ਲੰਕਾ ਜਿੱਤਣ ਵੱਲ ਭਾਰਤ : ਸ਼੍ਰੀਲੰਕਾ ਕੋਲ ਸਿਰਫ਼ 16 ਦੌੜਾਂ ਦੀ ਬੜ੍ਹਤ, 2-0 ਨਾਲ ਸੀਰੀਜ਼ 'ਤੇ ਕਬਜ਼ਾ ਕਰਨ ਦਾ ਸੁਨਹਿਰੀ ਮੌਕਾ

ਕਮਾਲ ਦੀ ਭਾਈਵਾਲੀ : ਸੂਰਿਆਬੰਦਾਰਾ ਤੇ ਮੈਂਡਿਸ ਦੀ ਬੱਲੇਬਾਜ਼ੀ ਕਮਾਲ ਦੀ ਸੀ। ਦੋਵਾਂ ਨੇ ਹਮਲਾਵਰ ਬੱਲੇਬਾਜ਼ੀ ਕੀਤੀ। ਮੈਂਡਿਸ ਨੇ ਖੱਬੇ ਹੱਥ ਦੇ ਸਪਿਨਰ ਮਾਨਵ ਸੁਥਾਰ ਨੂੰ ਦੋ ਛੱਕੇ ਮਾਰੇ। ਪਹਿਲੇ ਮੈਚ ’ਚ 10 ਵਿਕਟਾਂ ਲੈਣ ਵਾਲੇ ਇਸ ਗੇਂਦਬਾਜ਼ ਦੀ ਉਨ੍ਹਾਂ ਲੈਅ ਤੋੜ ਦਿੱਤੀ । ਸੂਰਿਆਬੰਦਾਰਾ ਨੇ ਵੀ ਉਸ ਨੂੰ ਛੱਕੇ ਮਾਰੇ। ਪ੍ਰਸਿੱਧ ਕ੍ਰਿਸ਼ਨਾ ਇਕ ਸ਼ਾਰਟ ਪਿੱਚ ਗੇਂਦ ’ਤੇ ਇਸ ਭਾਈਵਾਲੀ ਨੂੰ ਤੋੜਿਆ। ਸ਼ੁਭਮਨ ਨੇ ਦੌੜਦੇ ਹੋਏ ਮੈਂਡਿਸ ਦੀ ਬਿਹਤਰੀਨ ਕੈਚ ਫੜੀ। ਆਪਣੇ ਟੈਸਟ ਕਰੀਅਰ ਦੀ ਬ੍ਰੈਡਮੈਨ ਵਰਗੀ ਸ਼ੁਰੂਆਤ ਕਰਨ ਤੋਂ ਬਾਅਦ ਖ਼ਰਾਬ ਪ੍ਰਦਰਸ਼ਨ ’ਚੋਂ ਲੰਘ ਰਹੇ ਮੈਂਡਿਸ ਨੂੰ ਪ੍ਰਸਿੱਧ ਨੇ ਪਿਛਲੀਆਂ ਦੋ ਪਾਰੀਆਂ ’ਚ ਸ਼ਾਰਟ ਬਾਲ ’ਤੇ ਹੀ ਆਊਟ ਕੀਤਾ ਸੀ। ਮੈਂਡਿਸ ਨੇ ਇਸ ਪਾਰੀ ’ਚ ਪ੍ਰਸਿੱਧ ਨੂੰ ਇਕ ਚੌਕਾ ਤੇ ਇਕ ਛੱਕਾ ਲਗਾਇਆ ਪਰ ਭਾਰਤੀ ਤੇਜ਼ ਗੇਂਦਬਾਜ਼ ਆਪਣੇ ਸ਼ਾਰਟ ਬਾਲ ਪਲਾਨ ’ਤੇ ਡਟਿਆ ਰਿਹਾ। ਕਾਮਿੰਦੂ ਵੀ ਪੁਲ ਸ਼ਾਟ ਖੇਡਦਾ ਰਿਹਾ ਪਰ ਅਖੀਰ ’ਚ ਉਹ ਵੀ ਖੁੰਝ ਗਿਆ। ਚਾਹ ਦੀ ਬ੍ਰੇਕ ਸਮੇਂ ਮੇਜ਼ਬਾਨ ਟੀਮ ਤਿੰਨ ਵਿਕਟਾਂ ’ਤੇ 199 ਦੌੜਾਂ ਦੀ ਆਰਾਮਦਾਇਕ ਹਾਲਤ ’ਚ ਸੀ ਤੇ ਉਸ ਨੂੰ ਪਾਰੀ ਦੀ ਹਾਰ ਵੀ ਸ਼ਰਮਨਾਕ ਹਾਰ ਤੋਂ ਉੱਭਰਣ ਲਈ ਸਿਰਫ 14 ਦੌੜਾਂ ਹੋਰ ਚਾਹੀਦੀਆਂ ਸਨ। ਦਿਨ ਦੇ ਆਖਰੀ ਸੈਸ਼ਨ ’ਚ ਮੈਚ ਦਾ ਰੁਖ਼ ਬਦਲ ਗਿਆ। ਪਹਿਲਾਂ ਧਨੰਜਯ ਸੁਥਾਰ ਦੀ ਗੇਂਦ ’ਤੇ ਪਡਿੱਕਲ ਨੂੰ ਕੈਚ ਦੇ ਬੈਠਾ। ਫਿਰ ਸੂਰਿਆਬੰਦਾਰਾ ਸਟੰਪ ਹੋ ਗਿਆ। ਉਹ ਆਪਣੇ ਪਹਿਲੇ ਟੈਸਟ ਸੈਂਕੜੇ ਦੇ ਨੇੜੇ ਸੀ। ਇਕ ਗੇਂਦ ਪਹਿਲਾਂ ਹੀ ਉਹ ਰੀਵਿਊ ਰਾਹੀਂ ਲੱਤਅੜਿੱਕਾ ਤੋਂ ਬਚਿਆ ਸੀ। ਪਿੱਛਿਓਂ ਵਿਕਟਕੀਪਰ ਰਿਸ਼ਭ ਪੰਤ ਉਸ ਨੂੰ ਉਕਰਾ ਰਿਹਾ ਸੀ। ਉਹ ਵੱਡੀ ਸ਼ਾਟ ਮਾਰਨ ਲਈ ਅੱਗੇ ਵਧਿਆ ਤਾਂ ਸੁਥਾਰ ਨੇ ਗੇਂਦ ਆਫ ਸਟੰਪ ਦੇ ਬਾਹਰ ਸੁੱਟੀ। ਪੰਤ ਨੇ ਤੁਰੰਤ ਗਿੱਲਿਆਂ ਨੂੰ ਬੇਰਹਿਮੀ ਨਾਲ ਉਡਾ ਦਿੱਤਾ। ਸ਼ੁਰੂ ’ਚ ਫੇਲ੍ਹ ਹੋ ਰਹੇ ਸੁਥਾਰ ਨੇ ਆਪਣੇ ਦੋ ਓਵਰਾਂ ’ਚ ਦੋ ਵਿਕਟਾਂ ਲਈਆਂ। ਇਸ ਤੋਂ ਬਾਅਦ ਆਫ ਸਪਿਨਰ ਸਾਰਾਂਸ਼ ਜੈਨ ਨੇ ਖੱਬੇ ਹੱਥ ਦੇ ਬੱਲੇਬਾਜ਼ ਨਿਰੋਸ਼ਨ ਡਿਕਵੇਲਾ ਨੂੰ ਲੱਤਅੜਿੱਕਾ ਕੀਤਾ। ਘਰੇਲੂ ਟੀਮ ਦਾ ਸਕੋਰ ਛੇ ਵਿਕਟਾਂ ’ਤੇ 218 ਦੌੜਾਂ ਹੋ ਗਿਆ। ਇਕ ਘੰਟੇ ਦੀ ਖੇਡ ਬਾਕੀ ਸੀ ਪਰ ਮੀਂਹ ਕਾਰਨ ਮੈਚ ਜਲਦੀ ਖ਼ਤਮ ਕਰਨਾ ਪਿਆ। ਇਸ ਸੀਰੀਜ਼ ’ਚ ਭਾਰਤੀ ਗੇਂਦਬਾਜ਼ਾਂ ਨੂੰ ਸਭ ਤੋਂ ਵੱਧ ਪਰੇਸ਼ਾਨ ਕਰਨ ਵਾਲੇ ਸੋਨਲ ਸੱਤ ਤੇ ਗੇਂਦਬਾਜ਼ ਕੇਸਰਾ ਨੁਵਾਂਥਾ ਤਿੰਨ ਦੌੜਾਂ ਬਣਾ ਕੇ ਅਜੇਤੂ ਹਨ।