IPL 2027: ਦੋ ਵਾਰ ਪਰਪਲ ਕੈਪ ਜਿੱਤਣ ਵਾਲਾ ਗੇਂਦਬਾਜ਼ ਬਣਿਆ ਗੁਜਰਾਤ ਟਾਈਟਨਜ਼ ਦਾ ਹਿੱਸਾ, ਭਾਰਤੀ ਕ੍ਰਿਕਟਰ ਨੂੰ ਹੋਇਆ ਕਰੋੜਾਂ ਦਾ ਨੁਕਸਾਨ
ਹਰਸ਼ਲ ਪਟੇਲ ਨੂੰ ਗੁਜਰਾਤ ਟਾਈਟਨਜ਼ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਤੋਂ ਅਧਿਕਾਰਤ ਤੌਰ 'ਤੇ ਟ੍ਰੇਡ ਕਰ ਲਿਆ ਹੈ। BCCI ਨੇ ਮੰਗਲਵਾਰ ਨੂੰ ਪ੍ਰੈੱਸ ਰਿਲੀਜ਼ ਜਾਰੀ ਕਰਕੇ ਇਸ ਦੀ ਪੁਸ਼ਟੀ ਕੀਤੀ। 35 ਸਾਲਾ ਹਰਸ਼ਲ ਪਟੇਲ IPL 2027 ਵਿੱਚ ਗੁਜਰਾਤ ਟਾਈਟਨਜ਼ ਦੀ ਨੁਮਾਇੰਦਗੀ ਕਰਨਗੇ
Publish Date: Tue, 17 Nov 2026 03:19 PM (IST)
Updated Date: Tue, 17 Nov 2026 03:24 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਹਰਸ਼ਲ ਪਟੇਲ ਨੂੰ ਗੁਜਰਾਤ ਟਾਈਟਨਜ਼ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਤੋਂ ਅਧਿਕਾਰਤ ਤੌਰ 'ਤੇ ਟ੍ਰੇਡ ਕਰ ਲਿਆ ਹੈ। BCCI ਨੇ ਮੰਗਲਵਾਰ ਨੂੰ ਪ੍ਰੈੱਸ ਰਿਲੀਜ਼ ਜਾਰੀ ਕਰਕੇ ਇਸ ਦੀ ਪੁਸ਼ਟੀ ਕੀਤੀ। 35 ਸਾਲਾ ਹਰਸ਼ਲ ਪਟੇਲ IPL 2027 ਵਿੱਚ ਗੁਜਰਾਤ ਟਾਈਟਨਜ਼ ਦੀ ਨੁਮਾਇੰਦਗੀ ਕਰਨਗੇ।
ਗੁਜਰਾਤ ਟਾਈਟਨਜ਼ ਨੇ ਹਰਸ਼ਲ ਪਟੇਲ ਨੂੰ ਸਨਰਾਈਜ਼ਰਜ਼ ਹੈਦਰਾਬਾਦ ਤੋਂ 4 ਕਰੋੜ ਰੁਪਏ ਵਿੱਚ ਟ੍ਰੇਡ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ 2015 ਦੀ ਨਿਲਾਮੀ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਹਰਸ਼ਲ ਪਟੇਲ ਨੂੰ 8 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ।
ਕਿਹੜੀਆਂ ਫ੍ਰੈਂਚਾਈਜ਼ੀਆਂ ਦੀ ਕਰ ਚੁੱਕੇ ਹਨ ਨੁਮਾਇੰਦਗੀ ਹਰਸ਼ਲ ਪਟੇਲ ਦਾ IPL ਕਰੀਅਰ ਸ਼ਾਨਦਾਰ ਰਿਹਾ ਹੈ। ਉਨ੍ਹਾਂ ਨੇ 14 ਸੀਜ਼ਨਾਂ ਵਿੱਚ ਚਾਰ ਫ੍ਰੈਂਚਾਈਜ਼ੀਆਂ ਦੀ ਨੁਮਾਇੰਦਗੀ ਕੀਤੀ ਅਤੇ 124 ਮੈਚਾਂ ਵਿੱਚ 8.92 ਦੀ ਇਕਾਨਮੀ ਰੇਟ ਨਾਲ 151 ਵਿਕਟਾਂ ਹਾਸਲ ਕੀਤੀਆਂ।
