ਓਲੰਪੀਆਡ ਤੋਂ ਪਹਿਲਾਂ ਇੰਡੀਅਨ ਟੀਮ ਦੀ ਖੱਜਲ-ਖੁਆਰੀ, ਸਮਰਕੰਦ ਪਹੁੰਚ ਕੇ 5 ਘੰਟੇ ਹੋਟਲ ਦੇ ਕਮਰਿਆਂ ਨੂੰ ਤਰਸੇ ਖਿਡਾਰੀ

ਮਰਦ ਟੀਮ ਦੇ ਕਪਤਾਨ ਗ੍ਰੈਂਡਮਾਸਟਰ ਸ਼੍ਰੀਨਾਥ ਨਾਰਾਇਣਨ ਨੇ ਇੰਟਰਨੈੱਟ ਮੀਡੀਆ ’ਤੇ ਇਹ ਮੁੱਦਾ ਚੁੱਕਿਆ। ਉਨ੍ਹਾਂ ਐਕਸ ’ਤੇ ਪੋਸਟ ਕੀਤਾ ਕਿ ਫਿਡੇ ਚੈੱਸ 2026 ਓਲੰਪੀਆਡ ’ਚ ਬਹੁਤ ਮਾੜਾ ਤਜਰਬਾ ਰਿਹਾ ਹੈ। ਟੀਮ ਪੰਜ ਘੰਟੇ ਪਹਿਲਾਂ ਸਮਰਕੰਦ ਏਅਰਪੋਰਟ ’ਤੇ ਉਤਰੀ ਸੀ। ਟੀਮ ਨੂੰ ਹਾਲੇ ਤੱਕ ਕਮਰੇ ਨਹੀਂ ਮਿਲੇ ਹਨ ਤੇ ਇਹ ਵੀ ਸਾਫ਼ ਨਹੀਂ ਹੈ ਕਿ ਕਮਰੇ ਕਦੋਂ ਮਿਲਣਗੇ। ਗ੍ਰੈਂਡਮਾਸਟਰ ਵਿਦਿਤ ਗੁਜਰਾਤੀ ਨੇ ਵੀ ਇਸ ਹਾਲਤ ’ਤੇ ਨਿਰਾਸ਼ਾ ਪ੍ਰਗਟਾਈ। ਗੁਜਰਾਤੀ ਨੇ ਐਕਸ ’ਤੇ ਲਿਖਿਆ ਕਿ ਸਮਰਕੰਦ, ਉਜ਼ਬੇਕਿਸਤਾਨ ਓਲੰਪੀਆਡ 2026 ਦੀ ਸ਼ੁਰੂਆਤ ਬਹੁਤ ਖ਼ਰਾਬ ਰਹੀ ਹੈ। ਹਾਲੇ ਵੀ ਉਡੀਕ ਕਰ ਰਹੇ ਹਾਂ।