- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND W vs HKC W: 'ਮੈਨੂੰ ਨਹੀਂ ਪਤਾ ਸੀ ਕਿ ਇਹ ਸਭ ਹੋ ਗਿਆ', Smriti Mandhana ਨੇ ਇਤਿਹਾਸ ਰਚਣ ਤੋਂ ਬਾਅਦ ਆਪਣੇ ਬਿਆਨ ਨਾਲ ਕੀਤਾ ਹੈਰਾਨ
ਭਾਰਤੀ ਓਪਨਰ ਨੇ ਸਿਰਫ਼ 64 ਗੇਂਦਾਂ ਵਿੱਚ 14 ਚੌਕੇ ਅਤੇ 7 ਛੱਕਿਆਂ ਦੀ ਮਦਦ ਨਾਲ 124 ਦੌੜਾਂ ਠੋਕੀਆਂ। ਮੰਧਾਨਾ ਦੀ ਪਾਰੀ ਦੇ ਦਮ 'ਤੇ ਭਾਰਤੀ ਟੀਮ ਨੇ 20 ਓਵਰਾਂ 'ਚ 193/5 ਦਾ ਬਹੁਤ ਵੱਡਾ ਸਕੋਰ ਬਣਾਇਆ। ਜਵਾਬ 'ਚ ਹਾਂਗਕਾਂਗ ਦੀ ਟੀਮ 16.2 ਓਵਰਾਂ 'ਚ 56 ਦੌੜਾਂ 'ਤੇ ਢੇਰ ਹੋ ਗਈ।
Posted By Anuradha Bains
Publish Date: Fri, 04 Sep 2026 11:07 AM (IST)
Updated Date: Fri, 04 Sep 2026 11:09 AM (IST)
ਖੇਡ ਡੈਸਕ, ਨਵੀਂ ਦਿੱਲੀ। ਸਮ੍ਰਿਤੀ ਮੰਧਾਨਾ ਦੀ ਰਿਕਾਰਡ ਤੋੜ ਪਾਰੀ ਦੇ ਦਮ 'ਤੇ ਭਾਰਤ ਨੇ ਮਹਿਲਾ ਏਸ਼ੀਆ ਕੱਪ ਦੇ ਸੈਮੀਫਾਈਨਲ 'ਚ ਜਗ੍ਹਾ ਪੱਕੀ ਕੀਤੀ। ਭਾਰਤੀ ਮਹਿਲਾ ਟੀਮ ਨੇ ਵੀਰਵਾਰ ਨੂੰ ਹਾਂਗਕਾਂਗ ਨੂੰ 137 ਦੌੜਾਂ ਦੇ ਵੱਡੇ ਫਰਕ ਨਾਲ ਮਾਤ ਦਿੱਤੀ।
ਭਾਰਤੀ ਓਪਨਰ ਨੇ ਸਿਰਫ਼ 64 ਗੇਂਦਾਂ ਵਿੱਚ 14 ਚੌਕੇ ਅਤੇ 7 ਛੱਕਿਆਂ ਦੀ ਮਦਦ ਨਾਲ 124 ਦੌੜਾਂ ਠੋਕੀਆਂ। ਮੰਧਾਨਾ ਦੀ ਪਾਰੀ ਦੇ ਦਮ 'ਤੇ ਭਾਰਤੀ ਟੀਮ ਨੇ 20 ਓਵਰਾਂ 'ਚ 193/5 ਦਾ ਬਹੁਤ ਵੱਡਾ ਸਕੋਰ ਬਣਾਇਆ। ਜਵਾਬ 'ਚ ਹਾਂਗਕਾਂਗ ਦੀ ਟੀਮ 16.2 ਓਵਰਾਂ 'ਚ 56 ਦੌੜਾਂ 'ਤੇ ਢੇਰ ਹੋ ਗਈ।
ਮੰਧਾਨਾ ਦੇ ਰਿਕਾਰਡ
ਸਮ੍ਰਿਤੀ ਮੰਧਾਨਾ ਟੀ-20 ਇੰਟਰਨੈਸ਼ਨਲ ਫਾਰਮੈਟ ’ਚ ਦੋ ਸੈਂਕੜੇ ਲਗਾਉਣ ਵਾਲੀ ਦੁਨੀਆ ਦੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣ ਗਈ ਹੈ। ਇਸ ਤੋਂ ਇਲਾਵਾ ਮੰਧਾਨਾ ਅੰਤਰਰਾਸ਼ਟਰੀ ਕ੍ਰਿਕਟ ’ਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਵਾਲੀ ਮਹਿਲਾ ਬੱਲੇਬਾਜ਼ ਬਣੀ।
