- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Ranji Trophy 2026 : ਰਵਿੰਦਰ ਜਡੇਜਾ ਦਾ 16ਵਾਂ ਕਮਾਲ, ਨਿਊਜ਼ੀਲੈਂਡ ਦੌਰੇ ਤੋਂ ਪਹਿਲਾਂ ਮੈਦਾਨ 'ਤੇ ਦਿਖਾਏ ਤੇਵਰ
ਜਿਸ ਵਿੱਚ ਸੱਤ ਚੌਕੇ ਸ਼ਾਮਲ ਸਨ। ਇਹ ਉਨ੍ਹਾਂ ਦਾ 16ਵਾਂ ਫਸਟ-ਕਲਾਸ ਸੈਂਕੜਾ ਹੈ। ਉਨ੍ਹਾਂ ਤੋਂ ਇਲਾਵਾ, ਪ੍ਰੇਰਕ ਮਾਨਕਾਡ ਨੇ ਵੀ ਸੌਰਾਸ਼ਟਰ ਲਈ ਸੈਂਕੜਾ ਲਗਾਇਆ। ਮਾਨਕਾਡ ਨੇ ਹਮਲਾਵਰ ਬੱਲੇਬਾਜ਼ੀ ਕਰਦਿਆਂ 150 ਗੇਂਦਾਂ 'ਤੇ 129 ਦੌੜਾਂ ਬਣਾਈਆਂ
Posted By alisha
Publish Date: Mon, 12 Oct 2026 02:09 PM (IST)
Updated Date: Mon, 12 Oct 2026 02:15 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਅਗਲੇ ਮਹੀਨੇ ਨਿਊਜ਼ੀਲੈਂਡ ਵਿੱਚ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡਣ ਲਈ ਤਿਆਰ ਹੈ। ਟੀਮ ਦੇ ਮੁੱਖ ਖਿਡਾਰੀ ਇਸ ਸਮੇਂ ਰਣਜੀ ਟਰਾਫੀ ਵਿੱਚ ਹਿੱਸਾ ਲੈ ਕੇ ਇਸ ਸੀਰੀਜ਼ ਲਈ ਤਿਆਰੀ ਕਰ ਰਹੇ ਹਨ। ਰਵਿੰਦਰ ਜਡੇਜਾ ਵੀ ਇਨ੍ਹਾਂ ਵਿੱਚ ਸ਼ਾਮਲ ਹਨ ਅਤੇ ਇਸ ਤਜਰਬੇਕਾਰ ਆਲ-ਰਾਊਂਡਰ ਨੇ ਇੱਕ ਸ਼ਾਨਦਾਰ ਸੈਂਕੜਾ ਲਗਾ ਕੇ ਆਪਣੀ ਤਿਆਰੀ ਦਾ ਸੰਕੇਤ ਦਿੱਤਾ ਹੈ।
ਸੌਰਾਸ਼ਟਰ ਲਈ ਖੇਡਦਿਆਂ, ਜਡੇਜਾ ਨੇ ਛੱਤੀਸਗੜ੍ਹ ਵਿਰੁੱਧ ਸ਼ਾਨਦਾਰ ਸੈਂਕੜਾ ਲਗਾਇਆ। ਉਨ੍ਹਾਂ ਨੇ ਮੈਚ ਦੇ ਦੂਜੇ ਦਿਨ ਇਹ ਉਪਲਬਧੀ ਹਾਸਲ ਕੀਤੀ ਪਰ ਆਪਣੀ ਪਾਰੀ ਨੂੰ ਬਹੁਤ ਅੱਗੇ ਨਹੀਂ ਵਧਾ ਸਕੇ। ਉਨ੍ਹਾਂ ਦੇ ਸੈਂਕੜੇ ਦੀ ਬਦੌਲਤ, ਸੌਰਾਸ਼ਟਰ ਨੇ ਆਪਣੀ ਪਹਿਲੀ ਪਾਰੀ ਵਿੱਚ ਕੁੱਲ 392 ਦੌੜਾਂ ਬਣਾਈਆਂ।
16ਵੀਂ ਵਾਰ ਇਹ ਉਪਲਬਧੀ ਹਾਸਲ ਕੀਤੀ
