ਵੈਭਵ ਸੂਰਿਆਵੰਸ਼ੀ ਨੂੰ ਸਚਿਨ ਤੇਂਦੁਲਕਰ ਵਰਗਾ ਦਿੱਗਜ ਬਣਾਉਣ ਦੀ ਤਿਆਰੀ, BCCI ਨੇ ਬਣਾਇਆ ਮਾਸਟਰ ਪਲਾਨ

ਆਈਪੀਐੱਲ 2026 ’ਚ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਵੈਭਵ ਭਾਰਤ ਦਾ ਸਭ ਤੋਂ ਘੱਟ ਉਮਰ ਦਾ ਮਰਦ ਅੰਤਰਰਾਸ਼ਟਰੀ ਡੈਬਿਊ ਕਰਨ ਵਾਲਾ ਖਿਡਾਰੀ ਬਣਿਆ। ਇੰਗਲੈਂਡ ਵਿਰੁੱਧ ਪਹਿਲੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਉਮੀਦ ਮੁਤਾਬਕ ਨਹੀਂ ਰਹੀ ਪਰ ਉਸਨੇ ਜਲਦ ਹੀ ਵਾਪਸੀ ਕੀਤੀ ਤੇ ਜ਼ਿੰਬਾਬਵੇ ਵਿਰੁੱਧ ਤਿੰਨ ਮੈਚਾਂ ’ਚ 151 ਦੌੜਾਂ ਬਣਾਈਆਂ। ਘਰੇਲੂ ਕ੍ਰਿਕਟ ’ਚ ਵੀ ਉਸਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਦਲੀਪ ਟਰਾਫੀ ਸੈਮੀਫਾਈਨਲ ’ਚ ਸੈਂਟਰਲ ਜ਼ੋਨ ਵਿਰੁੱਧ ਵੈਭਵ ਨੇ 81 ਗੇਂਦਾਂ ’ਤੇ 92 ਦੌੜਾਂ ਬਣਾਈਆਂ ਤੇ ਟੂਰਨਾਮੈਂਟ ਦੇ ਇਤਿਹਾਸ ’ਚ ਅਰਧ ਸੈਂਕੜਾ ਲਗਾਉਣ ਵਾਲਾ ਸਭ ਤੋਂ ਨੌਜਵਾਨ ਬੱਲੇਬਾਜ਼ ਬਣਿਆ। ਸੈਕੀਆ ਨੇ ਦੱਸਿਆ ਕਿ ਬੀਸੀਸੀਆਈ ਸਿਰਫ ਵੈਭਵ ਹੀ ਨਹੀਂ, ਬਲਕਿ 10-15 ਉੱਭਰਦੇ ਖਿਡਾਰੀਾਂ ਦੇ ਇਕ ਵਿਸ਼ੇਸ਼ ਸਮੂਹ ’ਤੇ ਵੀ ਨਜ਼ਰ ਰੱਖ ਰਿਹਾ ਹੈ। ਇਨ੍ਹਾਂ ਖਿਡਾਰੀਆਂ ਦੀ ਟ੍ਰੇਨਿੰਗ ਤੇ ਹੁਨਰ ਵਿਕਾਸ ਦੀ ਲਗਾਤਾਰ ਨਿਗਰਾਨੀ ਸੈਂਟਰ ਆਫ ਐਕਸੀਲੈਂਸ (ਸੀਓਈ) ਦੇ ਮੁਖੀ ਵੀਵੀਐੱਸ ਲਕਸ਼ਮਣ ਕਰ ਰਿਹਾ ਹੈ। ਵੈਭਵ ਫਿਲਹਾਲ ਅਫ਼ਗਾਨਿਸਤਾਨ ਵਿਰੁੱਧ 13 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੀ ਤਿੰਨ ਮੈਚਾਂ ਦੀ ਸੀਰੀਜ਼ ਲਈ ਭਾਰਤੀ ਟੀਮ ਦਾ ਹਿੱਸਾ ਹੈ। ਇਸ ਤੋਂ ਇਲਾਵਾ ਉਹ ਏਸ਼ਿਆਈ ਖੇਡਾਂ ਦੀ ਟੀਮ ’ਚ ਵੀ ਸ਼ਾਮਲ ਹੈ।