'ਦਰਦਨਾਕ ਤੇ ਮਾਨਸਿਕ ਤੌਰ 'ਤੇ ਪਰੇਸ਼ਾਨ’ IPL ਤੋਂ ਸੰਨਿਆਸ ਲੈਣ 'ਤੇ R Ashwin ਨੇ ਤੋੜੀ ਚੁੱਪ

ਅਸ਼ਵਿਨ ਨੇ ਦੱਸੀ ਸੱਚਾਈ

ਆਪਣੇ ਯੂਟਿਊਬ ਚੈਨਲ 'ਤੇ ਗੱਲ ਕਰਦਿਆਂ ਅਸ਼ਵਿਨ ਨੇ ਕਿਹਾ, "ਕੋਈ ਉਦਾਸ ਗਾਣੇ ਦਾ ਸੁਝਾਅ ਹੈ? ਮੈਂ ਬਿਨਾਂ ਕੁਝ ਸੋਚੇ-ਸਮਝੇ ਮੈਚ ਦੇਖ ਰਿਹਾ ਹਾਂ, ਪਰ ਯਾਦ ਹੈ ਕਿ CSK ਨਾਲ ਮੇਰਾ ਪਿਛਲਾ ਸੀਜ਼ਨ ਬਹੁਤ ਨਿਰਾਸ਼ਾਜਨਕ ਰਿਹਾ। ਮੇਰੇ ਨਿੱਜੀ ਪ੍ਰਦਰਸ਼ਨ ਦੇ ਲਿਹਾਜ਼ ਨਾਲ ਵੀ ਇਹ ਬਹੁਤ ਮਾੜਾ ਸੀ। ਇਮਾਨਦਾਰੀ ਨਾਲ ਕਹਾਂ ਤਾਂ ਮੇਰੇ ਮਨ ਵਿੱਚ ਸੀ ਕਿ ਮੈਂ ਇੱਕ ਸੀਜ਼ਨ ਹੋਰ ਖੇਡ ਸਕਦਾ ਹਾਂ, ਪਰ ਭਾਵਨਾਤਮਕ ਤੌਰ 'ਤੇ ਮੈਂ ਖੇਡਣ ਦੀ ਸਥਿਤੀ ਵਿੱਚ ਨਹੀਂ ਸੀ।"

ਜਦੋਂ ਵਿਮਲ ਕੁਮਾਰ ਨੇ ਜ਼ੋਰ ਦੇ ਕੇ ਪੁੱਛਿਆ ਕਿ ਪਿਛਲੇ ਸਾਲ ਕੀ ਹੋਇਆ ਸੀ, ਤਾਂ ਅਸ਼ਵਿਨ ਨੇ ਕਿਹਾ, "ਮੈਂ ਉਸ ਬਾਰੇ ਗੱਲ ਨਹੀਂ ਕਰਨਾ ਚਾਹੁੰਦਾ। ਉਹ ਮੈਨੂੰ ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਕਰਦਾ ਹੈ। ਉਹ ਮੇਰੇ ਲਈ ਬਹੁਤ ਦਰਦਨਾਕ ਸੀ। ਮੈਂ ਉਸ ਨੂੰ ਯਾਦ ਨਹੀਂ ਕਰਨਾ ਚਾਹੁੰਦਾ। ਮੈਂ ਥੋੜ੍ਹੀ ਗੱਲਬਾਤ ਕੀਤੀ ਅਤੇ ਫਿਰ ਕਿਹਾ—ਮੈਂ ਚੇਨਈ ਤੋਂ ਸ਼ੁਰੂਆਤ ਕੀਤੀ ਸੀ ਅਤੇ ਆਪਣੇ ਘਰ ਵਿੱਚ ਹੀ ਕਰੀਅਰ ਖ਼ਤਮ ਕਰ ਰਿਹਾ ਹਾਂ। ਇਹ ਠੀਕ ਹੈ।"

ਮੇਰੀਆਂ ਉਮੀਦਾਂ ਸਨ - ਅਸ਼ਵਿਨ

ਸੀਐਸਕੇ ਦੇ ਸਾਬਕਾ ਆਲਰਾਊਂਡਰ ਨੇ ਅੱਗੇ ਕਿਹਾ, "ਮੈਂ ਖੁਦ ਹੀ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਤਾਂ ਜੋ ਟੀਮ ਪ੍ਰਬੰਧਨ 'ਤੇ ਇਸ ਗੱਲ ਦੀ ਸਿਰਦਰਦੀ ਨਾ ਰਹੇ ਕਿ ਉਹ ਮੈਨੂੰ ਰਿਟੇਨ ਕਰਨਗੇ ਜਾਂ ਰਿਲੀਜ਼ (ਛੱਡਣਗੇ)। ਜੇ ਮੈਂ ਸੰਨਿਆਸ ਨਾ ਲੈਂਦਾ, ਤਾਂ ਉਨ੍ਹਾਂ ਦੇ 10 ਕਰੋੜ ਰੁਪਏ ਵੀ ਬਚ ਜਾਣੇ ਸਨ। ਮੈਂ ਅਜੇ ਵੀ ਨਿਰਾਸ਼ ਹਾਂ। ਮੇਰੀਆਂ ਕੁਝ ਉਮੀਦਾਂ ਸਨ।"

RCB ਦੀ ਚਿਤਾਵਨੀ

ਆਰਸੀਬੀ ਬਾਰੇ ਗੱਲ ਕਰਦਿਆਂ ਅਸ਼ਵਿਨ ਨੇ ਕਿਹਾ, "ਮੈਨੂੰ ਅੱਜ ਸੀਐਸਕੇ ਤੋਂ ਜਿੱਤ ਦੀ ਉਮੀਦ ਸੀ। ਮੈਨੂੰ ਪਤਾ ਸੀ ਕਿ ਆਰਸੀਬੀ ਜਿੱਤ ਸਕਦੀ ਹੈ ਕਿਉਂਕਿ ਉਨ੍ਹਾਂ ਦੀ ਟੀਮ ਮਜ਼ਬੂਤ ਹੈ। ਪਰ ਸੀਐਸਕੇ ਨੇ ਮੈਨੂੰ ਪਿਛਲੇ ਮੈਚ ਵਿੱਚ ਪ੍ਰਭਾਵਿਤ ਕੀਤਾ ਸੀ। ਆਰਸੀਬੀ ਬ੍ਰੇਕ ਤੋਂ ਬਾਅਦ ਇਸ ਮੈਚ ਵਿੱਚ ਆ ਰਹੀ ਸੀ, ਇਸ ਲਈ ਸੀਐਸਕੇ ਉਨ੍ਹਾਂ ਨੂੰ ਹਰਾ ਸਕਦੀ ਸੀ। ਪਰ ਜਿਸ ਤਰ੍ਹਾਂ ਆਰਸੀਬੀ ਨੇ ਖੇਡਿਆ ਹੈ, ਉਸ ਨੇ ਸਾਰਿਆਂ ਨੂੰ ਚਿਤਾਵਨੀ ਦੇ ਦਿੱਤੀ ਹੈ।"