- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਪਾਕਿਸਤਾਨੀ ਮੀਡੀਆ ਨੇ ਮੇਰੀ ਤੇ ਬਾਬਰ ਆਜ਼ਮ ਦੀ ਫ਼ਰਜ਼ੀ ਖ਼ਬਰ ਚਲਾਈ', ਭਾਰਤ ਦੇ ਦਿੱਗਜ ਨੇ ਖੋਲ੍ਹਿਆ ਹੈਰਾਨ ਕਰਨ ਵਾਲਾ ਰਾਜ਼
ਇਰਫ਼ਾਨ ਨੇ ਕਿਹਾ ਹੈ ਕਿ ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਟ੍ਰੋਲ ਕੀਤਾ ਗਿਆ ਸੀ ਅਤੇ ਤਦ ਤੋਂ ਉਹ ਕਿਸੇ ਵੀ ਚੀਜ਼ 'ਤੇ ਪ੍ਰਤੀਕਿਰਿਆ ਨਹੀਂ ਦਿੰਦੇ ਹਨ। ਪਠਾਨ ਨੇ ਕਿਹਾ ਕਿ ਅੱਜ ਦੇ ਸਮੇਂ ’ਚ ਟ੍ਰੋਲਿੰਗ ਅਤੇ ਝੂਠੀਆਂ ਖ਼ਬਰਾਂ ਫੈਲਾਉਣਾ ਕਾਫ਼ੀ ਆਮ ਗੱਲ ਹੋ ਗਈ ਹੈ।
Posted By Anuradha Bains
Publish Date: Fri, 07 Aug 2026 03:26 PM (IST)
Updated Date: Fri, 07 Aug 2026 05:10 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਆਲਰਾਊਂਡਰ ਇਰਫ਼ਾਨ ਪਠਾਨ ਨੇ ਪਾਕਿਸਤਾਨੀ ਮੀਡੀਆ ਦੇ ਝੂਠ ਨੂੰ ਸ਼ਰੇਆਮ ਬੇਨਕਾਬ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਆਨ ਕੈਮਰਾ ਉਨ੍ਹਾਂ ਨੂੰ ਲੈ ਕੇ ਫੈਲਾਈ ਗਈ ਝੂਠੀ ਖ਼ਬਰ ਦਾ ਸੱਚ ਬਿਆਨ ਕੀਤਾ ਹੈ। ਇਹ ਝੂਠੀ ਖ਼ਬਰ ਪਾਕਿਸਤਾਨੀ ਮੀਡੀਆ ’ਚ ਫੈਲਾਈ ਗਈ ਸੀ, ਜਿਸ 'ਤੇ ਇਰਫ਼ਾਨ ਨੇ ਪੂਰੀ ਸੱਚਾਈ ਦੱਸੀ ਹੈ।
ਇਰਫ਼ਾਨ ਨੇ ਕਿਹਾ ਹੈ ਕਿ ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਟ੍ਰੋਲ ਕੀਤਾ ਗਿਆ ਸੀ ਅਤੇ ਤਦ ਤੋਂ ਉਹ ਕਿਸੇ ਵੀ ਚੀਜ਼ 'ਤੇ ਪ੍ਰਤੀਕਿਰਿਆ ਨਹੀਂ ਦਿੰਦੇ ਹਨ। ਪਠਾਨ ਨੇ ਕਿਹਾ ਕਿ ਅੱਜ ਦੇ ਸਮੇਂ ’ਚ ਟ੍ਰੋਲਿੰਗ ਅਤੇ ਝੂਠੀਆਂ ਖ਼ਬਰਾਂ ਫੈਲਾਉਣਾ ਕਾਫ਼ੀ ਆਮ ਗੱਲ ਹੋ ਗਈ ਹੈ।
ਬਾਬਰ ਦੇ ਇੰਟਰਵਿਊ ਦਾ ਸੀ ਮਾਮਲਾ
