'ਉਹ ਮੇਰੀ ਗ਼ਲਤੀ ਨਹੀਂ ਸੀ', 26 ਸਾਲ ਪੁਰਾਣੇ ਕਿੱਸੇ ’ਤੇ ਹਰਭਜਨ ਸਿੰਘ ਨੇ ਹੁਣ ਦਿੱਤੀ ਸਫ਼ਾਈ; BCCI ਨੂੰ ਲਪੇਟਿਆ

ਦਰਅਸਲ, ਸਾਲ 2000 ’ਚ ਜਦੋਂ ਹਰਭਜਨ ਭਾਰਤੀ ਕ੍ਰਿਕਟ ’ਚ ਆਪਣੇ ਪੈਰ ਜਮਾ ਰਹੇ ਸਨ, ਉਦੋਂ ਉਨ੍ਹਾਂ ਨੂੰ ਐੱਨ.ਸੀ.ਏ. ਵਿੱਚੋਂ ਕੱਢ ਦਿੱਤਾ ਗਿਆ ਸੀ। ਹਰਭਜਨ ਨੇ ਐੱਨ.ਸੀ.ਏ. ਦਾ ਡਾਈਟ ਚਾਰਟ ਪਾੜ ਦਿੱਤਾ ਸੀ ਅਤੇ ਨਤੀਜੇ ਵਜੋਂ ਉਨ੍ਹਾਂ ਨੂੰ ਉੱਥੋਂ ਬਾਹਰ ਕਰ ਦਿੱਤਾ ਗਿਆ ਸੀ। ਹਰਭਜਨ ਨੇ ਕਿਹਾ ਹੈ ਕਿ ਇਸ ਮਾਮਲੇ ਵਿੱਚ ਉਨ੍ਹਾਂ ਦੀ ਕੋਈ ਗ਼ਲਤੀ ਨਹੀਂ ਸੀ।

Posted By Anuradha Bains

Publish Date: Tue, 11 Aug 2026 10:40 AM (IST)

Updated Date: Tue, 11 Aug 2026 10:42 AM (IST)

'ਉਹ ਮੇਰੀ ਗ਼ਲਤੀ ਨਹੀਂ ਸੀ', 26 ਸਾਲ ਪੁਰਾਣੇ ਕਿੱਸੇ ’ਤੇ ਹਰਭਜਨ ਸਿੰਘ ਨੇ ਹੁਣ ਦਿੱਤੀ ਸਫ਼ਾਈ; BCCI ਨੂੰ ਲਪੇਟਿਆ

ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਆਫ਼ ਸਪਿਨਰ ਹਰਭਜਨ ਸਿੰਘ ਨੇ 26 ਸਾਲ ਪੁਰਾਣੇ ਇੱਕ ਕਿੱਸੇ ਨੂੰ ਯਾਦ ਕੀਤਾ ਹੈ ਅਤੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਬਿਨਾਂ ਕਿਸੇ ਗ਼ਲਤੀ ਦੇ ਸਜ਼ਾ ਭੁਗਤਣੀ ਪਈ ਸੀ। ਮਾਮਲਾ ਐੱਨ.ਸੀ.ਏ. (NCA) ਦਾ ਸੀ ਜੋ ਹੁਣ ਸੈਂਟਰ ਆਫ਼ ਐਕਸੀਲੈਂਸ ਬਣ ਗਿਆ ਹੈ।

ਕੀਤਾ ਸੀ ਵਿਰੋਧ

ਉਸ ਮਾਮਲੇ ਨੂੰ ਲੈ ਕੇ ਹਰਭਜਨ ਨੇ ਦੱਸਿਆ ਕਿ ਐੱਨ.ਸੀ.ਏ. ਵਿੱਚ ਉਸ ਸਮੇਂ ਟ੍ਰੇਨੀਆਂ (ਸਿਖਿਆਰਥੀਆਂ) ਲਈ ਇੱਕ ਤੈਅ ਡਾਈਟ ਪਲਾਨ ਸੀ ਅਤੇ ਇਸ ਸਬੰਧ ਵਿੱਚ ਚਾਰਟ ਵੀ ਲੱਗਿਆ ਹੋਇਆ ਸੀ ਪਰ ਉਸ ਹਿਸਾਬ ਨਾਲ ਖਾਣਾ ਮਿਲਦਾ ਨਹੀਂ ਸੀ ਜਿਸ ਦੀ ਉਨ੍ਹਾਂ ਨੇ ਸ਼ਿਕਾਇਤ ਵੀ ਕੀਤੀ ਸੀ।

