IND A vs NZ A : ਯਸ਼ਸਵੀ ਜੈਸਵਾਲ ਨੂੰ ਇਹ ਕੀ ਹੋ ਗਿਆ, ਨਿਊਜ਼ੀਲੈਂਡ 'ਚ ਬੱਲੇ ਨੂੰ ਲੱਗ ਗਿਆ ਜੰਗ ! ਟੀਮ ਇੰਡੀਆ ਦੀ ਵਧੀ ਚਿੰਤਾ

ਇੰਡੀਆ-ਏ ਅਤੇ ਨਿਊਜ਼ੀਲੈਂਡ-ਏ ਵਿਚਾਲੇ ਦੂਜਾ ਚਾਰ ਦਿਨਾਂ ਦਾ ਮੈਚ ਅੱਜ ਤੋਂ ਸ਼ੁਰੂ ਹੋਇਆ ਹੈ ਅਤੇ ਇਸ ਵਿੱਚ ਵੀ ਯਸ਼ਸਵੀ ਦਾ ਬੱਲਾ ਬੁਰੀ ਤਰ੍ਹਾਂ ਨਾਕਾਮ ਰਿਹਾ। ਪਿਛਲੇ ਅਭਿਆਸ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ ਉਹ ਅਰਧ ਸੈਂਕੜਾ ਨਹੀਂ ਲਗਾ ਸਕੇ ਸਨ ਅਤੇ ਦੂਜੇ ਮੈਚ ਦੀ ਪਹਿਲੀ ਪਾਰੀ ਵਿੱਚ ਵੀ ਉਨ੍ਹਾਂ ਦਾ ਇਹੀ ਹਾਲ ਰਿਹਾ।

Posted By alisha

Publish Date: Sat, 31 Oct 2026 01:36 PM (IST)

Updated Date: Sat, 31 Oct 2026 01:41 PM (IST)

IND A vs NZ A : ਯਸ਼ਸਵੀ ਜੈਸਵਾਲ ਨੂੰ ਇਹ ਕੀ ਹੋ ਗਿਆ, ਨਿਊਜ਼ੀਲੈਂਡ 'ਚ ਬੱਲੇ ਨੂੰ ਲੱਗ ਗਿਆ ਜੰਗ ! ਟੀਮ ਇੰਡੀਆ ਦੀ ਵਧੀ ਚਿੰਤਾ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਟੈਸਟ ਟੀਮ ਦੇ ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਦਾ ਬੱਲਾ ਨਿਊਜ਼ੀਲੈਂਡ ਪਹੁੰਚ ਕੇ ਜਿਵੇਂ ਖਾਮੋਸ਼ ਹੋ ਗਿਆ ਹੈ। ਹਰ ਦੌਰੇ 'ਤੇ ਆਪਣੇ ਬੱਲੇ ਨਾਲ ਦੌੜਾਂ ਦੀ ਬਰਸਾਤ ਕਰਨ ਵਾਲੇ ਯਸ਼ਸਵੀ ਹੁਣ ਤੱਕ ਨਿਊਜ਼ੀਲੈਂਡ ਦੌਰੇ 'ਤੇ ਇੰਡੀਆ-ਏ ਵੱਲੋਂ ਖੇਡੀਆਂ ਗਈਆਂ ਤਿੰਨ ਪਾਰੀਆਂ ਵਿੱਚ ਬੁਰੀ ਤਰ੍ਹਾਂ ਫਲਾਪ ਰਹੇ ਹਨ।

ਨਹੀਂ ਖੋਲ੍ਹ ਸਕੇ ਖਾਤਾ

ਯਸ਼ਸਵੀ ਇਸ ਮੈਚ ਦੀ ਪਹਿਲੀ ਪਾਰੀ ਵਿੱਚ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਫ੍ਰੈਸ਼ਰ ਸ਼ੀਟ ਨੇ ਉਨ੍ਹਾਂ ਨੂੰ ਸਿਰਫ਼ ਚਾਰ ਗੇਂਦਾਂ ਵਿੱਚ ਹੀ ਪੈਵੇਲੀਅਨ ਦਾ ਰਸਤਾ ਦਿਖਾ ਦਿੱਤਾ। ਯਸ਼ਸਵੀ ਐੱਲਬੀਡਬਲਯੂ ਆਊਟ ਹੋਏ।

