- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
40 ਕਰੋੜ ਦੀ ਤਨਖ਼ਾਹ ਮੰਗ ਕੇ ਖਿਡਾਰੀਆਂ ਨੇ ਵਧਾਈ IPL ਫ੍ਰੈਂਚਾਈਜ਼ੀਆਂ ਦੀ ਟੈਨਸ਼ਨ, ਮੈਗਾ ਆਕਸ਼ਨ ਤੋਂ ਪਹਿਲਾਂ ਫਸਿਆ ਪੇਚ
ਕ੍ਰਿਕਬਜ਼ ਦੇ ਮੁਤਾਬਕ ਘੱਟੋ-ਘੱਟ ਦੋ ਖਿਡਾਰੀਆਂ ਨੇ ਇਹ ਮੰਗ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਨੂੰ 40 ਕਰੋੜ ਦੀ ਤਨਖ਼ਾਹ ਮਿਲਦੀ ਹੈ ਤਾਂ ਹੀ ਉਹ ਟੀਮ ਵਿੱਚ ਰਹਿਣ ਬਾਰੇ ਸੋਚਣਗੇ।
Posted By Anuradha Bains
Publish Date: Fri, 06 Nov 2026 01:28 PM (IST)
Updated Date: Fri, 06 Nov 2026 01:30 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਆਈ.ਪੀ.ਐੱਲ. (IPL) 2028 ਮੈਗਾ ਆਕਸ਼ਨ (ਮੈਗਾ ਨਿਲਾਮੀ) ਤੋਂ ਪਹਿਲਾਂ ਸਾਰੀਆਂ 10 ਫ੍ਰੈਂਚਾਈਜ਼ੀਆਂ ਦੀ ਟੈਨਸ਼ਨ ਵਧਦੀ ਦਿਖਾਈ ਦੇ ਰਹੀ ਹੈ। ਕੁਝ ਵੱਡੇ ਖਿਡਾਰੀਆਂ ਨੇ ਆਪਣੀਆਂ-ਆਪਣੀਆਂ ਟੀਮਾਂ ਤੋਂ 40 ਕਰੋੜ ਰੁਪਏ ਦੀ ਰਿਟੇਨਸ਼ਨ ਫੀਸ ਦੀ ਮੰਗ ਕੀਤੀ ਹੈ, ਜਿਸ ਕਰਕੇ ਫ੍ਰੈਂਚਾਈਜ਼ੀਆਂ ਲਈ ਵੱਡੇ-ਵੱਡੇ ਸਟਾਰ ਖਿਡਾਰੀਆਂ ਨੂੰ ਰਿਟੇਨ ਕਰਨਾ ਮੁਸ਼ਕਿਲ ਹੋ ਸਕਦਾ ਹੈ।
ਕ੍ਰਿਕਬਜ਼ ਦੇ ਮੁਤਾਬਕ ਘੱਟੋ-ਘੱਟ ਦੋ ਖਿਡਾਰੀਆਂ ਨੇ ਇਹ ਮੰਗ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਨੂੰ 40 ਕਰੋੜ ਦੀ ਤਨਖ਼ਾਹ ਮਿਲਦੀ ਹੈ ਤਾਂ ਹੀ ਉਹ ਟੀਮ ਵਿੱਚ ਰਹਿਣ ਬਾਰੇ ਸੋਚਣਗੇ।
ਖਿਡਾਰੀਆਂ ਨੇ ਵਧਾਈ ਟੈਨਸ਼ਨ
ਰਿਪੋਰਟ ਦੇ ਮੁਤਾਬਕ ਹੋਰ ਖਿਡਾਰੀ ਵੀ ਇਸੇ ਰਾਹ 'ਤੇ ਚੱਲ ਸਕਦੇ ਹਨ, ਕਿਉਂਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਮੈਗਾ ਆਕਸ਼ਨ ਵਿੱਚ ਉੱਤਰ ਕੇ ਉਹ ਜ਼ਿਆਦਾ ਤੋਂ ਜ਼ਿਆਦਾ ਪੈਸੇ ਕਮਾ ਸਕਦੇ ਹਨ।
