- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
AUS vs BAN: ਬੰਗਲਾਦੇਸ਼ ਨੇ ਕੀਤਾ ਵੱਡਾ ਉਲਟਫੇਰ, ਆਸਟ੍ਰੇਲੀਆ ਨੂੰ ਹਰਾ ਕੇ ਰਚਿਆ ਇਤਿਹਾਸ
ਬੰਗਲਾਦੇਸ਼ ਕ੍ਰਿਕਟ ਟੀਮ ਨੇ ਡਾਰਵਿਨ ਦੇ ਮਰਾਰਾ ਸਟੇਡੀਅਮ 'ਚ ਖੇਡੇ ਗਏ ਪਹਿਲੇ ਟੈਸਟ ਮੈਚ 'ਚ ਆਸਟ੍ਰੇਲੀਆ ਨੂੰ ਨੌਂ ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਬੰਗਲਾਦੇਸ਼ ਦੀ ਇਹ ਜਿੱਤ ਇਤਿਹਾਸਕ ਹੈ ਕਿਉਂਕਿ ਉਸ ਨੇ ਪਹਿਲਾਂ ਕਦੇ ਵੀ ਆਸਟ੍ਰੇਲੀਆ ਨੂੰ ਉਸ ਦੇ ਘਰ 'ਚ ਟੈਸਟ ਮੈਚ 'ਚ ਨਹੀਂ ਹਰਾਇਆ ਸੀ। ਜਿੱਤ ਲਈ ਬੰਗਲਾਦੇਸ਼ ਨੂੰ ਮਹਿਜ਼ 57 ਦੌੜਾਂ ਦਾ ਟੀਚਾ ਮਿਲਿਆ ਸੀ ਜੋ ਉਸ ਨੇ ਚੌਥੇ ਦਿਨ ਦੇ ਦੂਜੇ ਸੈਸ਼ਨ 'ਚ ਹਾਸਲ ਕਰਕੇ ਇਤਿਹਾਸ ਰਚ ਦਿੱਤਾ।
Posted By Sunita
Publish Date: Sun, 16 Aug 2026 11:49 AM (IST)
Updated Date: Sun, 16 Aug 2026 11:51 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਬੰਗਲਾਦੇਸ਼ ਕ੍ਰਿਕਟ ਟੀਮ ਨੇ ਡਾਰਵਿਨ ਦੇ ਮਰਾਰਾ ਸਟੇਡੀਅਮ 'ਚ ਖੇਡੇ ਗਏ ਪਹਿਲੇ ਟੈਸਟ ਮੈਚ 'ਚ ਆਸਟ੍ਰੇਲੀਆ ਨੂੰ ਨੌਂ ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਬੰਗਲਾਦੇਸ਼ ਦੀ ਇਹ ਜਿੱਤ ਇਤਿਹਾਸਕ ਹੈ ਕਿਉਂਕਿ ਉਸ ਨੇ ਪਹਿਲਾਂ ਕਦੇ ਵੀ ਆਸਟ੍ਰੇਲੀਆ ਨੂੰ ਉਸ ਦੇ ਘਰ 'ਚ ਟੈਸਟ ਮੈਚ 'ਚ ਨਹੀਂ ਹਰਾਇਆ ਸੀ। ਜਿੱਤ ਲਈ ਬੰਗਲਾਦੇਸ਼ ਨੂੰ ਮਹਿਜ਼ 57 ਦੌੜਾਂ ਦਾ ਟੀਚਾ ਮਿਲਿਆ ਸੀ ਜੋ ਉਸ ਨੇ ਚੌਥੇ ਦਿਨ ਦੇ ਦੂਜੇ ਸੈਸ਼ਨ 'ਚ ਹਾਸਲ ਕਰਕੇ ਇਤਿਹਾਸ ਰਚ ਦਿੱਤਾ।