ਸੱਜੇ ਹੱਥ ਦੇ ਮੱਧਮ ਤੇਜ਼ ਗੇਂਦਬਾਜ਼ ਹਰਸ਼ਲ ਪਟੇਲ ਰਾਇਲ ਚੈਲੰਜਰਜ਼ ਬੈਂਗਲੁਰੂ, ਦਿੱਲੀ ਕੈਪੀਟਲਜ਼, ਪੰਜਾਬ ਕਿੰਗਜ਼ ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਵੱਲੋਂ ਖੇਡ ਚੁੱਕੇ ਹਨ।
ਦੋ ਵਾਰ ਜਿੱਤੀ ਪਰਪਲ ਕੈਪ
ਹਰਸ਼ਲ ਪਟੇਲ ਉਨ੍ਹਾਂ ਚੋਣਵੇਂ ਗੇਂਦਬਾਜ਼ਾਂ ਵਿੱਚ ਸ਼ਾਮਲ ਹਨ, ਜਿਨ੍ਹਾਂ ਨੇ ਇੱਕ ਤੋਂ ਵੱਧ ਵਾਰ ਪਰਪਲ ਕੈਪ ਜਿੱਤੀ ਹੈ।
IPL ਵਿੱਚ ਇੱਕ ਸੀਜ਼ਨ ਦੌਰਾਨ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਨੂੰ ਪਰਪਲ ਕੈਪ ਦਿੱਤੀ ਜਾਂਦੀ ਹੈ। ਪਟੇਲ ਨੇ 2021 ਵਿੱਚ RCB ਅਤੇ 2024 ਵਿੱਚ PBKS ਵੱਲੋਂ ਖੇਡਦਿਆਂ ਇਹ ਖ਼ਿਤਾਬ ਆਪਣੇ ਨਾਂ ਕੀਤਾ ਸੀ।
ਸਨਰਾਈਜ਼ਰਜ਼ ਹੈਦਰਾਬਾਦ ਨਾਲ ਕਿਹੋ ਜਿਹਾ ਰਿਹਾ ਸਫ਼ਰ ਸਨਰਾਈਜ਼ਰਜ਼ ਹੈਦਰਾਬਾਦ ਨਾਲ ਹਰਸ਼ਲ ਪਟੇਲ ਦਾ ਪ੍ਰਦਰਸ਼ਨ ਜ਼ਿਆਦਾ ਪ੍ਰਭਾਵਸ਼ਾਲੀ ਨਹੀਂ ਰਿਹਾ।
ਪਿਛਲੇ ਸੀਜ਼ਨ ਦੀ ਗੱਲ ਕਰੀਏ ਤਾਂ ਪਟੇਲ ਨੂੰ ਸਿਰਫ਼ ਪੰਜ ਮੈਚ ਖੇਡਣ ਦਾ ਮੌਕਾ ਮਿਲਿਆ, ਜਿਸ ਵਿੱਚ ਉਹ ਇੱਕ ਵੀ ਵਿਕਟ ਹਾਸਲ ਨਹੀਂ ਕਰ ਸਕੇ। ਇਸ ਦੌਰਾਨ ਉਨ੍ਹਾਂ ਨੇ 10.82 ਦੀ ਇਕਾਨਮੀ ਰੇਟ ਨਾਲ ਦੌੜਾਂ ਵੀ ਖ਼ਰਚ ਕੀਤੀਆਂ।
ਸਾਲ 2025 ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਹਰਸ਼ਲ ਪਟੇਲ ਨੂੰ 8 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ। ਪਟੇਲ ਨੇ SRH ਨਾਲ ਆਪਣੇ ਪਹਿਲੇ ਸੀਜ਼ਨ ਵਿੱਚ 13 ਮੈਚਾਂ ਵਿੱਚ 16 ਵਿਕਟਾਂ ਹਾਸਲ ਕੀਤੀਆਂ ਸਨ। ਹਾਲਾਂਕਿ, ਅਗਲੇ ਸੀਜ਼ਨ ਵਿੱਚ ਉਨ੍ਹਾਂ ਦਾ ਪ੍ਰਦਰਸ਼ਨ ਨਿਰਾਸ਼ਾਜਨਕ ਰਿਹਾ ਅਤੇ ਉਹ ਪੰਜ ਮੈਚਾਂ ਵਿੱਚ ਇੱਕ ਵੀ ਵਿਕਟ ਨਹੀਂ ਲੈ ਸਕੇ।
IPL 'ਚ ਬਣਾਇਆ ਖ਼ਾਸ ਰਿਕਾਰਡ ਦੱਸ ਦੇਈਏ ਕਿ ਹਰਸ਼ਲ ਪਟੇਲ ਦੇ ਨਾਂ IPL ਵਿੱਚ ਸਭ ਤੋਂ ਤੇਜ਼ 150 ਵਿਕਟਾਂ ਹਾਸਲ ਕਰਨ ਦਾ ਰਿਕਾਰਡ ਦਰਜ ਹੈ। ਉਨ੍ਹਾਂ ਨੇ ਸਿਰਫ਼ 2,381 ਗੇਂਦਾਂ ਵਿੱਚ 150 ਵਿਕਟਾਂ ਪੂਰੀਆਂ ਕੀਤੀਆਂ ਸਨ।