ਪਹਿਲੇ ਅਭਿਆਸ ਮੈਚ ਵਿੱਚ ਵੀ ਯਸ਼ਸਵੀ ਦਾ ਬੱਲਾ ਨਹੀਂ ਚੱਲਿਆ ਸੀ। ਪਹਿਲੀ ਪਾਰੀ ਵਿੱਚ ਉਨ੍ਹਾਂ ਦੇ ਬੱਲੇ ਤੋਂ ਸਿਰਫ਼ 17 ਦੌੜਾਂ ਨਿਕਲੀਆਂ ਸਨ, ਜਦਕਿ ਦੂਜੀ ਪਾਰੀ ਵਿੱਚ ਉਨ੍ਹਾਂ ਨੇ ਸਿਰਫ਼ ਪੰਜ ਦੌੜਾਂ ਬਣਾਈਆਂ ਸਨ। ਯਾਨੀ ਹੁਣ ਤੱਕ ਖੇਡੀਆਂ ਗਈਆਂ ਤਿੰਨ ਪਾਰੀਆਂ ਵਿੱਚ ਉਨ੍ਹਾਂ ਨੇ ਕੁੱਲ 22 ਦੌੜਾਂ ਹੀ ਬਣਾਈਆਂ ਹਨ, ਜੋ ਭਾਰਤੀ ਟੀਮ ਲਈ ਚਿੰਤਾ ਦਾ ਵਿਸ਼ਾ ਹੈ।

ਯਸ਼ਸਵੀ ਭਾਰਤੀ ਟੈਸਟ ਟੀਮ ਦੇ ਅਹਿਮ ਖਿਡਾਰੀ ਹਨ ਅਤੇ ਹਰ ਦੌਰੇ 'ਤੇ ਆਪਣਾ ਜਲਵਾ ਦਿਖਾਉਂਦੇ ਆਏ ਹਨ। ਆਸਟ੍ਰੇਲੀਆ ਦੌਰੇ 'ਤੇ ਵੀ ਉਨ੍ਹਾਂ ਦਾ ਬੱਲਾ ਖੂਬ ਚੱਲਿਆ ਸੀ ਅਤੇ ਇੰਗਲੈਂਡ ਦੌਰੇ 'ਤੇ ਵੀ ਉਨ੍ਹਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ।

ਹਾਸਲ ਕਰਨੀ ਹੋਵੇਗੀ ਫਾਰਮ

ਯਸ਼ਸਵੀ ਲਈ ਜ਼ਰੂਰੀ ਹੈ ਕਿ ਉਹ ਜਲਦੀ ਆਪਣੀ ਫਾਰਮ ਹਾਸਲ ਕਰਨ, ਕਿਉਂਕਿ ਭਾਰਤੀ ਟੀਮ ਨੇ ਨਿਊਜ਼ੀਲੈਂਡ ਖ਼ਿਲਾਫ਼ ਸਿਰਫ਼ ਦੋ ਹੀ ਟੈਸਟ ਮੈਚ ਖੇਡਣੇ ਹਨ। ਅਜਿਹੇ ਵਿੱਚ ਜੇਕਰ ਯਸ਼ਸਵੀ ਚੰਗਾ ਪ੍ਰਦਰਸ਼ਨ ਕਰਨਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਸੀਰੀਜ਼ ਵਿੱਚ ਚੰਗੀ ਫਾਰਮ ਨਾਲ ਉਤਰਨਾ ਹੋਵੇਗਾ।

ਇਸ ਲਈ ਉਨ੍ਹਾਂ ਕੋਲ ਅਭਿਆਸ ਮੈਚ ਹੀ ਇੱਕ ਮੌਕਾ ਹੈ। ਯਸ਼ਸਵੀ ਵੀ ਚਾਹੁਣਗੇ ਕਿ ਉਹ ਜਲਦੀ ਤੋਂ ਜਲਦੀ ਆਪਣੀ ਫਾਰਮ ਹਾਸਲ ਕਰਨ ਅਤੇ ਇਸ ਦੌਰੇ 'ਤੇ ਟੀਮ ਨੂੰ ਜਿੱਤ ਦਿਵਾਉਣ ਵਿੱਚ ਯੋਗਦਾਨ ਪਾਉਣ।