ਹਾਰਦਿਕ ਪਾਂਡਿਆ ਦੀ ਵਾਪਸੀ ਨਾਲ ਹੱਲ ਹੋ ਜਾਵੇਗੀ ਮਿਡਲ ਆਰਡਰ ਦੀ ਸਮੱਸਿਆ : ਕਪਤਾਨ ਸ਼ੁਭਮਨ ਗਿੱਲ

ਆਕਲੈਂਡ, ਪੀਟੀਆਈ : ਹਾਰਦਿਕ ਪਾਂਡਿਆ ਦੀ ਲੰਬੇ ਸਮੇਂ ਤੋਂ ਸੱਟ ਲੱਗਣ ਕਾਰਨ ਭਾਰਤ ਦੀ ਵਨਡੇ ਟੀਮ ਦਾ ਸੰਤੁਲਨ ਵਿਗੜ ਗਿਆ ਹੈ ਤੇ ਕਪਤਾਨ ਸ਼ੁਭਮਨ ਗਿੱਲ ਦਾ ਮੰਨਣਾ ਹੈ ਕਿ ਆਲਰਾਊਂਡਰ ਦੀ ਵਾਪਸੀ ਨਾਲ ਟੀਮ ਦੇ ਨੰਬਰ ਸੱਤ ਤੇ ਨੰਬਰ ਅੱਠ ਬੱਲੇਬਾਜ਼ਾਂ ਦੀ ਸਮੱਸਿਆ ਹੱਲ ਹੋ ਜਾਵੇਗੀ। ਗਿੱਲ ਨੇ ਪਹਿਲੇ ਵਨਡੇ ਦੀ ਪੂਰਵ ਸੰਧਿਆ ’ਤੇ ਇੱਕ ਪ੍ਰੈੱਸ ਕਾਨਫਰੰਸ ’ਚ ਕਿਹਾ, ਜੇ ਹਾਰਦਿਕ ਵਾਪਸੀ ਕਰਦਾ ਹੈ ਤਾਂ ਸਾਡੇ ਨੰਬਰ ਸੱਤ ਤੇ ਨੰਬਰ ਅੱਠ ਦੇ ਸਥਾਨ ਵੀ ਸੈਟਲ ਹੋ ਜਾਣਗੇ। ਇਸ ਨਾਲ ਸਾਡੀ ਟੀਮ ਬੱਲੇਬਾਜ਼ੀ ਦੇ ਮਾਮਲੇ ’ਚ ਬਹੁਤ ਜ਼ਿਆਦਾ ਸੰਤੁਲਿਤ ਦਿਖਾਈ ਦੇਵੇਗੀ। ਉਹ ਇੱਕ ਸ਼ਾਨਦਾਰ ਖਿਡਾਰੀ ਹੈ। ਬਹੁਤ ਘੱਟ ਖਿਡਾਰੀਆਂ ਕੋਲ ਆਪਣਾ ਹੁਨਰ ਹੁੰਦਾ ਹੈ। ਇਕ ਆਲਰਾਊਂਡਰ ਜੋ ਖੇਡ ਦੇ ਸਾਰੇ ਪੜਾਵਾਂ ’ਤੇ ਗੇਂਦਬਾਜ਼ੀ ਕਰ ਸਕਦਾ ਹੈ ਤੇ ਬੱਲੇ ਨਾਲ ਵੀ ਲਾਭਦਾਇਕ ਯੋਗਦਾਨ ਪਾ ਸਕਦਾ ਹੈ, ਟੀਮ ਲਈ ਬਹੁਤ ਮਹੱਤਵਪੂਰਨ ਹੈ। ਗਿੱਲ ਨੇ ਕਿਹਾ, ਸਾਡੀ ਕਈ ਵਾਰ ਗੱਲਬਾਤ ਹੋਈ ਹੈ। ਉਸ ਨੂੰ ਇੰਡੀਆ ਏ ਲਈ ਕੁਝ ਮੈਚ ਖੇਡਣੇ ਸਨ ਪਰ ਉਹ ਇਸ ਤੋਂ ਠੀਕ ਪਹਿਲਾਂ ਜ਼ਖਮੀ ਹੋ ਗਿਆ ਸੀ। ਉਮੀਦ ਹੈ ਕਿ, ਉਹ ਜਲਦੀ ਹੀ ਠੀਕ ਹੋ ਜਾਵੇਗਾ ਅਤੇ ਘਰੇਲੂ ਕ੍ਰਿਕਟ ’ਚ ਕੁਝ ਮੈਚ ਖੇਡੇਗਾ ਅਤੇ ਫਿਰ ਟੀਮ ’ਚ ਵਾਪਸ ਆਵੇਗਾ।