- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs AUS: ਬਚਪਨ ਦਾ ਦੋਸਤ ਜਾਂ ਟੀਮ ਦਾ ਯਾਰ, ਸ਼ੁਭਮਨ ਗਿੱਲ ਦੇ ਸਾਹਮਣੇ ਖੜ੍ਹੀ ਹੋ ਗਈ ਵੱਡੀ ਸਮੱਸਿਆ; ਮੁਸ਼ਕਿਲ 'ਚ ਫਸੀ ਜਾਨ!
ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਸ਼ੁਭਮਨ ਗਿੱਲ ਦੇ ਸਾਹਮਣੇ ਇੱਕ ਵੱਡੀ ਸਮੱਸਿਆ ਖੜ੍ਹੀ ਹੋ ਗਈ ਹੈ। ਇਹ ਸਮੱਸਿਆ ਸ਼ਨੀਵਾਰ ਤੋਂ ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ 'ਚ ਸ਼੍ਰੀਲੰਕਾ ਵਿਰੁੱਧ ਸ਼ੁਰੂ ਹੋਣ ਜਾ ਰਹੇ ਪਹਿਲੇ ਟੈਸਟ ਮੈਚ 'ਚ ਦੋ ਖਿਡਾਰੀਆਂ 'ਚੋਂ ਕਿਸੇ ਇੱਕ ਨੂੰ ਚੁਣਨ ਦੀ ਹੈ। ਇਨ੍ਹਾਂ 'ਚੋਂ ਇੱਕ ਤਾਂ ਗਿੱਲ ਦਾ ਬਚਪਨ ਦਾ ਦੋਸਤ ਹੈ ਅਤੇ ਦੂਜਾ ਟੀਮ ਇੰਡੀਆ 'ਚ ਉਨ੍ਹਾਂ ਦਾ ਬੇਹੱਦ ਕਰੀਬੀ ਮੰਨਿਆ ਜਾਣ ਵਾਲਾ ਖਿਡਾਰੀ ਹੈ।
Posted By Sunita
Publish Date: Fri, 14 Aug 2026 03:41 PM (IST)
Updated Date: Fri, 14 Aug 2026 03:44 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਸ਼ੁਭਮਨ ਗਿੱਲ ਦੇ ਸਾਹਮਣੇ ਇੱਕ ਵੱਡੀ ਸਮੱਸਿਆ ਖੜ੍ਹੀ ਹੋ ਗਈ ਹੈ। ਇਹ ਸਮੱਸਿਆ ਸ਼ਨੀਵਾਰ ਤੋਂ ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ 'ਚ ਸ਼੍ਰੀਲੰਕਾ ਵਿਰੁੱਧ ਸ਼ੁਰੂ ਹੋਣ ਜਾ ਰਹੇ ਪਹਿਲੇ ਟੈਸਟ ਮੈਚ 'ਚ ਦੋ ਖਿਡਾਰੀਆਂ 'ਚੋਂ ਕਿਸੇ ਇੱਕ ਨੂੰ ਚੁਣਨ ਦੀ ਹੈ। ਇਨ੍ਹਾਂ 'ਚੋਂ ਇੱਕ ਤਾਂ ਗਿੱਲ ਦਾ ਬਚਪਨ ਦਾ ਦੋਸਤ ਹੈ ਅਤੇ ਦੂਜਾ ਟੀਮ ਇੰਡੀਆ 'ਚ ਉਨ੍ਹਾਂ ਦਾ ਬੇਹੱਦ ਕਰੀਬੀ ਮੰਨਿਆ ਜਾਣ ਵਾਲਾ ਖਿਡਾਰੀ ਹੈ।