ਪੰਜਾਬ ਕਿੰਗਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਅਤੇ ਰਿਸ਼ਭ ਪੰਤ ਦੋਵੇਂ ਆਈ.ਪੀ.ਐੱਲ. 2025 ਦੇ ਮੈਗਾ ਆਕਸ਼ਨ ’ਚ ਉੱਤਰੇ ਸਨ। ਇਸ ਦੌਰਾਨ ਅਈਅਰ ਨੂੰ 26.75 ਕਰੋੜ ਅਤੇ ਪੰਤ ਨੂੰ 27 ਕਰੋੜ ਰੁਪਏ ਵਿੱਚ ਖਰੀਦਿਆ ਗਿਆ ਸੀ।
ਇਸ ਤੋਂ ਇਲਾਵਾ, ਕਿਸੇ ਇੱਕ ਖਿਡਾਰੀ ਨੇ ਪੈਸਿਆਂ ਦੇ ਨਾਲ-ਨਾਲ ਕਪਤਾਨੀ ਦੀ ਮੰਗ ਵੀ ਰੱਖ ਦਿੱਤੀ ਹੈ। ਪੰਤ ਨੇ 120 ਕਰੋੜ ਦੇ ਪਰਸ ਵਿੱਚੋਂ 27 ਕਰੋੜ ਆਪਣੇ ਨਾਂ ਕੀਤੇ ਸਨ। ਉੱਥੇ ਹੀ 2028 ਵਿੱਚ ਇਹ ਪਰਸ 150 ਕਰੋੜ ਦਾ ਹੋ ਜਾਵੇਗਾ। ਸ਼ਾਇਦ ਇਸੇ ਗੱਲ ਨੂੰ ਧਿਆਨ ਵਿੱਚ ਰੱਖਦਿਆਂ ਖਿਡਾਰੀ ਇਹ ਮੰਗ ਕਰ ਰਹੇ ਹਨ।
ਫ੍ਰੈਂਚਾਈਜ਼ੀਆਂ ਨੂੰ ਲੱਗੇਗਾ ਝਟਕਾ
ਖਿਡਾਰੀਆਂ ਦੀ ਇਹ ਮੰਗ ਫ੍ਰੈਂਚਾਇਜ਼ੀ ਦੇ ਪਰਸ ਲਈ ਇੱਕ ਵੱਡਾ ਝਟਕਾ ਹੋਵੇਗੀ। ਹਾਲਾਂਕਿ, ਪਰਸ ਵਿੱਚ ਵਾਧੇ ਦੇ ਨਾਲ, ਟੀਮਾਂ ਖਿਡਾਰੀਆਂ ਨੂੰ ਇੰਨੀ ਵੱਡੀ ਰਕਮ ਦੇਣ ਬਾਰੇ ਵਿਚਾਰ ਕਰ ਸਕਦੀਆਂ ਹਨ।
ਫ੍ਰੈਂਚਾਈਜ਼ੀਆਂ ਲਈ ਖਿਡਾਰੀਆਂ ਦੀ ਇਸ ਡਿਮਾਂਡ ਨੂੰ ਪੂਰਾ ਕਰਨਾ ਆਸਾਨ ਨਹੀਂ ਹੋਵੇਗਾ ਪਰ ਉਹ ਪਰਸ ਦੇ ਹਿਸਾਬ ਨਾਲ ਅਤੇ ਆਪਣੀ ਰਣਨੀਤੀ ਮੁਤਾਬਕ ਪੈਸੇ ਖਰਚਣ ਵੱਲ ਦੇਖਣਗੀਆਂ।
ਦਸੰਬਰ ’ਚ ਮਿਨੀ ਆਕਸ਼ਨ
ਮੈਗਾ ਆਕਸ਼ਨ ਹੋਣ ਵਿੱਚ ਅਜੇ ਇੱਕ ਸਾਲ ਤੋਂ ਜ਼ਿਆਦਾ ਦਾ ਸਮਾਂ ਬਾਕੀ ਹੈ। ਉਸ ਤੋਂ ਪਹਿਲਾਂ ਇਸੇ ਸਾਲ ਦਸੰਬਰ ਵਿੱਚ ਆਈ.ਪੀ.ਐੱਲ. 2027 ਦਾ ਮਿਨੀ ਆਕਸ਼ਨ ਹੋਣਾ ਹੈ, ਜਿਸ ਦੀ ਰਿਟੇਨਸ਼ਨ ਡੈੱਡਲਾਈਨ 15 ਨਵੰਬਰ ਤੈਅ ਕੀਤੀ ਗਈ ਹੈ। ਉੱਥੇ ਹੀ 16 ਦਸੰਬਰ ਨੂੰ ਗੋਆ ਵਿੱਚ ਆਕਸ਼ਨ ਦਾ ਆਯੋਜਨ ਹੋਵੇਗਾ, ਜਿੱਥੇ ਸਾਰੀਆਂ ਟੀਮਾਂ ਦੀ ਨਜ਼ਰ ਇੱਕ ਮਜ਼ਬੂਤ ਸਕੁਐਡ ਬਣਾਉਣ 'ਤੇ ਹੋਵੇਗੀ।