ਇਰਫ਼ਾਨ ਨੇ ਜੀਓ ਹੌਟ ਸਟਾਰ 'ਤੇ ਗੱਲ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਬਾਰੇ ਝੂਠੀ ਖ਼ਬਰ ਇਹ ਫੈਲਾਈ ਗਈ ਸੀ ਕਿ ਬਾਬਰ ਆਜ਼ਮ ਨੇ ਇੱਕ ਮੈਚ ਤੋਂ ਬਾਅਦ ਉਨ੍ਹਾਂ ਨੂੰ ਇੰਟਰਵਿਊ ਦੇਣ ਤੋਂ ਮਨ੍ਹਾ ਕਰ ਦਿੱਤਾ ਸੀ। ਪਠਾਨ ਨੇ ਕਿਹਾ ਕਿ ਅਜਿਹਾ ਨਹੀਂ ਹੋਇਆ ਸੀ ਅਤੇ ਕੁਝ ਲੋਕਾਂ ਨੇ ਕਿਸੇ ਹੋਰ ਦੀ ਫ਼ੋਟੋ 'ਤੇ ਉਨ੍ਹਾਂ ਦੀ ਫ਼ੋਟੋ ਲਗਾ ਕੇ ਝੂਠੀ ਖ਼ਬਰ ਫੈਲਾ ਦਿੱਤੀ ਸੀ।
ਇਰਫ਼ਾਨ ਨੇ ਕਿਹਾ, "ਟ੍ਰੋਲਿੰਗ ਅਤੇ ਫ਼ਰਜ਼ੀ ਨਾਮ ਜੋੜਨਾ ਅੱਜ ਦੇ ਸਮੇਂ ਵਿੱਚ ਹਰ ਦਿਨ ਹੁੰਦਾ ਹੈ। ਸਾਡੇ ਗੁਆਂਢੀ ਦੇਸ਼ ਦੀ ਮੀਡੀਆ ਨੇ ਇੱਕ ਵਾਰ ਖ਼ਬਰ ਚਲਾ ਦਿੱਤੀ ਸੀ ਕਿ ਮੈਂ ਬਾਬਰ ਆਜ਼ਮ ਦੇ ਇੰਟਰਵਿਊ ਲਈ ਗਿਆ ਸੀ ਅਤੇ ਉਨ੍ਹਾਂ ਨੇ ਇੰਟਰਵਿਊ ਦੇਣ ਤੋਂ ਮਨ੍ਹਾ ਕਰ ਦਿੱਤਾ। ਉਨ੍ਹਾਂ ਮੁਤਾਬਕ, ਬਾਬਰ ਨੇ ਕਿਹਾ ਸੀ ਕਿ ਉਹ ਸਾਡੇ ਦੇਸ਼ ਦਾ ਮਜ਼ਾਕ ਉਡਾਉਂਦੇ ਹਨ ਤਾਂ ਮੈਂ ਉਨ੍ਹਾਂ ਨੂੰ ਇੰਟਰਵਿਊ ਨਹੀਂ ਦਵਾਂਗਾ।"
ਕਿਸੇ ਹੋਰ ਦੀ ਫ਼ੋਟੋ 'ਤੇ ਚਿਪਕਾਈ ਫ਼ੋਟੋ
ਇਰਫ਼ਾਨ ਨੇ ਕਿਹਾ ਕਿ ਕਿਸੇ ਹੋਰ ਦੀ ਫ਼ੋਟੋ 'ਤੇ ਉਨ੍ਹਾਂ ਦੀ ਫ਼ੋਟੋ ਚਿਪਕਾ ਕੇ ਝੂਠੀ ਖ਼ਬਰ ਫੈਲਾਈ ਗਈ। ਉਨ੍ਹਾਂ ਦੱਸਿਆ, "ਅਸਲੀ ਫ਼ੋਟੋ ’ਚ ਜਿਹੜਾ ਰਿਪੋਰਟਰ ਸੀ ਉਹ ਬੰਗਲਾਦੇਸ਼ ਦਾ ਸੀ ਜੋ ਪਹਿਲੀ ਵਾਰ ਮੈਦਾਨ 'ਤੇ ਗਿਆ ਸੀ ਅਤੇ ਉਸਨੂੰ ਇੰਟਰਵਿਊ ਲਈ ਮਨ੍ਹਾ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਨੇ ਉਸਦੇ ਸਰੀਰ 'ਤੇ ਮੇਰੀ ਫ਼ੋਟੋ ਲਗਾ ਦਿੱਤੀ ਸੀ।
ਇਸ ਦੇ ਲੱਖਾਂ ਵਿੱਚ ਵਿਊਜ਼ ਆਏ ਅਤੇ ਲੋਕਾਂ ਨੇ ਮੰਨ ਲਿਆ ਸੀ ਕਿ ਇਹ ਮੈਂ ਹਾਂ। ਇਹ ਹਰ ਦਿਨ ਹੋ ਰਿਹਾ ਹੈ ਪਰ ਮੈਂ ਰਿਸਪਾਂਸ ਨਹੀਂ ਕਰਦਾ। ਹਰ ਦਿਨ ਸਾਡੇ ਨਾਮ 'ਤੇ ਝੂਠ ਬੋਲਿਆ ਜਾਂਦਾ ਹੈ। ਜੇਕਰ ਤੁਸੀਂ ਇਸ 'ਤੇ ਪ੍ਰਤੀਕਿਰਿਆ ਦਿੰਦੇ ਰਹੋਗੇ ਤਾਂ ਆਪਣਾ ਜੀਵਨ ਨਹੀਂ ਜੀ ਪਾਓਗੇ।"