ਦਰਅਸਲ, ਗਾਲੇ ਦੀ ਸਪਿੰਨ ਲਈ ਮਦਦਗਾਰ ਪਿੱਚ 'ਤੇ ਭਾਰਤ ਸਿਰਫ਼ ਦੋ ਤੇਜ਼ ਗੇਂਦਬਾਜ਼ਾਂ ਨਾਲ ਹੀ ਉਤਰੇਗਾ। ਇਹ ਤੈਅ ਹੈ। ਇਸ 'ਚੋਂ ਇੱਕ ਮਹੰਮਦ ਸਿਰਾਜ ਹੋਣਗੇ, ਇਹ ਵੀ ਤੈਅ ਹੈ। ਹੁਣ ਪੇਚ ਦੂਜੇ ਤੇਜ਼ ਗੇਂਦਬਾਜ਼ ਨੂੰ ਲੈ ਕੇ ਫਸ ਰਿਹਾ ਹੈ। ਇਸ ਲਈ ਲੜਾਈ ਗੁਰਨੂਰ ਬਰਾੜ ਅਤੇ ਪ੍ਰਸਿੱਧ ਕ੍ਰਿਸ਼ਨਾ ਵਿਚਕਾਰ ਹੈ।
ਮੁਸ਼ਕਲ ਹੈ ਇਮਤਿਹਾਨ
ਗੁਰਨੂਰ ਬਚਪਨ ਤੋਂ ਗਿੱਲ ਨਾਲ ਖੇਡੇ ਹਨ ਅਤੇ ਪ੍ਰਸਿੱਧ ਕ੍ਰਿਸ਼ਨਾ ਟੀਮ ਇੰਡੀਆ 'ਚ ਗਿੱਲ ਦੇ ਕਰੀਬ ਰਹੇ ਹਨ। ਦੋਵਾਂ ਦੀਆਂ ਆਪਣੀਆਂ-ਆਪਣੀਆਂ ਵਿਸ਼ੇਸ਼ਤਾਵਾਂ ਅਤੇ ਯੋਗਤਾਵਾਂ ਹਨ। ਇਸ ਨੂੰ ਦੇਖਦੇ ਹੋਏ ਗਿੱਲ ਕਨਫਿਊਜ਼ ਹੋ ਗਏ ਹਨ। ਮੈਚ ਤੋਂ ਪਹਿਲਾਂ ਪ੍ਰੈੱਸ ਕਾਨਫਰੰਸ 'ਚ ਗਿੱਲ ਨੇ ਦੂਜੇ ਤੇਜ਼ ਗੇਂਦਬਾਜ਼ ਦੀ ਚੋਣ ਨੂੰ ਲੈ ਕੇ ਕਿਹਾ, "ਗੁਰਨੂਰ ਬਰਾੜ ਸ਼ਾਨਦਾਰ ਗੇਂਦਬਾਜ਼ ਹਨ ਅਤੇ ਉਹ ਪੁਰਾਣੀ ਗੇਂਦ ਨਾਲ ਵੀ ਉਛਾਲ ਹਾਸਲ ਕਰ ਸਕਦੇ ਹਨ, ਪਰ ਪ੍ਰਸਿੱਧ ਕ੍ਰਿਸ਼ਨਾ ਵੀ ਹਾਲੀਆ ਸਮੇਂ 'ਚ ਚੰਗੀ ਗੇਂਦਬਾਜ਼ੀ ਕਰ ਰਹੇ ਹਨ ਜੋ ਸਾਨੂੰ ਵਾਰਮ-ਅੱਪ ਮੈਚ 'ਚ ਦੇਖਣ ਨੂੰ ਮਿਲਿਆ। ਇਸ ਲਈ ਇਹ ਮੁਸ਼ਕਲ ਫ਼ੈਸਲਾ ਹੈ।"
ਤਿੰਨ ਸਪਿਨਰਾਂ ਨਾਲ ਜਾਣਾ ਤੈਅ
ਇਸ ਦੇ ਨਾਲ ਹੀ ਇਹ ਤੈਅ ਹੋ ਗਿਆ ਹੈ ਕਿ ਭਾਰਤ ਤਿੰਨ ਸਪਿਨਰਾਂ ਨਾਲ ਉਤਰੇਗਾ ਅਤੇ ਇਹ ਤਿੰਨ ਸਪਿਨਰ ਕੁਲਦੀਪ ਯਾਦਵ, ਰਵਿੰਦਰ ਜਡੇਜਾ ਅਤੇ ਮਾਨਵ ਸੁਥਾਰ ਹਨ। ਤਿੰਨੇ ਹੀ ਖੱਬੇ ਹੱਥ ਦੇ ਸਪਿਨਰ ਹਨ। ਅਜਿਹੇ 'ਚ ਇਹ ਥੋੜ੍ਹਾ ਅਜੀਬ ਹੋ ਸਕਦਾ ਹੈ, ਪਰ ਵੀਰਵਾਰ ਨੂੰ ਟੀਮ ਦੇ ਗੇਂਦਬਾਜ਼ੀ ਕੋਚ ਮੋਰਨੇ ਮੋਰਕਲ ਨੇ ਤਿੰਨਾਂ ਨੂੰ ਲੈ ਕੇ ਕਿਹਾ ਸੀ ਕਿ ਤਿੰਨੇ ਭਾਵੇਂ ਖੱਬੇ ਹੱਥ ਦੇ ਸਪਿਨਰ ਹੋਣ ਪਰ ਤਿੰਨਾਂ ਦੀਆਂ ਯੋਗਤਾਵਾਂ ਅਤੇ ਗੇਂਦਬਾਜ਼ੀ ਸ਼ੈਲੀ ਵੱਖਰੀ ਹੈ ਜੋ ਟੀਮ ਨੂੰ ਮਜ਼ਬੂਤ ਕਰੇਗੀ।