ਆਸਟ੍ਰੇਲੀਆਈ ਟੀਮ ਇਸ ਮੈਚ 'ਚ ਪੂਰੀ ਤਰ੍ਹਾਂ ਬੈਕਫੁੱਟ ਉੱਤੇ ਰਹੀ ਅਤੇ ਸ਼ੁਰੂ ਤੋਂ ਹੀ ਬੰਗਲਾਦੇਸ਼ ਹਾਵੀ ਰਿਹਾ। ਬੰਗਲਾਦੇਸ਼ੀ ਗੇਂਦਬਾਜ਼ਾਂ ਨੇ ਮੇਜ਼ਬਾਨ ਟੀਮ ਨੂੰ ਪਹਿਲੀ ਪਾਰੀ 'ਚ 198 ਦੌੜਾਂ ਉੱਤੇ ਢੇਰ ਕਰ ਦਿੱਤਾ। ਇਸ ਤੋਂ ਬਾਅਦ ਪਹਿਲੀ ਪਾਰੀ 'ਚ 426 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾ ਕੇ 228 ਦੌੜਾਂ ਦੀ ਬੜ੍ਹਤ ਹਾਸਲ ਕਰ ਲਈ। ਦੂਜੀ ਪਾਰੀ 'ਚ ਆਸਟ੍ਰੇਲੀਆਈ ਟੀਮ ਢਹਿ ਗਈ ਅਤੇ ਕਿਸੇ ਤਰ੍ਹਾਂ 284 ਦੌੜਾਂ ਬਣਾਉਂਦਿਆਂ 57 ਦੌੜਾਂ ਦੀ ਹੀ ਬੜ੍ਹਤ ਹਾਸਲ ਕਰ ਸਕੀ। ਬੰਗਲਾਦੇਸ਼ ਨੇ ਆਸਾਨ ਜਿਹੇ ਟੀਚੇ ਨੂੰ ਇੱਕ ਵਿਕਟ ਗੁਆ ਕੇ ਹਾਸਲ ਕਰ ਲਿਆ।
ਮੇਹਦੀ ਹਸਨ ਮਿਰਾਜ ਨੇ ਕੀਤੀ ਪ੍ਰੇਸ਼ਾਨ
ਆਸਟ੍ਰੇਲੀਆ ਨੇ ਦਿਨ ਦੀ ਸ਼ੁਰੂਆਤ ਚਾਰ ਵਿਕਟਾਂ ਦੇ ਨੁਕਸਾਨ ਉੱਤੇ 161 ਦੌੜਾਂ ਨਾਲ ਕੀਤੀ ਸੀ। ਬੰਗਲਾਦੇਸ਼ ਦੀ ਬੱਲੇਬਾਜ਼ੀ ਸਮੇਂ ਹੇਠਲੇ ਕ੍ਰਮ 'ਚ ਆ ਕੇ ਅਰਧ ਸੈਂਕੜਾ ਲਗਾਉਣ ਵਾਲੇ ਮੇਹਦੀ ਹਸਨ ਮਿਰਾਜ ਨੇ ਆਪਣੀ ਫਿਰਕੀ ਨਾਲ ਆਸਟ੍ਰੇਲੀਆਈ ਬੱਲੇਬਾਜ਼ਾਂ ਨੂੰ ਪ੍ਰੇਸ਼ਾਨ ਕਰ ਦਿੱਤਾ। ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਐਲੇਕਸ ਕੈਰੀ ਨੂੰ ਆਪਣਾ ਸ਼ਿਕਾਰ ਬਣਾਇਆ ਜੋ 30 ਦੌੜਾਂ ਹੀ ਬਣਾ ਸਕੇ। ਉਨ੍ਹਾਂ ਤੋਂ ਬਾਅਦ ਬੇਯੂ ਬੇਵਸਟਰ ਨੂੰ ਉਨ੍ਹਾਂ ਨੇ ਪੰਜ ਦੌੜਾਂ ਦੇ ਨਿੱਜੀ ਸਕੋਰ ਉੱਤੇ ਬੋਲਡ ਕਰ ਦਿੱਤਾ। ਪੈਟ ਕਮਿੰਸ ਵੀ ਅੱਠ ਦੌੜਾਂ ਤੋਂ ਅੱਗੇ ਆਪਣੀ ਪਾਰੀ ਨਹੀਂ ਲਿਜਾ ਸਕੇ ਅਤੇ ਮਿਰਾਜ ਦਾ ਸ਼ਿਕਾਰ ਬਣੇ।