ਜਡੇਜਾ ਨੇ 209 ਗੇਂਦਾਂ 'ਤੇ 102 ਦੌੜਾਂ ਬਣਾਈਆਂ, ਜਿਸ ਵਿੱਚ ਸੱਤ ਚੌਕੇ ਸ਼ਾਮਲ ਸਨ। ਇਹ ਉਨ੍ਹਾਂ ਦਾ 16ਵਾਂ ਫਸਟ-ਕਲਾਸ ਸੈਂਕੜਾ ਹੈ। ਉਨ੍ਹਾਂ ਤੋਂ ਇਲਾਵਾ, ਪ੍ਰੇਰਕ ਮਾਨਕਾਡ ਨੇ ਵੀ ਸੌਰਾਸ਼ਟਰ ਲਈ ਸੈਂਕੜਾ ਲਗਾਇਆ। ਮਾਨਕਾਡ ਨੇ ਹਮਲਾਵਰ ਬੱਲੇਬਾਜ਼ੀ ਕਰਦਿਆਂ 150 ਗੇਂਦਾਂ 'ਤੇ 129 ਦੌੜਾਂ ਬਣਾਈਆਂ, ਜਿਸ ਵਿੱਚ 15 ਚੌਕੇ ਅਤੇ ਇੱਕ ਛੱਕਾ ਸ਼ਾਮਲ ਸੀ। ਇਸ ਜੋੜੀ ਨੇ ਪੰਜਵੀਂ ਵਿਕਟ ਲਈ 297 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
ਓਪਨਿੰਗ ਬੱਲੇਬਾਜ਼ ਚਿਰਾਗ ਜਾਨੀ ਨੇ ਵੀ ਸ਼ਾਨਦਾਰ ਪਾਰੀ ਖੇਡੀ ਪਰ ਸੈਂਕੜਾ ਲਗਾਉਣ ਤੋਂ ਖੁੰਝ ਗਏ; ਉਨ੍ਹਾਂ ਨੇ 148 ਗੇਂਦਾਂ 'ਤੇ 83 ਦੌੜਾਂ ਬਣਾਈਆਂ, ਜਿਸ ਵਿੱਚ 12 ਚੌਕੇ ਅਤੇ ਦੋ ਛੱਕੇ ਸ਼ਾਮਲ ਸਨ। ਜਿੱਥੇ ਜਡੇਜਾ ਨੇ ਚਿਰਾਗ ਅਤੇ ਪ੍ਰੇਰਕ ਦੇ ਮੁਕਾਬਲੇ ਵਧੇਰੇ ਸੰਭਲ ਕੇ ਬੱਲੇਬਾਜ਼ੀ ਕੀਤੀ, ਉੱਥੇ ਹੀ ਉਹ ਅੰਤ ਤੱਕ ਡਟੇ ਰਹੇ ਅਤੇ ਟੀਮ ਨੂੰ ਮਜ਼ਬੂਤ ਸਕੋਰ ਤੱਕ ਪਹੁੰਚਾਉਣ ਵਿੱਚ ਮਦਦ ਕੀਤੀ। ਧਰਮਿੰਦਰਸਿੰਘ ਜਡੇਜਾ ਜਿਨ੍ਹਾਂ ਦਾ ਉਪਨਾਮ ਵੀ ਜਡੇਜਾ ਹੀ ਨੇ ਰਵਿੰਦਰ ਜਡੇਜਾ ਦੀ ਪਾਰੀ ਅਤੇ ਸੌਰਾਸ਼ਟਰ ਦੀ ਪਾਰੀ ਦਾ ਅੰਤ ਕੀਤਾ।
ਨਿਊਜ਼ੀਲੈਂਡ ਦੌਰੇ 'ਤੇ ਨਜ਼ਰਾਂ
ਜਡੇਜਾ ਹਾਲ ਹੀ ਵਿੱਚ ਵੈਸਟਇੰਡੀਜ਼ ਵਿਰੁੱਧ ਵਨਡੇ ਸੀਰੀਜ਼ ਦਾ ਹਿੱਸਾ ਸਨ। ਹੁਣ ਉਨ੍ਹਾਂ ਦਾ ਧਿਆਨ ਨਿਊਜ਼ੀਲੈਂਡ ਦੌਰੇ ਵੱਲ ਹੈ, ਜਿੱਥੇ ਵਨਡੇ ਅਤੇ ਟੈਸਟ ਦੋਵਾਂ ਸੀਰੀਜ਼ਾਂ ਲਈ ਉਨ੍ਹਾਂ ਦੀ ਚੋਣ ਲਗਪਗ ਤੈਅ ਹੈ। ਜਡੇਜਾ ਵਿਦੇਸ਼ੀ ਧਰਤੀ 'ਤੇ ਭਾਰਤ ਦੇ ਮੁੱਖ ਸਪਿੰਨਰ ਵਜੋਂ ਮੈਦਾਨ ਵਿੱਚ ਉਤਰਦੇ ਹਨ। ਇਸ ਵਾਰ ਵੀ ਉਨ੍ਹਾਂ ਦੀ ਭੂਮਿਕਾ ਵਿੱਚ ਕੋਈ ਬਦਲਾਅ ਨਹੀਂ ਹੋਵੇਗਾ; ਉਹ ਟੀਮ ਦਾ ਮੁੱਖ ਸਪਿਨਰ ਅਤੇ ਇੱਕ ਅਹਿਮ ਖਿਡਾਰੀ ਹੋਵੇਗਾ।