- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਵੱਡਾ ਝਟਕਾ : ਫਿੱਟਨੈੱਸ ਸਮੱਸਿਆ ਕਾਰਨ ਫਿਰ ਟੀਮ ਤੋਂ ਬਾਹਰ ਹੋਏ ਹਾਰਦਿਕ ਪਾਂਡਿਆ, ਇਸ ਸਟਾਰ ਖਿਡਾਰੀ ਦੀ ਹੋਈ ਐਂਟਰੀ
ਪੁਡੂਚੇਰੀ ਵਿੱਚ ਸ਼ੁਰੂ ਹੋਣ ਵਾਲੀ ਇਹ ਸੀਰੀਜ਼ ਪਾਂਡਿਆ ਲਈ ਬਹੁਤ ਅਹਿਮ ਮੰਨੀ ਜਾ ਰਹੀ ਸੀ ਕਿਉਂਕਿ ਇਸ ਨਾਲ ਉਨ੍ਹਾਂ ਦੀ ਫਿਟਨੈਸ ਦੀ ਖਾਸ ਤੌਰ 'ਤੇ ਵਨ-ਡੇ ਮੈਚ ਵਿੱਚ 10 ਓਵਰ ਗੇਂਦਬਾਜ਼ੀ ਕਰਨ ਦੀ ਉਨ੍ਹਾਂ ਦੀ ਸਮਰੱਥਾ ਦੀ ਪਰਖ ਹੋਣੀ ਸੀ
Posted By alisha
Publish Date: Sun, 04 Oct 2026 03:47 PM (IST)
Updated Date: Sun, 04 Oct 2026 03:56 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਹਾਰਦਿਕ ਪਾਂਡਿਆ ਲੰਬੇ ਸਮੇਂ ਤੋਂ ਸੱਟ ਕਾਰਨ ਖੇਡ ਤੋਂ ਬਾਹਰ ਚੱਲ ਰਹੇ ਹਨ ਫਿਰ ਵੀ ਚੋਣਕਾਰਾਂ ਨੇ ਉਨ੍ਹਾਂ ਨੂੰ 6 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੀ ਆਸਟ੍ਰੇਲੀਆ-ਏ ਵਿਰੁੱਧ ਵਨ-ਡੇ ਸੀਰੀਜ਼ ਲਈ ਇੰਡੀਆ-ਏ ਟੀਮ ਵਿੱਚ ਸ਼ਾਮਲ ਕੀਤਾ ਸੀ। ਹਾਲਾਂਕਿ, ਹੁਣ ਸੱਟ ਕਾਰਨ ਪਾਂਡਿਆ ਨੂੰ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ।
ਪਾਂਡਿਆ ਦੀ ਚੋਣ ਉਨ੍ਹਾਂ ਦੀ ਫਿਟਨੈਸ ਸਥਿਤੀ ਦੇ ਆਧਾਰ 'ਤੇ ਕੀਤੀ ਗਈ ਸੀ। ਟੀਮ ਦਾ ਐਲਾਨ ਕਰਨ ਵਾਲੇ ਬਿਆਨ ਵਿੱਚ ਬੀਸੀਸੀਆਈ ਨੇ ਸਪੱਸ਼ਟ ਕੀਤਾ ਸੀ ਕਿ ਉਨ੍ਹਾਂ ਦੀ ਭਾਗੀਦਾਰੀ ਉਨ੍ਹਾਂ ਦੀ ਫਿਟਨੈਸ 'ਤੇ ਨਿਰਭਰ ਕਰੇਗੀ। ਹੁਣ, 'ਸਪੋਰਟਸਟਾਰ' ਦੀ ਰਿਪੋਰਟ ਅਨੁਸਾਰ, ਪਾਂਡਿਆ ਨੂੰ ਨਵੀਂ ਸੱਟ ਲੱਗੀ ਹੈ, ਜਿਸ ਕਾਰਨ ਉਹ ਆਸਟ੍ਰੇਲੀਆ ਵਿਰੁੱਧ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ।
