ਮੀਂਹ ਨੇ ਬੁਮਰਾਹ ਤੇ ਜਡੇਜਾ ਦੀ ਮੈਚ ਪ੍ਰੈਕਟਿਸ 'ਤੇ ਫੇਰਿਆ ਪਾਣੀ, ਭਾਰਤ 'ਏ' ਤੇ ਨਿਊਜ਼ੀਲੈਂਡ 'ਏ' ਵਿਚਾਲੇ ਤੀਜਾ ਟੈਸਟ ਵੀ ਡਰਾਅ

ਬੁਮਰਾਹ ਆਖਰੀ ਵਾਰ 3 ਅਕਤੂਬਰ ਨੂੰ ਜਾਪਾਨ ਦੇ ਆਈਚੀ-ਨਾਗੋਯਾ ’ਚ ਪਾਕਿਸਤਾਨ ਵਿਰੁੱਧ ਏਸ਼ੀਆਈ ਖੇਡਾਂ ਦੇ ਫਾਈਨਲ ’ਚ ਖੇਡੇ ਸਨ। ਨਿਊਜ਼ੀਲੈਂਡ ਦੌਰੇ ਦੇ ਸੀਮਤ ਓਵਰਾਂ ਵਾਲੇ ਹਿੱਸੇ ਦੌਰਾਨ ਉਨ੍ਹਾਂ ਨੂੰ ਆਰਾਮ ਦਿੱਤਾ ਗਿਆ ਸੀ ਤਾਂ ਜੋ ਉਹ 19 ਨਵੰਬਰ ਤੋਂ ਵੈਲਿੰਗਟਨ ’ਚ ਸ਼ੁਰੂ ਹੋਣ ਵਾਲੀ ਦੋ ਟੈਸਟ ਮੈਚਾਂ ਦੀ ਲੜੀ ਲਈ ਤਾਜ਼ਾਦਮ ਰਹਿ ਸਕਣ। ਇਸ ਮੈਚ ’ਚ ਬੁਮਰਾਹ ਸਿਰਫ਼ ਛੇ ਓਵਰ ਹੀ ਗੇਂਦਬਾਜ਼ੀ ਕਰ ਸਕੇ, ਜਿਸ ’ਚ ਉਨ੍ਹਾਂ ਨੇ 11 ਦੌੜਾਂ ਦਿੱਤੀਆਂ। ਉਨ੍ਹਾਂ ਨੂੰ ਉਮੀਦ ਸੀ ਕਿ ਟੈਸਟ ਲੜੀ ਤੋਂ ਪਹਿਲਾਂ ਕੁਝ ਸਪੈੱਲ ਗੇਂਦਬਾਜ਼ੀ ਕਰਕੇ ਉਹ ਆਪਣੀ ਲੈਅ ਹਾਸਲ ਕਰ ਲੈਣਗੇ, ਪਰ ਖਰਾਬ ਮੌਸਮ ਨੇ ਉਨ੍ਹਾਂ ਦੀਆਂ ਤਿਆਰੀਆਂ ’ਤੇ ਪਾਣੀ ਫੇਰ ਦਿੱਤਾ। ਜਡੇਜਾ ਜੋ ਅਕਸਰ ਵਿਦੇਸ਼ੀ ਹਾਲਾਤਾਂ ’ਚ ਇੱਕ ਅਹਿਮ ਬੱਲੇਬਾਜ਼ ਦੀ ਭੂਮਿਕਾ ਨਿਭਾਉਂਦੇ ਹਨ, ਨੂੰ ਬੱਲੇਬਾਜ਼ੀ ਕਰਨ ਦਾ ਮੌਕਾ ਜ਼ਰੂਰ ਮਿਲਿਆ। ਉਨ੍ਹਾਂ ਨੇ 71 ਗੇਂਦਾਂ ’ਤੇ 25 ਦੌੜਾਂ ਬਣਾਈਆਂ ਤੇ ਕ੍ਰੀਜ਼ ’ਤੇ ਇੱਕ ਘੰਟਾ 20 ਮਿੰਟ ਬਿਤਾਏ। ਹਾਲਾਂਕਿ ਉਨ੍ਹਾਂ ਨੂੰ ਗੇਂਦਬਾਜ਼ੀ ਕਰਨ ਦਾ ਮੌਕਾ ਨਹੀਂ ਮਿਲਿਆ, ਕਿਉਂਕਿ ਭਾਰਤ ‘ਏ’ ਟੀਮ ਕੁੱਲ ਬੁਮਰਾਹ ਤੇ ਜਡੇਜਾ ਦੇ ਨਾਲ-ਨਾਲ, ਜੈਸਵਾਲ, ਦੇਵਦੱਤ ਪਡੀਕਲ, ਸਾਈ ਸੁਦਰਸ਼ਨ, ਵਾਸ਼ਿੰਗਟਨ ਸੁੰਦਰ ਤੇ ਆਕਾਸ਼ ਦੀਪ ਹੁਣ ਵੈਲਿੰਗਟਨ ਜਾਣਗੇ, ਜਿੱਥੇ ਭਾਰਤੀ ਸੀਨੀਅਰ ਟੀਮ ਛੇ ਅਭਿਆਸ ਸੈਸ਼ਨ ਪੂਰੇ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਬਸ਼ਰਤੇ ਮੌਸਮ ਸਾਫ਼ ਰਹੇ। ਜਿੱਥੋਂ ਤੱਕ ‘ਇੰਡੀਆ ਏ’ ਲੜੀ ਦੀ ਗੱਲ ਹੈ, ਜੈਸਵਾਲ ਦੇ ਲਗਾਤਾਰ ਦੋ ਸੈਂਕੜੇ ਤੇ ਪੱਡੀਕਲ ਦਾ ਸ਼ਾਨਦਾਰ ਪ੍ਰਦਰਸ਼ਨ ਟੀਮ ਲਈ ਬਹੁਤ ਸਕਾਰਾਤਮਕ ਪਹਿਲੂ ਰਹੇ। ਪਹਿਲੇ ਗੈਰ-ਅਧਿਕਾਰਤ ਟੈਸਟ ’ਚ ਪੱਡੀਕਲ ਵੱਲੋਂ ਖੇਡੀ ਗਈ 199 ਦੌੜਾਂ ਦੀ ਪਾਰੀ ਨੇ ਤੀਜੇ ਨੰਬਰ ’ਤੇ ਉਨ੍ਹਾਂ ਦੀ ਜਗ੍ਹਾ ਲਗਭਗ ਪੱਕੀ ਕਰ ਦਿੱਤੀ ਹੈ।