- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs AFG 3rd T20I : ਵੈਭਵ ਸੂਰਿਆਵੰਸ਼ੀ ਲਈ ਚੜ੍ਹੇਗੀ ਸੰਜੂ ਸੈਮਸਨ ਦੀ ਬਲੀ? ਆਖਰੀ ਮੈਚ 'ਚ ਟੀਮ ਇੰਡੀਆ ਕਰ ਸਕਦੀ ਹੈ 3 ਬਦਲਾਅ
ਪਹਿਲੇ ਟੀ-20 ਤੋਂ ਬਾਅਦ ਵਰੁਣ ਚੱਕਰਵਰਤੀ ਸੀਰੀਜ਼ ਤੋਂ ਬਾਹਰ ਹੋ ਚੁੱਕੇ ਹਨ। ਉੱਥੇ ਹੀ ਵੈਭਵ ਸੂਰਿਆਵੰਸ਼ੀ (Vaibhav Suryavanshi), ਵਾਸ਼ਿੰਗਟਨ ਸੁੰਦਰ ਅਤੇ ਯਸ਼ ਠਾਕੁਰ ਹੀ ਹਨ ਜਿਨ੍ਹਾਂ ਨੇ ਇਸ ਸੀਰੀਜ਼ 'ਚ ਕੋਈ ਮੈਚ ਨਹੀਂ ਖੇਡਿਆ ਹੈ।
Posted By alisha
Publish Date: Wed, 16 Sep 2026 02:10 PM (IST)
Updated Date: Wed, 16 Sep 2026 02:13 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਅਫਗਾਨਿਸਤਾਨ ਦੇ ਖਿਲਾਫ ਪਹਿਲੇ 2 ਟੀ-20 ਆਪਣੇ ਨਾਂ ਕਰਕੇ ਸੀਰੀਜ਼ ਜਿੱਤ ਚੁੱਕੀ ਭਾਰਤੀ ਟੀਮ (Afghanistan vs India) ਵੀਰਵਾਰ ਨੂੰ ਹੋਣ ਵਾਲੇ ਆਖਰੀ ਮੁਕਾਬਲੇ 'ਚ ਬੈਂਚ ਸਟ੍ਰੈਂਥ ਨੂੰ ਅਜ਼ਮਾ ਸਕਦੀ ਹੈ। ਦੂਜੇ ਟੀ-20 'ਚ ਜਿੱਤ ਤੋਂ ਬਾਅਦ ਭਾਰਤੀ ਕਪਤਾਨ ਸ਼੍ਰੇਅਸ ਅੱਯਰ ਨੇ ਇਸ ਦੇ ਸੰਕੇਤ ਵੀ ਦਿੱਤੇ ਸਨ।
ਉਨ੍ਹਾਂ ਨੇ ਕਿਹਾ ਸੀ ਕਿ ਅਸੀਂ ਚਾਹੁੰਦੇ ਹਾਂ ਕਿ ਬੈਂਚ 'ਤੇ ਬੈਠੇ ਸਾਰੇ ਖਿਡਾਰੀ ਵਿਕਟ ਅਤੇ ਹਾਲਾਤ ਦੇ ਆਦੀ ਹੋ ਜਾਣ ਅਤੇ ਥੋੜ੍ਹੀ ਪ੍ਰੈਕਟਿਸ ਵੀ ਕਰ ਲੈਣ। ਜੋ ਖਿਡਾਰੀ ਬਾਹਰ ਬੈਠੇ ਹਨ, ਇਹ ਉਨ੍ਹਾਂ ਨੂੰ ਅਜ਼ਮਾਉਣ ਦਾ ਚੰਗਾ ਮੌਕਾ ਹੈ।
ਸੈਮਸਨ ਦੀ ਚੜ੍ਹ ਸਕਦੀ ਹੈ ਬਲੀ
ਪਹਿਲੇ ਟੀ-20 ਤੋਂ ਬਾਅਦ ਵਰੁਣ ਚੱਕਰਵਰਤੀ ਸੀਰੀਜ਼ ਤੋਂ ਬਾਹਰ ਹੋ ਚੁੱਕੇ ਹਨ। ਉੱਥੇ ਹੀ ਵੈਭਵ ਸੂਰਿਆਵੰਸ਼ੀ (Vaibhav Suryavanshi), ਵਾਸ਼ਿੰਗਟਨ ਸੁੰਦਰ ਅਤੇ ਯਸ਼ ਠਾਕੁਰ ਹੀ ਹਨ ਜਿਨ੍ਹਾਂ ਨੇ ਇਸ ਸੀਰੀਜ਼ 'ਚ ਕੋਈ ਮੈਚ ਨਹੀਂ ਖੇਡਿਆ ਹੈ। ਵੈਭਵ ਦਾ ਜੇਕਰ ਭਾਰਤ 'ਚ ਇੰਟਰਨੈਸ਼ਨਲ ਡੈਬਿਊ ਕਰਵਾਉਣਾ ਹੈ ਤਾਂ ਸੰਜੂ ਸੈਮਸਨ (Sanju Samson) ਦੀ ਬਲੀ ਚੜ੍ਹ ਸਕਦੀ ਹੈ। ਦੂਜੇ ਟੀ-20 'ਚ ਸੰਜੂ ਨੇ ਕਮਾਲ ਦੀ ਬੱਲੇਬਾਜ਼ੀ ਕੀਤੀ। ਉਨ੍ਹਾਂ ਨੇ 22 ਗੇਂਦਾਂ 'ਚ 57 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ।
