ਪਾਕਿਸਤਾਨੀ ਕ੍ਰਿਕੇਟ 'ਚ ਨਵਾਂ ਵਿਵਾਦ : PCB ਨੇ ਕੁਝ ਖਿਡਾਰੀਆਂ ਦੇ ਫ਼ੋਨ ਲਏ ਕਬਜ਼ੇ 'ਚ; ਮਾਮਲੇ ਦੀ ਜਾਂਚ ਜਾਰੀ

ਇੱਥੋਂ ਤੱਕ ਕਿ ਨਿਯਮਤ ਮੈਚਾਂ ’ਚ ਖਿਡਾਰੀਆਂ ਤੇ ਕੋਚਿੰਗ ਸਟਾਫ ਨੂੰ ਡਰੈਸਿੰਗ ਰੂਮ ਜਾਂ ਡਗਆਊਟ ’ਚ ਨਿੱਜੀ ਫੋਨ ਲੈ ਕੇ ਜਾਣ ਦੀ ਮਨਾਹੀ ਹੈ। ਐਮਰਜੈਂਸੀ ਦੀ ਸਥਿਤੀ ’ਚ ਟੀਮ ਡਾਕਟਰ ਜਾਂ ਮੈਨੇਜਰ ਵਰਗੇ ਕੁਝ ਅਧਿਕਾਰਤ ਲੋਕਾਂ ਨੂੰ ਹੀ ਫ਼ੋਨ ਰੱਖਣ ਦੀ ਇਜਾਜ਼ਤ ਹੈ। ਇਹ ਘਟਨਾ ਪਾਕਿਸਤਾਨ ਦੀ ਟੈਸਟ ਟੀਮ ’ਚ ਵੱਡੇ ਬਦਲਾਅ ਤੋਂ ਬਾਅਦ ਸਾਹਮਣੇ ਆਈ ਹੈ। ਪਹਿਲੇ 2 ਟੈਸਟ ਮੈਚਾਂ 'ਚ ਮਿਲੀ ਕਰਾਰੀ ਹਾਰ ਤੋਂ ਬਾਅਦ ਇਮਾਮ-ਉਲ-ਹੱਕ, ਮੁਹੰਮਦ ਰਿਜ਼ਵਾਨ, ਸਲਮਾਨ ਅਲੀ ਆਗਾ, ਅਲੀ ਉਸਮਾਨ, ਖੁਰਰਮ ਸ਼ਹਿਜ਼ਾਦ, ਆਮਿਰ ਜਮਾਲ ਅਤੇ ਮੁਹੰਮਦ ਅਵੈਸ ਜ਼ਫਰ ਨੂੰ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ। ਰਿਪੋਰਟ ’'ਚ ਇਮਾਮ ਦੀ ਪਿੰਡਲੀ ਦੀ ਸੱਟ ’ਤੇ ਪੀਸੀਬੀ ਦੇ ਸ਼ੱਕ ਤੇ ਜਾਂਚ ਦਾ ਵੀ ਜ਼ਿਕਰ ਹੈ। ਇਸ ਦੇ ਨਾਲ ਹੀ ਡ੍ਰੈਸਿੰਗ ਰੂਮ ’ਚ ਰਿਜ਼ਵਾਨ ’ਤੇ ਕਥਿਤ ਪ੍ਰਭਾਵ ਨੂੰ ਲੈ ਕੇ ਬੋਰਡ ਦੀ ਨਾਰਾਜ਼ਗੀ ਸਾਹਮਣੇ ਆਈ ਹੈ। ਮੁੱਖ ਕੋਚ ਸਰਫਰਾਜ਼ ਅਹਿਮਦ ਤੇ ਗੇਂਦਬਾਜ਼ੀ ਕੋਚ ਉਮਰ ਗੁਲ ਨੂੰ ਵੀ ਵਾਪਸ ਭੇਜ ਦਿੱਤਾ ਗਿਆ ਹੈ, ਜਦਕਿ ਸਫੈਦ ਗੇਂਦ ਵਾਲੇ ਕੋਚ ਮਾਈਕ ਹੇਸਨ ਨੂੰ ਅੰਤਿਮ ਟੈਸਟ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।