ਨਿਊਜ਼ੀਲੈਂਡ ਦੌਰੇ ਲਈ ਭਾਰਤੀ ਟੀਮਾਂ ਦਾ ਐਲਾਨ, ਵਨਡੇ ਲਈ ਦੋ ਟੀਮਾਂ ਚੁਣੀਆਂ; ਬੁਮਰਾਹ ਨੂੰ ਸਿਰਫ਼ ਟੈਸਟ 'ਚ ਮਿਲੀ ਜਗ੍ਹਾ

ਸੂਤਰਾਂ ਮੁਤਾਬਕ ਸੀਓਈ ’ਚ ਪ੍ਰਸਿਧ ਤੇ ਹਰਸ਼ਿਤ ਦੀ ਫਿਟਨੈੱਸ ’ਤੇ ਨੇੜਿਓਂ ਨਜ਼ਰ ਰੱਖੀ ਜਾ ਰਹੀ ਹੈ। ਪ੍ਰਸਿਧ ਕ੍ਰਿਸ਼ਨਾ ਲਈ 22 ਤੇ 24 ਅਕਤੂਬਰ ਨੂੰ ਮੈਚ ਸਿਮੂਲੇਸ਼ਨ ਨਿਰਧਾਰਤ ਕੀਤਾ ਗਿਆ ਹੈ, ਜਦਕਿ ਹਰਸ਼ਿਤ ਰਾਣਾ 26 ਤੇ 28 ਅਕਤੂਬਰ ਨੂੰ ਮੈਚ ਸਿਮੂਲੇਸ਼ਨ ’ਚ ਹਿੱਸਾ ਲੈਣਗੇ। ਇਨ੍ਹਾਂ ਅਭਿਆਸ ਸੈਸ਼ਨਾਂ ਰਾਹੀਂ ਉਨ੍ਹਾਂ ਦੀ ਮੈਚ ਫਿਟਨੈੱਸ ਤੇ ਗੇਂਦਬਾਜ਼ੀ ਸਮਰੱਥਾ ਦਾ ਮੁਲਾਂਕਣ ਕੀਤਾ ਜਾਵੇਗਾ। ਗੁਹਾਟੀ ’ਚ ਵੈਸਟਇੰਡੀਜ਼ ਖਿਲਾਫ ਖੇਡੇ ਗਏ ਵਨਡੇ ਮੈਚ ਤੋਂ ਬਾਅਦ ਪ੍ਰਸਿਧ ਕ੍ਰਿਸ਼ਨਾ ਜ਼ਖਮੀ ਹੋ ਗਏ ਸਨ। ਉਸ ਦੀ ਹੈਮਸਟ੍ਰਿੰਗ ’ਚ ਇੱਕ ਖਿਚਾਅ ਸੀ। ਚੋਣਕਾਰਾਂ ਨੂੰ ਉਮੀਦ ਹੈ ਕਿ ਪ੍ਰਸਿਧ ਨਿਊਜ਼ੀਲੈਂਡ ਲਈ ਫਲਾਈਟ ਫੜ ਲੈਣਗੇ। ਹਰਸ਼ਿਤ ਰਾਣਾ ਜੁਲਾਈ ’ਚ ਇੰਗਲੈਂਡ ਖਿਲਾਫ ਟੀ-20 ਸੀਰੀਜ਼ ਦੌਰਾਨ ਜ਼ਖਮੀ ਹੋ ਗਿਆ ਸੀ। ਉਸ ਨੂੰ ਸੀਓਈ ’ਚ ਵੀ ਮੈਚ ਸਿਮੂਲੇਸ਼ਨ ਤੋਂ ਗੁਜ਼ਰਨਾ ਪੈਂਦਾ ਹੈ ਪਰ ਉਹ ਕਿਸੇ ਵੀ ਟੀਮ ’ਚ ਨਹੀਂ ਚੁਣਿਆ ਗਿਆ ਹੈ।