'ਕ੍ਰਿਕਟ ਨੇਕਸਟ ਆਫ਼ੀਸ਼ੀਅਲ' ਨਾਲ ਗੱਲ ਕਰਦਿਆਂ ਇਸ ਸਾਬਕਾ ਆਫ਼ ਸਪਿਨਰ ਨੇ ਕਿਹਾ, "ਉੱਥੋਂ ਮੈਨੂੰ ਕੱਢ ਦਿੱਤਾ ਗਿਆ ਸੀ। ਉਹ ਮੇਰੀ ਗ਼ਲਤੀ ਨਹੀਂ ਸੀ। ਮੈਂ ਅੱਜ ਵੀ ਇਸ ਗੱਲ ਨੂੰ ਖੁੱਲ੍ਹੇਆਮ ਕਹਿੰਦਾ ਹਾਂ ਕਿਉਂਕਿ ਉਹ ਸਾਡਾ ਹੱਕ ਸੀ। ਜੋ ਸਾਡਾ ਖਾਣਾ ਸੀ, ਉਹ ਚੰਗਾ ਨਹੀਂ ਸੀ। ਉੱਥੇ ਜੋ ਨਿਯਮ-ਕਾਨੂੰਨ ਸਨ, ਉਹ ਇਹੀ ਸਨ, ਸਾਨੂੰ ਬਹੁਤ ਕੁਝ ਪੜ੍ਹਾਇਆ ਜਾ ਰਿਹਾ ਸੀ, ਸਿਖਾਇਆ ਜਾ ਰਿਹਾ ਸੀ। ਇੱਕ ਚਾਰਟ ਲੱਗਿਆ ਸੀ ਕਿ ਇਹ ਡਾਈਟ ਹੋਣੀ ਚਾਹੀਦੀ ਹੈ। ਮਾਹਿਰਾਂ ਦੇ ਹਿਸਾਬ ਨਾਲ ਸਾਨੂੰ ਉਹ ਡਾਈਟ ਮਿਲਣੀ ਚਾਹੀਦੀ ਹੈ ਪਰ ਉਹ ਖਾਣਾ ਮਿਲ ਨਹੀਂ ਰਿਹਾ ਸੀ।"

'ਮੈਂ ਹੱਕ ਲਈ ਲੜਿਆ'

ਹਰਭਜਨ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੇ ਹੱਕ ਦੀ ਲੜਾਈ ਲੜੀ ਅਤੇ ਜੇਕਰ ਉਹ ਆਵਾਜ਼ ਨਹੀਂ ਉਠਾਉਂਦੇ ਤਾਂ ਚੀਜ਼ਾਂ ਸੁਧਰਦੀਆਂ ਨਹੀਂ। ਉਨ੍ਹਾਂ ਨੇ ਕਿਹਾ, "ਹੋ ਸਕਦਾ ਹੈ ਕਿ ਜੇਕਰ ਕੋਈ ਇਸ ਤਰ੍ਹਾਂ ਦਾ ਕੁਝ ਨਾ ਕਰਦਾ ਤਾਂ ਚੀਜ਼ਾਂ ਬਦਲਦੀਆਂ ਨਹੀਂ। ਮੈਂ ਆਪਣੇ ਹੱਕ ਲਈ ਲੜ ਰਿਹਾ ਸੀ।

ਜੇਕਰ ਮੈਂ ਉਸ ਸਮੇਂ ਲੜਦਾ ਨਹੀਂ ਤਾਂ ਅੱਜ ਵੀ ਉਹੀ ਡਾਈਟ ਪਲਾਨ ਚੱਲ ਰਿਹਾ ਹੁੰਦਾ। ਪਲਾਨ ਬਦਲਿਆ। ਮੈਨੂੰ ਹਟਾਇਆ ਗਿਆ, ਇਹ ਵੱਖਰੀ ਗੱਲ ਹੈ ਪਰ ਇਹ ਮੇਰੀ ਗ਼ਲਤੀ ਨਹੀਂ ਸੀ। ਬੀ.ਸੀ.ਸੀ.ਆਈ. ਵਿੱਚ ਕੁਝ ਲੋਕ ਸਨ ਜੋ ਨਹੀਂ ਚਾਹੁੰਦੇ ਸਨ ਕਿ ਕੋਈ ਉਨ੍ਹਾਂ ਦੇ ਖ਼ਿਲਾਫ਼ ਖੜ੍ਹਾ ਹੋਵੇ ਅਤੇ ਆਵਾਜ਼ ਉਠਾਵੇ।"