- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs SL: ਕੁਲਦੀਪ ਯਾਦਵ ਨਾਲ ਹੋ ਗਿਆ ਵੱਡਾ ਖੇਡ? BCCI ਨੇ ਫਿਟਨੈਸ ਨੂੰ ਲੈ ਕੇ ਦਿੱਤਾ ਭੁਲੇਖੇ 'ਚ ਪਾਉਣ ਵਾਲਾ ਅੱਪਡੇਟ
ਕੁਲਦੀਪ ਯਾਦਵ ਹਾਲ ਹੀ ਦੇ ਸਮੇਂ 'ਚ ਟੀਮ ਇੰਡੀਆ ਦੇ ਨਿਯਮਤ ਮੈਂਬਰ ਨਹੀਂ ਰਹੇ ਹਨ। ਟੀ-20 ਹੋਵੇ, ਵਨਡੇ ਜਾਂ ਟੈਸਟ, ਪਲੇਇੰਗ-11 'ਚ ਉਨ੍ਹਾਂ ਦੀ ਜਗ੍ਹਾ ਪੱਕੀ ਨਹੀਂ ਰਹਿੰਦੀ। ਗਾਲੇ 'ਚ ਸ਼੍ਰੀਲੰਕਾ ਦੇ ਖਿਲਾਫ ਪਹਿਲੇ ਟੈਸਟ 'ਚ ਉਹ ਖੇਡੇ ਸਨ ਪਰ ਅੱਜ ਤੋਂ ਕੋਲੰਬੋ 'ਚ ਸ਼ੁਰੂ ਹੋਏ ਦੂਜੇ ਟੈਸਟ ਮੈਚ 'ਚ ਉਨ੍ਹਾਂ ਦਾ ਨਾਮ ਨਹੀਂ ਹੈ। ਉਨ੍ਹਾਂ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ ਅਤੇ ਉਨ੍ਹਾਂ ਦੀ ਜਗ੍ਹਾ ਸਾਰਾਂਸ਼ ਜੈਨ ਨੂੰ ਮੌਕਾ ਮਿਲਿਆ ਹੈ।
Posted By Sunita
Publish Date: Sun, 23 Aug 2026 10:43 AM (IST)
Updated Date: Sun, 23 Aug 2026 10:45 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ - ਕੁਲਦੀਪ ਯਾਦਵ ਹਾਲ ਹੀ ਦੇ ਸਮੇਂ 'ਚ ਟੀਮ ਇੰਡੀਆ ਦੇ ਨਿਯਮਤ ਮੈਂਬਰ ਨਹੀਂ ਰਹੇ ਹਨ। ਟੀ-20 ਹੋਵੇ, ਵਨਡੇ ਜਾਂ ਟੈਸਟ, ਪਲੇਇੰਗ-11 'ਚ ਉਨ੍ਹਾਂ ਦੀ ਜਗ੍ਹਾ ਪੱਕੀ ਨਹੀਂ ਰਹਿੰਦੀ। ਗਾਲੇ 'ਚ ਸ਼੍ਰੀਲੰਕਾ ਦੇ ਖਿਲਾਫ ਪਹਿਲੇ ਟੈਸਟ 'ਚ ਉਹ ਖੇਡੇ ਸਨ ਪਰ ਅੱਜ ਤੋਂ ਕੋਲੰਬੋ 'ਚ ਸ਼ੁਰੂ ਹੋਏ ਦੂਜੇ ਟੈਸਟ ਮੈਚ 'ਚ ਉਨ੍ਹਾਂ ਦਾ ਨਾਮ ਨਹੀਂ ਹੈ। ਉਨ੍ਹਾਂ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ ਅਤੇ ਉਨ੍ਹਾਂ ਦੀ ਜਗ੍ਹਾ ਸਾਰਾਂਸ਼ ਜੈਨ ਨੂੰ ਮੌਕਾ ਮਿਲਿਆ ਹੈ।
