਸ਼ਤਿਹਾਰ ਵੀ ਕਰਦੇ ਹਨ।
ਮੌਤ ਨੂੰ ਦਿੱਤੀ ਮਾਤ
ਪੰਤ ਦਾ ਜੀਵਨ ਆਸਾਨ ਨਹੀਂ ਰਿਹਾ ਹੈ। ਇੱਕ ਮੱਧਵਰਗੀ ਪਰਿਵਾਰ ਤੋਂ ਆਉਣ ਵਾਲੇ ਪੰਤ ਨੇ ਆਰਥਿਕ ਤੰਗੀ ਝੱਲੀ ਹੈ। ਬੇਹੱਦ ਹੀ ਘੱਟ ਉਮਰ ਵਿੱਚ ਉਨ੍ਹਾਂ ਨੇ ਆਪਣੇ ਪਿਤਾ ਨੂੰ ਖੋ ਦਿੱਤਾ ਸੀ। ਉਹ ਖ਼ੁਦ ਮੌਤ ਨੂੰ ਮਾਤ ਦੇ ਕੇ ਵਾਪਸ ਆਏ ਹਨ। 30 ਦਸੰਬਰ 2022 ਨੂੰ ਦਿੱਲੀ ਤੋਂ ਆਪਣੇ ਘਰ ਰੁੜਕੀ ਜਾਂਦੇ ਸਮੇਂ ਉਨ੍ਹਾਂ ਦਾ ਖ਼ਤਰਨਾਕ ਐਕਸੀਡੈਂਟ ਹੋ ਗਿਆ ਸੀ। ਇਸ ਹਾਦਸੇ ਵਿੱਚ ਉਨ੍ਹਾਂ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ ਅਤੇ ਉਹ ਇੱਕ ਸਾਲ ਤੋਂ ਵੱਧ ਸਮੇਂ ਤੱਕ ਕ੍ਰਿਕਟ ਤੋਂ ਦੂਰ ਰਹੇ ਸਨ।