ਕੈਮਰਨ ਗ੍ਰੀਨ ਇਕੱਲੇ ਲੜ ਰਹੇ ਸਨ ਅਤੇ ਦੂਜੇ ਸਿਰੇ ਤੋਂ ਕੋਈ ਉਨ੍ਹਾਂ ਦਾ ਸਾਥ ਦੇਣ ਵਾਲਾ ਨਹੀਂ ਮਿਲ ਰਿਹਾ ਸੀ। ਮਿਸ਼ੇਲ ਸਟਾਰਕ ਨੇ ਕੁਝ ਦੇਰ ਪੈਰ ਜਮਾਏ, ਪਰ ਤਸਕੀਨ ਅਹਿਮਦ ਨੇ 18 ਦੇ ਨਿੱਜੀ ਸਕੋਰ ਉੱਤੇ ਉਨ੍ਹਾਂ ਦੀ ਪਾਰੀ ਖ਼ਤਮ ਕਰ ਦਿੱਤੀ। ਗ੍ਰੀਨ ਵੀ ਫਿਰ ਹਸਨ ਮਹਿਮੂਦ ਦੀ ਗੇਂਦ ਉੱਤੇ ਬੋਲਡ ਹੋ ਗਏ। ਉਨ੍ਹਾਂ ਨੇ 201 ਗੇਂਦਾਂ 'ਚ ਚਾਰ ਚੌਕਿਆਂ ਅਤੇ ਇੱਕ ਛੱਕੇ ਦੀ ਮਦਦ ਨਾਲ 104 ਦੌੜਾਂ ਦੀ ਪਾਰੀ ਖੇਡੀ। ਮਿਰਾਜ ਨੇ ਨਾਥਨ ਲਾਇਨ ਨੂੰ ਆਊਟ ਕਰਕੇ ਆਸਟ੍ਰੇਲੀਆਈ ਪਾਰੀ ਨੂੰ ਸਮਾਪਤ ਕਰ ਦਿੱਤਾ।
ਆਸਾਨੀ ਨਾਲ ਬਣਾਈਆਂ ਦੌੜਾਂ
ਜਿੱਤ ਲਈ ਹੁਣ ਬੰਗਲਾਦੇਸ਼ ਨੂੰ 57 ਦੌੜਾਂ ਚਾਹੀਦੀਆਂ ਸਨ। ਜੋਸ਼ ਹੇਜ਼ਲਵੁੱਡ ਨੇ ਪਹਿਲੀ ਪਾਰੀ ਦੇ ਸੈਂਕੜੇਵੀਰ ਤਨਜੀਦ ਹਸਨ ਨੂੰ ਬਿਨਾਂ ਖਾਤਾ ਖੋਲ੍ਹੇ ਆਊਟ ਕਰਕੇ ਬੰਗਲਾਦੇਸ਼ ਨੂੰ ਪਹਿਲਾ ਝਟਕਾ ਦਿੱਤਾ। ਇਸ ਤੋਂ ਬਾਅਦ ਸ਼ਾਦਮਾਨ ਇਸਲਾਮ ਅਤੇ ਮੋਮਿਨੁਲ ਹੱਕ ਨੇ ਟੀਮ ਨੂੰ ਦੂਜਾ ਝਟਕਾ ਨਹੀਂ ਲੱਗਣ ਦਿੱਤਾ ਅਤੇ ਬੰਗਲਾਦੇਸ਼ ਨੂੰ ਆਸਟ੍ਰੇਲੀਆਈ ਧਰਤੀ ਉੱਤੇ ਪਹਿਲੀ ਜਿੱਤ ਦਿਵਾਈ।
ਇਹ ਬੰਗਲਾਦੇਸ਼ ਦੀ ਆਸਟ੍ਰੇਲੀਆ ਦੇ ਖ਼ਿਲਾਫ਼ ਟੈਸਟ 'ਚ ਕੁੱਲ ਦੂਜੀ ਜਿੱਤ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਸਾਲ 2017 'ਚ ਮੀਰਪੁਰ 'ਚ ਆਸਟ੍ਰੇਲੀਆ ਨੂੰ ਹਰਾਇਆ ਸੀ, ਪਰ ਉਦੋਂ ਬੰਗਲਾਦੇਸ਼ ਨੇ ਇਹ ਜਿੱਤ ਆਪਣੇ ਘਰ 'ਚ ਹਾਸਲ ਕੀਤੀ ਸੀ ਅਤੇ ਇਸ ਵਾਰ ਆਸਟ੍ਰੇਲੀਆ ਨੂੰ ਉਸ ਦੇ ਘਰ 'ਚ ਹਰਾਇਆ ਹੈ।