ਮੰਧਾਨਾ ਨੇ 18 ਅੰਤਰਰਾਸ਼ਟਰੀ ਸੈਂਕੜੇ ਜੜੇ ਅਤੇ ਆਸਟ੍ਰੇਲੀਆ ਦੀ ਸਾਬਕਾ ਕਪਤਾਨ ਮੈਗ ਲੈਨਿੰਗ (17) ਦਾ ਰਿਕਾਰਡ ਤੋੜਿਆ। ਫਿਰ ਮੰਧਾਨਾ ਨੇ ਮਿਥਾਲੀ ਰਾਜ ਨੂੰ ਪਿੱਛੇ ਛੱਡਦਿਆਂ ਮਹਿਲਾ ਅੰਤਰਰਾਸ਼ਟਰੀ ਕ੍ਰਿਕਟ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਰਿਕਾਰਡ ਆਪਣੇ ਨਾਮ ਕੀਤਾ।
ਰਿਕਾਰਡਾਂ ਬਾਰੇ ਜਾਣਕਾਰੀ ਨਹੀਂ
ਸਮ੍ਰਿਤੀ ਮੰਧਾਨਾ ਨੇ ਆਪਣੀ ਇਤਿਹਾਸਕ ਪਾਰੀ ਤੋਂ ਬਾਅਦ ਕਬੂਲ ਕੀਤਾ ਕਿ ਉਨ੍ਹਾਂ ਨੂੰ ਇਸ ਦੀ ਬਿਲਕੁਲ ਜਾਣਕਾਰੀ ਨਹੀਂ ਸੀ ਕਿ ਇੰਨੇ ਰਿਕਾਰਡ ਟੁੱਟ ਗਏ ਹਨ। ਮੰਧਾਨਾ ਨੇ ਕਿਹਾ, 'ਮੈਨੂੰ ਨਹੀਂ ਪਤਾ ਸੀ ਕਿ ਇਹ ਸਭ ਹੋ ਗਿਆ। ਮੇਰੇ ਦਿਮਾਗ ਵਿੱਚ ਕੋਈ ਨਹੀਂ ਸੀ ਕਿ ਕਿਸਨੂੰ ਇਹ ਸਮਰਪਿਤ ਕਰਾਂ, ਪਰ ਯਕੀਨਨ ਆਪਣੇ ਪਰਿਵਾਰ ਨੂੰ ਇਹ ਡੈਡੀਕੇਟ ਕਰਦੀ ਹਾਂ।'
ਹਾਂਗਕਾਂਗ ਦੀ ਗੇਂਦਬਾਜ਼ੀ 'ਤੇ ਕੀ ਬੋਲੀ ਮੰਧਾਨਾ
ਮੰਧਾਨਾ ਨੇ ਦੱਸਿਆ ਕਿ ਪਹਿਲੀ ਵਾਰ ਹਾਂਗਕਾਂਗ ਦੇ ਗੇਂਦਬਾਜ਼ੀ ਅਟੈਕ ਦਾ ਸਾਹਮਣਾ ਕਰ ਰਹੀ ਸੀ ਤਾਂ ਪਤਾ ਨਹੀਂ ਸੀ ਕਿ ਕੀ ਹੋਣ ਵਾਲਾ ਹੈ। ਉਨ੍ਹਾਂ ਕਿਹਾ, 'ਸਾਨੂੰ ਵਿਰੋਧੀ ਗੇਂਦਬਾਜ਼ਾਂ ਬਾਰੇ ਜਾਣਕਾਰੀ ਨਹੀਂ ਸੀ। ਅਸੀਂ ਕੁਝ ਵੀਡੀਓਜ਼ ਦੇਖੀਆਂ ਪਰ ਪਤਾ ਨਹੀਂ ਸੀ ਕਿ ਕੀ ਹੋਵੇਗਾ। ਤੁਸੀਂ ਜਦੋਂ ਪਹਿਲੀ ਵਾਰ ਕਿਸੇ ਦਾ ਸਾਹਮਣਾ ਕਰਦੇ ਹੋ ਤਾਂ ਇਹ ਯਾਦ ਨਹੀਂ ਰਹਿੰਦਾ ਕਿ ਕਿਸ ਪੱਧਰ ਤੱਕ ਖੇਡੇ ਹਨ। ਤੁਸੀਂ ਬੱਸ ਗੇਂਦ ਨੂੰ ਦੇਖ ਕੇ ਰਫ਼ਤਾਰ ਦੇ ਹਿਸਾਬ ਨਾਲ ਆਪਣੀ ਬੱਲੇਬਾਜ਼ੀ ਨੂੰ ਐਡਜਸਟ ਕਰਦੇ ਹੋ।'