GT ਬਨਾਮ RCB, IPL 2026 Final Pitch: ਆਰਸੀਬੀ ਜਾਂ ਗੁਜਰਾਤ? ਅਹਿਮਦਾਬਾਦ ਦੀ ਪਿੱਚ ਕਿਸਨੂੰ ਕਰੇਗੀ ਸਪੋਰਟ?
ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਦੀ ਟੀਮ ਐਤਵਾਰ (31 ਮਈ) ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦੇ ਫਾਈਨਲ ਵਿੱਚ ਗੁਜਰਾਤ ਟਾਈਟਨਸ (GT) ਨਾਲ ਭਿੜੇਗੀ। ਆਰਸੀਬੀ ਨੇ ਕੁਆਲੀਫਾਇਰ-1 ਵਿੱਚ ਗੁਜਰਾਤ ਟਾਈਟਨਸ ਨੂੰ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਬਣਾਈ ਸੀ।
Posted By Anuradha Bains
Publish Date: Sun, 31 May 2026 10:37 AM (IST)
Updated Date: Sun, 31 May 2026 10:41 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। IPL Final 2026 Ahmedabad Pitch Report: ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਦੀ ਟੀਮ ਐਤਵਾਰ (31 ਮਈ) ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦੇ ਫਾਈਨਲ ਵਿੱਚ ਗੁਜਰਾਤ ਟਾਈਟਨਸ (GT) ਨਾਲ ਭਿੜੇਗੀ। ਆਰਸੀਬੀ ਨੇ ਕੁਆਲੀਫਾਇਰ-1 ਵਿੱਚ ਗੁਜਰਾਤ ਟਾਈਟਨਸ ਨੂੰ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਬਣਾਈ ਸੀ।
ਉੱਥੇ ਹੀ, ਗੁਜਰਾਤ ਟਾਈਟਨਸ ਨੇ ਕੁਆਲੀਫਾਇਰ-2 ਵਿੱਚ ਰਾਜਸਥਾਨ ਰਾਇਲਜ਼ ਨੂੰ ਹਰਾ ਕੇ ਆਈਪੀਐਲ 2026 ਦੇ ਫਾਈਨਲ ਵਿੱਚ ਐਂਟਰੀ ਕੀਤੀ। ਦੋਵੇਂ ਹੀ ਟੀਮਾਂ ਆਪਣੀ ਦੂਜੀ ਆਈਪੀਐਲ ਟਰਾਫੀ ਜਿੱਤਣ ਦੇ ਇਰਾਦੇ ਨਾਲ ਮੈਦਾਨ 'ਤੇ ਉਤਰਨਗੀਆਂ। ਅਜਿਹੇ ਵਿੱਚ ਫਾਈਨਲ ਮੈਚ ਤੋਂ ਪਹਿਲਾਂ ਆਓ ਜਾਣਦੇ ਹਾਂ ਕਿ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਦੀ ਪਿੱਚ ਕਿਹੋ ਜਿਹਾ ਖੇਡੇਗੀ?
GT vs RCB Pitch: ਕਿਹੋ ਜਿਹਾ ਖੇਡੇਗੀ ਨਰਿੰਦਰ ਮੋਦੀ ਸਟੇਡੀਅਮ ਦੀ ਪਿੱਚ?
IPL 2026 Final Pitch & Weather: ਆਈਪੀਐਲ 2026 ਦਾ ਫਾਈਨਲ ਮੈਚ ਆਰਸੀਬੀ ਅਤੇ ਜੀਟੀ ਵਿਚਾਲੇ ਖੇਡਿਆ ਜਾਣਾ ਹੈ। ਅੱਜ ਇਹ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਰਾਤ 7 ਵਜੇ ਕੇ 30 ਮਿੰਟ 'ਤੇ ਖੇਡਿਆ ਜਾਵੇਗਾ।