ਬਦਲ ਦਾ ਐਲਾਨ
ਰਿਪੋਰਟਾਂ ਅਨੁਸਾਰ, ਸੂਰਯਾਂਸ਼ ਸ਼ੇਜ ਨੇ ਇੰਡੀਆ-ਏ ਟੀਮ ਵਿੱਚ ਪਾਂਡਿਆ ਦੀ ਥਾਂ ਲਈ ਹੈ। ਪੁਡੂਚੇਰੀ ਵਿੱਚ ਸ਼ੁਰੂ ਹੋਣ ਵਾਲੀ ਇਹ ਸੀਰੀਜ਼ ਪਾਂਡਿਆ ਲਈ ਬਹੁਤ ਅਹਿਮ ਮੰਨੀ ਜਾ ਰਹੀ ਸੀ ਕਿਉਂਕਿ ਇਸ ਨਾਲ ਉਨ੍ਹਾਂ ਦੀ ਫਿਟਨੈਸ ਦੀ ਖਾਸ ਤੌਰ 'ਤੇ ਵਨ-ਡੇ ਮੈਚ ਵਿੱਚ 10 ਓਵਰ ਗੇਂਦਬਾਜ਼ੀ ਕਰਨ ਦੀ ਉਨ੍ਹਾਂ ਦੀ ਸਮਰੱਥਾ ਦੀ ਪਰਖ ਹੋਣੀ ਸੀ। ਭਾਰਤ ਵੱਲੋਂ ਵਨ-ਡੇ ਸੀਰੀਜ਼ ਲਈ ਨਿਊਜ਼ੀਲੈਂਡ ਦਾ ਦੌਰਾ ਕੀਤਾ ਜਾਣਾ ਹੈ, ਅਤੇ ਉਸ ਦੌਰੇ ਲਈ ਪਾਂਡਿਆ ਦੀ ਪਰਖ ਕੀਤੀ ਜਾ ਰਹੀ ਸੀ। ਇਸ ਤੋਂ ਇਲਾਵਾ, ਅਗਲੇ ਸਾਲ ਹੋਣ ਵਾਲੇ ਵਨ-ਡੇ ਵਿਸ਼ਵ ਕੱਪ ਦੇ ਮੱਦੇਨਜ਼ਰ ਸਾਰਿਆਂ ਦੀਆਂ ਨਜ਼ਰਾਂ ਉਨ੍ਹਾਂ ਦੀ ਫਿਟਨੈਸ 'ਤੇ ਟਿਕੀਆਂ ਹੋਈਆਂ ਸਨ।
ਪਾਂਡਿਆ ਨੇ ਪਿਛਲੇ ਸਾਲ ਚੈਂਪੀਅਨਜ਼ ਟਰਾਫੀ ਦੇ ਫਾਈਨਲ ਤੋਂ ਬਾਅਦ ਕੋਈ ਵਨ-ਡੇ ਕ੍ਰਿਕਟ ਨਹੀਂ ਖੇਡੀ ਹੈ। ਉਨ੍ਹਾਂ ਦੀ ਫਿਟਨੈਸ ਭਾਰਤ ਲਈ ਚਿੰਤਾ ਦਾ ਵਿਸ਼ਾ ਰਹੀ ਹੈ ਖਾਸ ਕਰਕੇ ਜਦੋਂ ਵਨ-ਡੇ ਵਿਸ਼ਵ ਕੱਪ ਨੇੜੇ ਹੈ। ਇਸ ਫਾਰਮੈਟ ਵਿੱਚ ਆਪਣੀ ਫਿਟਨੈਸ ਸਾਬਤ ਕਰਨ ਲਈ ਉਨ੍ਹਾਂ ਕੋਲ ਸੀਮਤ ਮੌਕੇ ਹਨ।
ਅਨੁਕੁਲ ਰਾਏ ਨੂੰ ਮੌਕਾ
ਟੀਮ ਵਿੱਚ ਇੱਕ ਹੋਰ ਬਦਲਾਅ ਵੀ ਕੀਤਾ ਗਿਆ ਹੈ। ਵਾਸ਼ਿੰਗਟਨ ਸੁੰਦਰ ਵੈਸਟਇੰਡੀਜ਼ ਵਿਰੁੱਧ ਹੋਣ ਵਾਲੀ ਟੀ-20 ਸੀਰੀਜ਼ ਤੋਂ ਹਟ ਗਏ ਹਨ। ਉਨ੍ਹਾਂ ਦੀ ਥਾਂ 'ਤੇ ਨਮਨ ਧੀਰ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਨਮਨ ਨੂੰ ਅਸਲ ਵਿੱਚ ਇੰਡੀਆ-ਏ ਟੀਮ ਲਈ ਚੁਣਿਆ ਗਿਆ ਸੀ ਪਰ ਹੁਣ ਝਾਰਖੰਡ ਦੇ ਸਪਿੰਨਰ ਅਨੁਕੁਲ ਰਾਏ ਨੂੰ ਉਨ੍ਹਾਂ ਦੀ ਜਗ੍ਹਾ ਲੈਣ ਦਾ ਮੌਕਾ ਦਿੱਤਾ ਗਿਆ ਹੈ।