ਨਿਊਜ਼ੀਲੈਂਡ ਖ਼ਿਲਾਫ਼ ਵਨਡੇ ਸੀਰੀਜ਼ ਤੋਂ ਬਾਹਰ ਹੋਏ ਪ੍ਰਸਿੱਧ ਕ੍ਰਿਸ਼ਨਾ, ਜੰਮੂ-ਕਸ਼ਮੀਰ ਦੇ ਆਕਿਬ ਨਬੀ ਨੂੰ ਮਿਲ ਸਕਦਾ ਹੈ ਮੌਕਾ

30 ਸਾਲਾ ਪ੍ਰਸਿੱਧ ਨੂੰ ਗੁਹਾਟੀ ’ਚ ਵੈਸਟਇੰਡੀਜ਼ ਖ਼ਿਲਾਫ਼ ਦੂਜੇ ਇਕ ਰੋਜ਼ਾ ਮੈਚ ਦੌਰਾਨ ਸੱਟ ਲੱਗੀ ਸੀ। ਉਸ ਨੇ ਉਸ ਮੈਚ ’ਚ ਸਿਰਫ਼ ਪੰਜ ਓਵਰ ਗੇਂਦਬਾਜ਼ੀ ਕੀਤੀ ਤੇ ਆਪਣਾ ਸਪੈਲ ਪੂਰਾ ਕਰਨ ’ਚ ਅਸਮਰੱਥ ਰਿਹਾ। ਬੀਸੀਸੀਆਈ ਨੇ ਬੁੱਧਵਾਰ ਨੂੰ ਕਿਹਾ ਕਿ ਪ੍ਰਸਿੱਧ ਸੱਟ ਤੋਂ ਠੀਕ ਹੋ ਰਿਹਾ ਹੈ ਤੇ ਉਸਦਾ ਫਿਟਨੈਸ ਟੈਸਟ ਤੇ ਮੈਚ ਸਿਮੂਲੇਸ਼ਨ 1 ਤੇ 2 ਨਵੰਬਰ ਨੂੰ ਸੀਓਈ ਵਿਖੇ ਕੀਤਾ ਜਾਣਾ ਹੈ। ਅਜਿਹੀ ਸਥਿਤੀ ’ਚ ਚੋਣਕਰਤਾਵਾਂ ਤੇ ਟੀਮ ਪ੍ਰਬੰਧਨ ਦਾ ਮੰਨਣਾ ਹੈ ਕਿ ਪ੍ਰਸਿੱਧ ਨੂੰ ਟੈਸਟ ਲੜੀ ਲਈ ਫਿੱਟ ਹੋਣਾ ਚਾਹੀਦਾ ਹੈ, ਜਿੱਥੇ ਟੀਮ ਨੂੰ ਇਕ ਰੋਜ਼ਾ ਮੈਚਾਂ ਦੀ ਲੜੀ ਨਾਲੋਂ ਉਸ ਦੀ ਜ਼ਿਆਦਾ ਲੋੜ ਹੈ। ਭਾਵੇਂ ਖੇਡ ਵਿਗਿਆਨ ਟੀਮ ਉਸ ਨੂੰ ਫਿੱਟ ਸਮਝਦੀ ਹੈ ਤੇ ਉਹ ਆਕਲੈਂਡ ਦੀ ਯਾਤਰਾ ਕਰਦਾ ਹੈ, ਪਰ ਲੰਬੀ ਉਡਾਣ ਤੋਂ ਬਾਅਦ ਉਸਨੂੰ ਤੁਰੰਤ ਇਕ ਰੋਜ਼ਾ ਮੈਚਾਂ ਦੀ ਟੀਮ ’ਚ ਸ਼ਾਮਲ ਕਰਨ ਦੀ ਕੋਈ ਜਲਦਬਾਜ਼ੀ ਨਹੀਂ ਹੋਵੇਗੀ। ਪ੍ਰਸਿੱਧ ਨੇ ਪਿਛਲੇ ਸਾਲ ਇੰਗਲੈਂਡ ’ਚ ਟੈਸਟ ਲੜੀ ਡਰਾਅ ’ਚ ਮੁੱਖ ਭੂਮਿਕਾ ਨਿਭਾਈ ਸੀ ਤੇ ਓਵਲ ’ਚ ਆਖਰੀ ਟੈਸਟ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਜਦ ਕਿ ਨੌਂ ਟੈਸਟਾਂ ’ਚ ਉਸ ਦੇ 32 ਵਿਕਟਾਂ ਉਸ ਦੇ ਯੋਗਦਾਨ ਨੂੰ ਪੂਰੀ ਤਰ੍ਹਾਂ ਨਹੀਂ ਦਰਸਾਉਂਦੀਆਂ, ਟੀਮ ਪ੍ਰਬੰਧਨ ਲਾਲ-ਬਾਲ ਕ੍ਰਿਕਟ ’ਚ ਮਹੱਤਵਪੂਰਨ ਪਲਾਂ ’ਤੇ ਜਾਦੂਈ ਗੇਂਦਾਂ ਦੇਣ ਦੀ ਉਸ ਦੀ ਯੋਗਤਾ ਦੀ ਬਹੁਤ ਕਦਰ ਕਰਦਾ ਹੈ।