ਆਈਪੀਐਲ 2026 ਵਿੱਚ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਹੁਣ ਤੱਕ ਕੁੱਲ 7 ਮੈਚ ਖੇਡੇ ਜਾ ਚੁੱਕੇ ਹਨ। ਅੱਜ ਆਈਪੀਐਲ 2026 ਦਾ 8ਵਾਂ ਮੈਚ ਫਾਈਨਲ ਵਜੋਂ ਖੇਡਿਆ ਜਾਵੇਗਾ। ਹੁਣ ਤੱਕ ਖੇਡੇ ਗਏ 7 ਮੈਚਾਂ ਵਿੱਚ ਸਭ ਤੋਂ ਵੱਡਾ ਸਕੋਰ ਗੁਜਰਾਤ ਟਾਈਟਨਸ ਨੇ ਹੀ ਬਣਾਇਆ ਹੈ। ਜੀਟੀ ਨੇ 21 ਮਈ ਨੂੰ ਸੀਐੱਸਕੇ ਦੇ ਖ਼ਿਲਾਫ਼ ਖੇਡੇ ਗਏ ਮੈਚ ਵਿੱਚ ਇਸ ਮੈਦਾਨ 'ਤੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 229/4 ਦਾ ਸਕੋਰ ਖੜ੍ਹਾ ਕੀਤਾ ਸੀ।
7 ਮੈਚਾਂ ਵਿੱਚੋਂ 5 ਮੈਚ ਤਾਂ ਗੁਜਰਾਤ ਦੀ ਟੀਮ ਨੇ ਹੀ ਜਿੱਤੇ, ਜਦਕਿ ਇੱਕ ਮੈਚ ਵਿੱਚ ਜੀਟੀ ਦੀ ਟੀਮ ਨੂੰ ਰਾਜਸਥਾਨ ਰਾਇਲਜ਼ ਹੱਥੋਂ 6 ਦੌੜਾਂ ਨਾਲ ਹਾਰ ਅਤੇ ਇੱਕ ਮੈਚ ਵਿੱਚ ਜੀਟੀ ਦੀ ਟੀਮ ਨੂੰ ਐੱਮਆਈ ਦੇ ਹੱਥੋਂ 99 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਉਸ ਮੈਚ ਵਿੱਚ ਜੀਟੀ ਦੀ ਟੀਮ 15.5 ਓਵਰਾਂ ਵਿੱਚ 100 ਦੌੜਾਂ 'ਤੇ ਆਲਆਊਟ ਹੋ ਗਈ ਸੀ।
ਯਾਨੀ ਇੱਕ ਤਰ੍ਹਾਂ ਨਾਲ ਦੇਖਿਆ ਜਾਵੇ ਤਾਂ 7 ਵਿੱਚੋਂ ਸਿਰਫ਼ 2 ਵਾਰ ਹੀ ਇੱਥੇ 200 ਪਲੱਸ ਦਾ ਸਕੋਰ ਬਣ ਸਕਿਆ ਹੈ। ਇਸ ਸੀਜ਼ਨ ਇਸ ਮੈਦਾਨ 'ਤੇ ਗੁਜਰਾਤ ਟਾਈਟਨਸ ਦੀ ਟੀਮ ਨੇ ਆਰਸੀਬੀ ਨੂੰ 4 ਵਿਕਟਾਂ ਨਾਲ ਹਰਾਇਆ ਸੀ ਅਤੇ ਕੁੱਲ 7 ਵਿੱਚੋਂ 5 ਵਾਰ ਇੱਥੇ ਜੀਟੀ ਦੀ ਟੀਮ ਇਸ ਸੀਜ਼ਨ ਮੈਚ ਜਿੱਤ ਚੁੱਕੀ ਹੈ, ਜਿਸ ਨਾਲ ਉਨ੍ਹਾਂ ਦਾ ਪਲੜਾ ਹੋਮ ਗਰਾਊਂਡ 'ਤੇ ਭਾਰੀ ਮੰਨਿਆ ਜਾ ਰਿਆ ਹੈ।
ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਆਰਸੀਬੀ ਇਸ ਸੀਜ਼ਨ: ਖੇਡੇ ਗਏ ਮੈਚ - 1, ਜਿੱਤੇ - 0, ਹਾਰ - 1
ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਗੁਜਰਾਤ ਇਸ ਸੀਜ਼ਨ: ਖੇਡੇ ਗਏ ਮੈਚ - 7, ਜਿੱਤੇ - 5, ਹਾਰੇ - 2
Narendra Modi Stadium IPL Stats
ਕੁੱਲ ਮੈਚ ਖੇਡੇ ਗਏ: 51
ਪਹਿਲਾਂ ਬੈਟਿੰਗ ਕਰਦੇ ਹੋਏ ਜਿੱਤੇ: 26
ਬਾਅਦ ਵਿੱਚ ਬੈਟਿੰਗ ਕਰਨ ਵਾਲੀ ਟੀਮ ਨੇ ਜਿੱਤੇ: 25
ਟਾਸ ਵੀ ਅਤੇ ਮੈਚ ਵੀ ਜਿੱਤਣ ਵਾਲੀ ਟੀਮ: 23
ਟਾਸ ਹਾਰਨ ਤੋਂ ਬਾਅਦ ਮੈਚ ਜਿੱਤਣ ਵਾਲੀ ਟੀਮ: 28
ਬੇਨਤੀਜਾ: 0
ਸਭ ਤੋਂ ਵੱਡੀ ਵਿਅਕਤੀਗਤ ਪਾਰੀ: 129 (ਸ਼ੁਭਮਨ ਗਿੱਲ - ਜੀਟੀ ਬਨਾਮ ਐਮਆਈ - 2023)
ਸਭ ਤੋਂ ਬੈਸਟ ਬੌਲਿੰਗ: 5/10 (ਮੋਹਿਤ ਸ਼ਰਮਾ - ਜੀਟੀ ਬਨਾਮ ਐਮਆਈ - 2023)
ਸਭ ਤੋਂ ਵੱਡੀ ਟੀਮ ਪਾਰੀ: 243/5 (PBKS ਬਨਾਮ ਜੀਟੀ ਮੈਚ - 2025)
ਸਭ ਤੋਂ ਘੱਟ ਟੀਮ ਪਾਰੀ: 86 (ਹੈਦਰਾਬਾਦ ਆਲਆਊਟ ਬਨਾਮ ਜੀਟੀ - 2026)
ਪਹਿਲੀ ਪਾਰੀ ਦਾ ਔਸਤ ਸਕੋਰ: 178
IPL 2026 Final Rain Rule: ਜੇਕਰ RCB vs GT ਮੈਚ ਬਾਰਸ਼ ਕਾਰਨ ਧੁਲ ਗਿਆ?
