ਯਸ਼ਸਵੀ ਜੈਸਵਾਲ ਦਾ ਸ਼ਾਨਦਾਰ ਕਮਬੈਕ, ਨਿਊਜ਼ੀਲੈਂਡ ‘ਏ’ ਵਿਰੁੱਧ ਜੜਿਆ ਤੂਫ਼ਾਨੀ ਸੈਂਕੜਾ, ਬਣਾਈਆਂ 155 ਦੌੜਾਂ

ਕ੍ਰਾਈਸਟਚਰਚ, ਪੀਟੀਆਈ : ਖਰਾਬ ਫਾਰਮ ਤੋਂ ਉਭਰ ਕੇ ਵਾਪਸੀ ਕਰਨ ਵਾਲੇ ਨੌਜਵਾਨ ਭਾਰਤੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਦਾ ਕਹਿਣਾ ਹੈ ਕਿ ਉਹ ਵਧੀਆ ਪ੍ਰਦਰਸ਼ਨ ਕਰਨ ਲਈ ਆਪਣੀ ਪ੍ਰਕਿਰਿਆ, ਰੁਟੀਨ ਤੇ ਅਨੁਸ਼ਾਸਨ ’ਤੇ ਭਰੋਸਾ ਕਰਦੇ ਹਨ। ਮੈਚ ਤੋਂ ਬਾਅਦ ਗੱਲ ਕਰਦਿਆਂ, ਜੈਸਵਾਲ ਨੇ ਦੱਸਿਆ ਕਿ ਇੱਥੇ ਬਹੁਤ ਠੰਡ ਹੈ। ਸ਼ੁਰੂਆਤ ’ਚ ਗੇਂਦ ਕਾਫ਼ੀ ਹਿੱਲਦੀ ਹੈ। ਇਸ ਤੋਂ ਇਲਾਵਾ ਵਿਰੋਧੀ ਟੀਮ ਕੋਲ ਵਧੀਆ ਗੇਂਦਬਾਜ਼ ਹਨ ਜੋ ਲਗਾਤਾਰ ਸਹੀ ਥਾਵਾਂ 'ਤੇ ਗੇਂਦ ਸੁੱਟਦੇ ਹਨ, ਜਿਸਦਾ ਮਤਲਬ ਹੈ ਕਿ ਪਾਰੀ ਦੀ ਸ਼ੁਰੂਆਤ ਵਿੱਚ ਦੌੜਾਂ ਬਣਾਉਣ ਲਈ ਧੀਰਜ ਨਾਲ ਇੰਤਜ਼ਾਰ ਕਰਨਾ ਪੈਂਦਾ ਹੈ। ਆਪਣੇ ਪ੍ਰਦਰਸ਼ਨ ਬਾਰੇ ਗੱਲ ਕਰਦਿਆਂ ਜੈਸਵਾਲ ਨੇ ਕਿਹਾ, ‘ਮੈਂ ਇਹ ਨਹੀਂ ਕਹਾਂਗਾ ਕਿ ਇਹ ਬਹੁਤ ਆਸਾਨ ਹੈ ਪਰ ਤੁਸੀਂ ਚੰਗੇ ਸ਼ਾਟ ਖੇਡ ਸਕਦੇ ਹੋ।’ ਇਹ ਇੰਨਾ ਵੀ ਸੌਖਾ ਨਹੀਂ ਹੈ... ਤੁਹਾਨੂੰ ਬਸ ਆਪਣੀ ਪ੍ਰਕਿਰਿਆ, ਰੁਟੀਨ ਅਤੇ ਅਨੁਸ਼ਾਸਨ 'ਤੇ ਧਿਆਨ ਦੇਣਾ ਪਵੇਗਾ। ਮੈਨੂੰ ਲੱਗਦਾ ਹੈ ਕਿ ਇੱਥੇ ਤੁਹਾਨੂੰ ਬਹੁਤ ਅਨੁਸ਼ਾਸਿਤ ਰਹਿਣਾ ਪਵੇਗਾ।