ਮੈਦਾਨ 'ਚ ਮੁੜ ਗਰਜੇਗਾ ਜਸਪ੍ਰੀਤ ਬੁਮਰਾਹ, ਨਿਤੀਸ਼ ਨੇ ਵੀ ਦਿਖਾਇਆ ਦਮ; ਪਰ ਮੀਂਹ ਨੇ ਪ੍ਰੈਕਟਿਸ 'ਚ ਪਾਇਆ ਖਲਲ

ਦੂਜੇ ਪਾਸੇ, ਨਿਤੀਸ਼ ਕੁਮਾਰ ਰੈੱਡੀ ਦੀ ਮੌਜੂਦਗੀ ਟੀਮ ਲਈ ਦੂਜਾ ਵੱਡਾ ਸਕਾਰਾਤਮਕ ਸੰਕੇਤ ਸੀ। ਸ਼ੁੱਕਰਵਾਰ ਨੂੰ ਟੀਮ ਨਾਲ ਜੁੜਨ ਤੋਂ ਬਾਅਦ ਉਸਨੇ ਫੀਲਡਿੰਗ ਡਰਿੱਲ ’ਚ ਹਿੱਸਾ ਲਿਆ ਤੇ ਇਸ ਤੋਂ ਬਾਅਦ ਗੇਂਦਬਾਜ਼ੀ ਦੇ ਨਾਲ-ਨਾਲ ਬੱਲੇਬਾਜ਼ੀ ਵੀ ਕੀਤੀ। ਫੀਲਡਿੰਗ ਡਰਿੱਲ ਲਗਪਗ 45 ਮਿੰਟ ਚੱਲੀ। ਇਸ ਦੌਰਾਨ ਬੁਮਰਾਹ ਤੇ ਨਿਤੀਸ਼ ਦੋਵੇਂ ਪੂਰੀ ਤਰ੍ਹਾਂ ਸਰਗਰਮ ਦਿਖਾਈ ਦਿੱਤੇ। ਦੋਵਾਂ ਦੇ ਮੈਦਾਨ 'ਤੇ ਆਰਾਮਦਾਇਕ ਦਿਖਾਈ ਦੇਣ ਨਾਲ ਭਾਰਤੀ ਟੀਮ ਮੈਨੇਜਮੈਂਟ ਨੂੰ ਰਾਹਤ ਮਿਲੀ ਹੋਵੇਗੀ ਕਿਉਂਕਿ ਸੀਰੀਜ਼ ਤੋਂ ਪਹਿਲਾਂ ਉਨ੍ਹਾਂ ਦੀ ਫਿਟਨੈੱਸ ਸਭ ਤੋਂ ਮਹੱਤਵਪੂਰਨ ਸਵਾਲਾਂ ’ਚ ਸ਼ਾਮਲ ਸੀ। ਭਾਰਤੀ ਟੀਮ ਦੇ ਬਾਕੀ ਖਿਡਾਰੀ ਵੀ ਸ਼ੁੱਕਰਵਾਰ ਨੂੰ ਜੁੜ ਗਏ। ਤਿਲਕ ਵਰਮਾ, ਵੈਭਵ ਸੂਰਿਆਵੰਸ਼ੀ ਤੇ ਈਸ਼ਾਨ ਕਿਸ਼ਨ ਨੇ ਟੀਮ ਦੇ ਨਾਲ ਅਭਿਆਸ ਕੀਤਾ। ਵਿਕਟਕੀਪਰ-ਬੱਲੇਬਾਜ਼ ਸੰਜੂ ਸੈਮਸਨ ਸਮੇਤ ਹੋਰ ਬੱਲੇਬਾਜ਼ਾਂ ਨੇ ਨੈੱਟਸ ’ਚ ਗੇਂਦਬਾਜ਼ਾਂ ਦਾ ਸਾਹਮਣਾ ਕੀਤਾ। ਵਾਸ਼ਿੰਗਟਨ ਸੁੰਦਰ, ਅਕਸ਼ਰ ਪਟੇਲ ਤੇ ਰਵੀ ਬਿਸ਼ਨੋਈ ਵਰਗੇ ਸਪਿਨਰਾਂ ਦੇ ਸਾਹਮਣੇ ਈਸ਼ਾਨ ਕਿਸ਼ਨ ਤੇ ਸ਼੍ਰੇਅਸ ਅਈਅਰ ਨੇ ਬੱਲੇਬਾਜ਼ੀ ਦਾ ਅਭਿਆਸ ਕੀਤਾ।