ਸ਼੍ਰੇਅਸ ਨੂੰ ਬਣਾਉਣੀਆਂ ਪੈਣਗੀਆਂ ਦੌੜਾਂ
ਮਿਡਲ ਆਰਡਰ 'ਚ ਈਸ਼ਾਨ ਕਿਸ਼ਨ, ਸ਼੍ਰੇਅਸ ਅੱਯਰ ਅਤੇ ਤਿਲਕ ਵਰਮਾ ਹੀ ਨਜ਼ਰ ਆ ਸਕਦੇ ਹਨ। ਕਪਤਾਨ ਅੱਯਰ ਨੂੰ ਦੌੜਾਂ ਬਣਾਉਣੀਆਂ ਪੈਣਗੀਆਂ। ਉਨ੍ਹਾਂ ਨੇ ਪਹਿਲੇ ਮੈਚ 'ਚ ਨਾਬਾਦ 8 ਦੌੜਾਂ ਅਤੇ ਦੂਜੇ ਮੁਕਾਬਲੇ 'ਚ 11 ਗੇਂਦਾਂ 'ਚ 11 ਦੌੜਾਂ ਬਣਾਈਆਂ। ਨਿਤੀਸ਼ ਕੁਮਾਰ ਰੈੱਡੀ, ਸ਼ਿਵਮ ਦੁਬੇ ਅਤੇ ਅਕਸ਼ਰ ਪਟੇਲ ਆਲਰਾਊਂਡਰ ਦੀ ਭੂਮਿਕਾ 'ਚ ਹੋਣਗੇ।
ਰਵੀ ਬਿਸ਼ਨੋਈ ਦੀ ਜਗ੍ਹਾ ਵਾਸ਼ਿੰਗਟਨ ਸੁੰਦਰ ਨੂੰ ਅਜ਼ਮਾਇਆ ਜਾ ਸਕਦਾ ਹੈ। ਨਾਲ ਹੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੂੰ ਆਰਾਮ ਦਿੱਤਾ ਜਾ ਸਕਦਾ ਹੈ। ਉਨ੍ਹਾਂ ਦੀ ਜਗ੍ਹਾ ਯਸ਼ ਠਾਕੁਰ ਲੈ ਸਕਦੇ ਹਨ। ਯਸ਼ ਨੇ ਹਾਲ ਹੀ 'ਚ ਜ਼ਿੰਬਾਬਵੇ ਖਿਲਾਫ ਟੀ-20 ਇੰਟਰਨੈਸ਼ਨਲ ਡੈਬਿਊ ਕੀਤਾ ਸੀ।
ਭਾਰਤ ਦੀ ਸੰਭਾਵਿਤ ਪਲੇਇੰਗ 11
ਵੈਭਵ ਸੂਰਿਆਵੰਸ਼ੀ, ਅਭਿਸ਼ੇਕ ਸ਼ਰਮਾ, ਈਸ਼ਾਨ ਕਿਸ਼ਨ, ਸ਼੍ਰੇਅਸ ਅੱਯਰ (ਕਪਤਾਨ), ਤਿਲਕ ਵਰਮਾ, ਨਿਤੀਸ਼ ਰੈੱਡੀ, ਸ਼ਿਵਮ ਦੁਬੇ, ਅਕਸ਼ਰ ਪਟੇਲ, ਵਾਸ਼ਿੰਗਟਨ ਸੁੰਦਰ, ਅਰਸ਼ਦੀਪ ਸਿੰਘ, ਯਸ਼ ਠਾਕੁਰ।
ਭਾਰਤੀ ਟੀਮ
ਸ਼੍ਰੇਅਸ ਅੱਯਰ (ਕਪਤਾਨ), ਅਭਿਸ਼ੇਕ ਸ਼ਰਮਾ, ਵੈਭਵ ਸੂਰਿਆਵੰਸ਼ੀ, ਸੰਜੂ ਸੈਮਸਨ (ਵਿਕਟਕੀਪਰ), ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਤਿਲਕ ਵਰਮਾ (ਉਪ-ਕਪਤਾਨ), ਸ਼ਿਵਮ ਦੁਬੇ, ਨਿਤੀਸ਼ ਕੁਮਾਰ ਰੈੱਡੀ, ਅਕਸ਼ਰ ਪਟੇਲ, ਵਾਸ਼ਿੰਗਟਨ ਸੁੰਦਰ, ਰਵੀ ਬਿਸ਼ਨੋਈ, ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ, ਯਸ਼ ਠਾਕੁਰ।