ਭਾਰਤ ਨੇ ਇਸ ਤੋਂ ਇਲਾਵਾ ਆਪਣੀ ਪਲੇਇੰਗ-11 'ਚ ਕੋਈ ਹੋਰ ਬਦਲਾਅ ਨਹੀਂ ਕੀਤਾ ਹੈ। ਕੁਲਦੀਪ ਦੇ ਬਾਹਰ ਹੋਣ ਤੋਂ ਕਈ ਲੋਕ ਹੈਰਾਨ ਅਤੇ ਨਿਰਾਸ਼ ਹਨ। ਕੁਲਦੀਪ ਸ਼ਾਨਦਾਰ ਗੇਂਦਬਾਜ਼ ਹਨ ਅਤੇ ਉਨ੍ਹਾਂ 'ਚ ਵਿਕਟ ਲੈਣ ਦੀ ਸਮਰੱਥਾ ਹੈ। ਇਸੇ ਕਾਰਨ ਇਸ ਮੈਚ 'ਚ ਉਨ੍ਹਾਂ ਦਾ ਨਾ ਖੇਡਣਾ ਕਈ ਲੋਕਾਂ ਨੂੰ ਪ੍ਰੇਸ਼ਾਨ ਕਰ ਰਿਹਾ ਹੈ।
ਗਿੱਲ ਨੇ ਦੱਸੀ ਵਜ੍ਹਾ
ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਦੌਰਾਨ ਗਿੱਲ ਨੇ ਦੱਸਿਆ ਕਿ ਕੁਲਦੀਪ ਦੀ ਜਗ੍ਹਾ ਸਾਰਾਂਸ਼ ਨੂੰ ਮੌਕਾ ਮਿਲਿਆ ਹੈ। ਗਿੱਲ ਨੇ ਕੁਲਦੀਪ ਬਾਰੇ ਕਿਹਾ ਕਿ ਉਨ੍ਹਾਂ ਨੂੰ ਇਨਫੈਕਸ਼ਨ ਹੋ ਗਿਆ ਹੈ, ਇਸੇ ਕਾਰਨ ਉਹ ਇਸ ਮੈਚ 'ਚ ਨਹੀਂ ਖੇਡ ਰਹੇ ਹਨ। ਬਾਅਦ 'ਚ ਬੀਸੀਸੀਆਈ ਨੇ ਐਕਸ (X) ਉੱਤੇ ਪੋਸਟ ਕਰਦੇ ਹੋਏ ਲਿਖਿਆ, "ਕੁਲਦੀਪ ਯਾਦਵ ਆਪਣੀ ਬਿਮਾਰੀ ਤੋਂ ਪੂਰੀ ਤਰ੍ਹਾਂ ਠੀਕ ਨਹੀਂ ਹੋ ਸਕੇ ਹਨ। ਇਸੇ ਕਾਰਨ ਉਹ ਸ਼੍ਰੀਲੰਕਾ ਦੇ ਖਿਲਾਫ ਦੂਜੇ ਟੈਸਟ ਮੈਚ 'ਚ ਚੋਣ ਲਈ ਉਪਲਬਧ ਨਹੀਂ ਸਨ। ਹਾਲਾਂਕਿ, ਜੇਕਰ ਲੋੜ ਪੈਂਦੀ ਹੈ ਤਾਂ ਉਹ ਕਨੈਕਸ਼ਨ ਸਬਸਟੀਟਿਊਟ (Concussion Substitute) ਦੇ ਤੌਰ ‘ਤੇ ਮੈਦਾਨ 'ਚ ਉਤਰ ਸਕਦੇ ਹਨ।"
UPDATE: Mr Kuldeep Yadav has not fully recovered from his viral illness.
He was unavailable for selection in the Playing XI for the second Test against Sri Lanka.
