- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਵਰਕਲੋਡ ਮੈਨੇਜਮੈਂਟ ’ਤੇ ਫੋਕਸ, ਚਿੱਟੀ ਗੇਂਦ ਦੀ ਕ੍ਰਿਕਟ ’ਚ ਕਰ ਰਿਹਾ ਹਾਂ ਸੁਧਾਰ : ਆਕਾਸ਼ਦੀਪ
ਜਿਸ ਨਾਲ ਸੀਓਈ ’ਚ ਮੇਰੇ ਕੰਮ ਦਾ ਬੋਝ ਵਧਿਆ ਹੈ। ਮੈਨੂੰ ਗੇਂਦਾਂ ਦੀ ਗਿਣਤੀ ਨੂੰ ਲੈ ਕੇ ਕੋਈ ਸਮੱਸਿਆ ਨਹੀਂ ਸੀ ਪਰ ਮੈਚ ਦੀ ਲੈਅ ਵੱਖਰੀ ਹੈ। ਤੁਸੀਂ ਨੈੱਟ ਜਾਂ ਅਭਿਆਸ ਮੈਚ ’ਚ ਕੁਝ ਵੀ ਕਰ ਸਕਦੇ ਹੋ, ਪਰ ਅਸਲ ਮੈਚ ਦੀ ਲੈਅ ਵੱਖਰੀ ਹੁੰਦੀ ਹੈ।
Posted By alisha
Publish Date: Mon, 05 Oct 2026 11:25 AM (IST)
Updated Date: Mon, 05 Oct 2026 11:32 AM (IST)
ਸਪੋਰਟਸ ਡੈਸਕ : ਇਰਾਨੀ ਕੱਪ ਮੈਚ 'ਚ 6 ਵਿਕਟਾਂ ਲੈ ਕੇ ਰੈਸਟ ਆਫ ਇੰਡੀਆ ਦੀ ਜਿੱਤ ’ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਤੇਜ਼ ਗੇਂਦਬਾਜ਼ ਆਕਾਸ਼ਦੀਪ ਨੇ ਕਿਹਾ ਕਿ ਉਸ ਦਾ ਧਿਆਨ ਹੁਣ ਕੰਮ ਦੇ ਬੋਝ ਪ੍ਰਬੰਧਨ ’ਤੇ ਹੈ ਤਾਂ ਕਿ ਉਹ ਸੱਟ ਤੋਂ ਮੁਕਤ ਰਹਿ ਸਕੇ। ਇਸ ਤੋਂ ਇਲਾਵਾ ਉਹ ਅਗਲੇ ਸਾਲ ਹੋਣ ਵਾਲੇ ਵਨਡੇ ਵਿਸ਼ਵ ਕੱਪ ਦੇ ਮੱਦੇਨਜ਼ਰ ਚਿੱਟੀ ਗੇਂਦ ਦੀ ਕ੍ਰਿਕਟ 'ਤੇ ਵੀ ਧਿਆਨ ਦੇ ਰਿਹਾ ਹੈ। ਅਭਿਸ਼ੇਕ ਤ੍ਰਿਪਾਠੀ ਨੇ ਆਕਾਸ਼ਦੀਪ ਨਾਲ ਖਾਸ ਗੱਲਬਾਤ ਕੀਤੀ।
ਇੱਥੇ ਮੁੱਖ ਅੰਸ਼ ਹਨ: -
-ਤੁਸੀਂ ਕਰੀਬ 7 ਮਹੀਨੇ ਕ੍ਰਿਕਟ ਤੋਂ ਦੂਰ ਸੀ। ਇਸ ਸਮੇਂ ਦੌਰਾਨ ਤੁਸੀਂ ