ਇਮਰਾਨ ਖ਼ਾਨ ਦੇ ਪੁੱਤਰਾਂ ਦੀ ਇੰਟਰਵਿਊ 'ਤੇ ਭੜਕਿਆ ਪਾਕਿਸਤਾਨ, ਵਿਰੋਧ ਜਤਾ ਕੇ ਖੇਡਣ ਉੱਤਰੀ ਟੀਮ; PCB ਨੇ ਸਕਾਈ ਸਪੋਰਟਸ ਨੂੰ ਭੇਜੀ ਰਸਮੀ ਸ਼ਿਕਾਇਤ

ਸੰਪਰਕ ਕਰਨ ’ਤੇ ਪੀਸੀਬੀ ਨੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਪਰ ਮਾਮਲੇ ਤੋਂ ਜਾਣੂ ਇਕ ਸੂਤਰ ਨੇ ਕਿਹਾ ਕਿ ਪੀਸੀਬੀ ਨੇ ਇਸ ਮੁੱਦੇ ’ਤੇ ਸਕਾਈ ਸਪੋਰਟਸ ਨੂੰ ਰਸਮੀ ਸ਼ਿਕਾਇਤ ਭੇਜ ਦਿੱਤੀ ਹੈ। ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕ ਐਥਰਟਨ ਵੱਲੋਂ 18 ਮਿੰਟ ਦੇ ਇਸ ਇੰਟਰਵਿਊ ’ਚ ਇਮਰਾਨ ਦੇ ਦੋਵੇਂ ਪੁੱਤਰਾਂ ਨੇ ਜੇਲ੍ਹ ’ਚ ਬੰਦ ਆਪਣੇ 73 ਸਾਲਾ ਪਿਤਾ ਦੀ ਸਿਹਤ ਬਾਰੇ ਚਿੰਤਾ ਪ੍ਰਗਟਾਈ। ਦਰਅਸਲ ਸਕਾਈ ਸਪੋਰਟਸ ਨੇ ਇਸ ਟੈਸਟ ਤੋਂ ਪਹਿਲਾਂ ਹੀ ਦੱਸ ਦਿੱਤਾ ਸੀ ਕਿ ਉਹ ਇਸ ਦੌਰਾਨ ਇਮਰਾਨ ਦੇ ਪੁੱਤਰਾਂ ਦੇ ਪ੍ਰੀ-ਰਿਕਾਰਡ ਕੀਤੇ ਇੰਟਰਵਿਊ ਚਲਾਉਣਗੇ। ਪੀਸੀਬੀ ਨੇ ਬੁੱਧਵਾਰ ਨੂੰ ਹੀ ਇਸ ’ਤੇ ਇਤਰਾਜ਼ ਜਤਾਇਆ ਸੀ ਤੇ ਇਸ ਗੱਲ ’ਤੇ ਵੀ ਵਿਚਾਰ ਕੀਤਾ ਸੀ ਕਿ ਜੇਕਰ ਸਕਾਈ ਨੇ ਇਹ ਇੰਟਰਵਿਊ ਚਲਾਇਆ ਤਾਂ ਉਹ ਲੰਚ ਬ੍ਰੇਕ ਤੋਂ ਬਾਅਦ ਆਪਣੇ ਖਿਡਾਰੀਆਂ ਨੂੰ ਮੈਦਾਨ ’ਤੇ ਨਹੀਂ ਭੇਜਣਗੇ। ਹਾਲਾਂਕਿ ਮੁਲਾਕਾਤਾਂ ਦੇ ਚੱਲਦਿਆਂ ਵੀ ਪਾਕਿਸਤਾਨੀ ਟੀਮ ਲੰਚ ਬ੍ਰੇਕ ਤੋਂ ਬਾਅਦ ਮੈਦਾਨ ’ਤੇ ਉਤਰੀ ਤੇ ਪਹਿਲੇ ਦਿਨ ਦੀ ਖੇਡ ਬਿਨਾਂ ਕਿਸੇ ਵਿਵਾਦ ਦੇ ਸਮਾਪਤ ਹੋ ਗਈ।