However, he can take the field as a concussion substitute, if required. #TeamIndia | #SLvIND
— BCCI (@BCCI) August 23, 2026
ਬੀਸੀਸੀਆਈ ਦੀ ਇਸ ਪੋਸਟ ਨੇ ਸਵਾਲ ਖੜ੍ਹੇ ਕੀਤੇ ਹਨ। ਜੇਕਰ ਕੁਲਦੀਪ ਸਿਰ 'ਚ ਸੱਟ ਲੱਗਣ ਵਾਲੇ ਬਦਲ ਵਜੋਂ ਖੇਡ ਸਕਦਾ ਹੈ, ਤਾਂ ਉਹ ਟੀਮ ਦੇ ਨਿਯਮਤ ਮੈਂਬਰ ਵਜੋਂ ਕਿਉਂ ਨਹੀਂ ਖੇਡ ਸਕਦਾ?
ਖਰਾਬ ਰਿਹਾ ਸੀ ਪ੍ਰਦਰਸ਼ਨ
ਕੁਲਦੀਪ ਇਸ ਸਮੇਂ ਆਪਣੇ ਰੰਗ 'ਚ ਨਹੀਂ ਹਨ। ਪਹਿਲੇ ਟੈਸਟ ਮੈਚ 'ਚ ਉਨ੍ਹਾਂ ਨੇ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ ਸੀ। ਉਨ੍ਹਾਂ ਨੇ ਦੋਵਾਂ ਪਾਰੀਆਂ ਨੂੰ ਮਿਲਾ ਕੇ ਕੁੱਲ ਇੱਕ ਹੀ ਵਿਕਟ ਲਿਆ ਸੀ। ਇਸ ਪ੍ਰਦਰਸ਼ਨ ਤੋਂ ਬਾਅਦ ਉਨ੍ਹਾਂ ਦੇ ਦੂਜੇ ਮੈਚ 'ਚ ਖੇਡਣ ਉੱਤੇ ਪਹਿਲਾਂ ਹੀ ਖ਼ਤਰੇ ਦੇ ਬੱਡਲ ਛਾਏ ਹੋਏ ਸਨ।
ਦੋਵਾਂ ਟੀਮਾਂ ਦੇ ਪਲੇਇੰਗ ਇਲੈਵਨ
ਭਾਰਤ: ਸ਼ੁਭਮਨ ਗਿੱਲ (ਕਪਤਾਨ), ਕੇਐਲ ਰਾਹੁਲ, ਯਸ਼ਸਵੀ ਜੈਸਵਾਲ, ਦੇਵਦੱਤ ਪਡੀਕਲ, ਰਿਸ਼ਭ ਪੰਤ (ਵਿਕਟਕੀਪਰ), ਧਰੁਵ ਜੁਰੇਲ, ਰਵਿੰਦਰ ਜਡੇਜਾ, ਮਾਨਵ ਸੁਥਾਰ, ਸਰਾਂਸ਼ ਜੈਨ, ਮੁਹੰਮਦ ਸਿਰਾਜ, ਪ੍ਰਸੀਦ ਕ੍ਰਿਸ਼ਨ।
ਸ਼੍ਰੀਲੰਕਾ : ਧਨੰਜੈ ਡੀ ਸਿਲਵਾ (ਕਪਤਾਨ), ਲਾਹਿਰੂ ਉਦਾਰਾ, ਕਾਮਿਲ ਮਿਸ਼ਰਾ, ਕਮਿੰਦੂ ਮੈਂਡਿਸ, ਸੋਨਲ ਦਿਨੁਸ਼ਾ, ਪਾਸਿੰਦੂ ਸੂਰੀਆਬੰਦਰਾ, ਨਿਰੋਸ਼ਨ ਡਿਕਵੇਲਾ (ਵਿਕਟਕੀਪਰ), ਕੇਸ਼ਾਰਾ ਨੁਵੰਤਾ, ਪ੍ਰਬਤ ਜੈਸੂਰੀਆ, ਅਸਥਾ ਫਰਨਾਂਡੋ, ਲਾਹਿਰੂ ਕੁਮਾਰਾ।