ਭਾਰਤੀ ਮੌਸਮ ਵਿਭਾਗ ਨੇ ਅਹਿਮਦਾਬਾਦ (IPL Final 2026 Ahmedabad Weather Today) ਸਮੇਤ ਗੁਜਰਾਤ ਦੇ ਕਈ ਇਲਾਕਿਆਂ ਵਿੱਚ ਗਰਜ, ਬਿਜਲੀ ਅਤੇ ਬਾਰਸ਼ ਦਾ ਅਲਰਟ ਜਾਰੀ ਕੀਤਾ ਹੈ। ਅੱਜ ਅਹਿਮਦਾਬਾਦ ਵਿੱਚ ਗਰਜ ਦੇ ਨਾਲ ਆਮ ਤੋਂ ਦਰਮਿਆਨੀ ਬਾਰਸ਼ ਹੋਣ ਦੀ ਸੰਭਾਵਨਾ ਹੈ। ਜੇਕਰ ਬਾਰਸ਼ ਆਈਪੀਐਲ 2026 ਦੇ ਮੈਚ ਵਿੱਚ ਵਿਘਨ ਪਾਉਂਦੀ ਹੈ, ਤਾਂ ਆਈਪੀਐਲ ਦੇ ਪਲੇਆਫ ਨਿਯਮਾਂ ਅਨੁਸਾਰ, ਫਾਈਨਲ ਮੈਚ ਲਈ ਇੱਕ ਰਿਜ਼ਰਵ ਡੇ ਰੱਖਿਆ ਗਿਆ ਹੈ। ਮੈਚ ਪੂਰਾ ਕਰਵਾਉਣ ਲਈ ਮੁੱਖ ਦਿਨ ਅਤੇ ਰਿਜ਼ਰਵ ਡੇ ਦੋਵਾਂ 'ਤੇ 120-120 ਮਿੰਟ ਦਾ ਵਾਧੂ ਸਮਾਂ ਵੀ ਉਪਲਬਧ ਰਹੇਗਾ।
ਜੇਕਰ ਬਾਰਸ਼ ਦੇ ਕਾਰਨ ਮੈਚ ਪੂਰਾ ਨਹੀਂ ਹੋ ਪਾਉਂਦਾ, ਤਾਂ ਪਹਿਲਾਂ ਓਵਰਾਂ ਦੀ ਕਟੌਤੀ ਕਰਕੇ ਮੈਚ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਦੋਵਾਂ ਟੀਮਾਂ ਨੂੰ ਘੱਟੋ-ਘੱਟ 5-5 ਓਵਰਾਂ ਦਾ ਮੈਚ ਖੇਡਣਾ ਹੋਵੇਗਾ। ਜੇਕਰ ਮੈਚ ਸ਼ੁਰੂ ਹੋਣ ਤੋਂ ਬਾਅਦ ਬਾਰਸ਼ ਰੁਕਾਵਟ ਬਣਦੀ ਹੈ, ਤਾਂ ਜੇਤੂ ਦਾ ਫੈਸਲਾ ਕਰਨ ਲਈ ਡੀਐਲਐਸ ਨਿਯਮ ਲਾਗੂ ਕੀਤਾ ਜਾਵੇਗਾ। ਜੇਕਰ ਸਮਾਂ ਘੱਟ ਹੋਵੇ ਅਤੇ ਮੌਸਮ ਇਜਾਜ਼ਤ ਦੇਵੇ, ਤਾਂ ਸੁਪਰ ਓਵਰ ਦੇ ਜ਼ਰੀਏ ਵੀ ਨਤੀਜਾ ਕੱਢਿਆ ਜਾ ਸਕਦਾ ਹੈ।
ਜੇਕਰ ਮੌਸਮ ਫਾਈਨਲ ਅਤੇ ਰਿਜ਼ਰਵ ਡੇ ਦੋਵਾਂ ਦਿਨ ਮੈਚ ਜਾਂ ਸੁਪਰ ਓਵਰ ਕਰਵਾਉਣ ਦੇ ਯੋਗ ਵੀ ਨਾ ਹੋਵੇ, ਤਾਂ ਲੀਗ ਪੜਾਅ ਦੀ ਅੰਕ ਸੂਚੀ ਵਿੱਚ ਸਭ ਤੋਂ ਪਹਿਲੇ ਸਥਾਨ 'ਤੇ ਰਹਿਣ ਵਾਲੀ ਟੀਮ ਨੂੰ ਜੇਤੂ ਐਲਾਨ ਦਿੱਤਾ ਜਾਂਦਾ ਹੈ।