ਐੱਮ.ਐੱਸ. ਧੋਨੀ ਨੇ ਪਤਨੀ ਸਾਕਸ਼ੀ ਨੂੰ ਕੀਤਾ ਖ਼ੂਬ ਤੰਗ, ਮੂੰਹ 'ਚੋਂ ਖੋਹ ਲਿਆ ਖਾਣੇ ਦਾ ਨਿਵਾਲਾ- ਦੇਖੋ ਵੀਡੀਓ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਐਮ.ਐਸ. ਧੋਨੀ ਇਸ ਸਮੇਂ ਗੁਜਰਾਤ ਦੇ ਜਾਮਨਗਰ ਵਿੱਚ ਹਨ, ਜਿੱਥੇ ਉਨ੍ਹਾਂ ਨੇ ਨਵਰਾਤਰੀ ਮੇਲੇ ਵਿੱਚ ਸ਼ਿਰਕਤ ਕੀਤੀ। ਸੋਸ਼ਲ ਮੀਡੀਆ 'ਤੇ ਧੋਨੀ ਦੀਆਂ ਕਈ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ। ਇਹ ਮੇਲਾ ਰਿਲਾਇੰਸ ਟਾਊਨਸ਼ਿਪ ਵਿੱਚ ਲਗਾਇਆ ਗਿਆ ਹੈ, ਜਿੱਥੇ ਅੰਬਾਨੀ ਪਰਿਵਾਰ ਵੀ ਮੌਜੂਦ ਸੀ। ਧੋਨੀ ਨੂੰ ਅੰਬਾਨੀ ਪਰਿਵਾਰ ਨਾਲ ਮੇਲੇ ਦਾ ਆਨੰਦ ਲੈਂਦੇ ਦੇਖਿਆ ਗਿਆ।

ਸਾਬਕਾ ਭਾਰਤੀ ਕਪਤਾਨ ਦੀ ਮੇਲੇ ਵਿੱਚ ਝੂਲਾ ਝੂਲਦੇ ਹੋਏ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ। ਹਾਲਾਂਕਿ, ਇੱਕ ਖਾਸ ਵੀਡੀਓ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਜਿਸ ਵਿੱਚ ਧੋਨੀ ਆਪਣੀ ਪਤਨੀ ਸਾਕਸ਼ੀ ਨਾਲ ਮਜ਼ਾਕ ਕਰਦੇ ਨਜ਼ਰ ਆ ਰਹੇ ਹਨ। ਧੋਨੀ ਪਿਛਲੇ ਦੋ ਦਿਨਾਂ ਤੋਂ ਜਾਮਨਗਰ ਵਿੱਚ ਹਨ; ਇਸ ਤੋਂ ਪਹਿਲਾਂ ਏਅਰਪੋਰਟ 'ਤੇ ਉਨ੍ਹਾਂ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਸੀ। ਐਤਵਾਰ ਸ਼ਾਮ ਨੂੰ ਉਹ ਕਾਫੀ ਖੁਸ਼ ਨਜ਼ਰ ਆਏ।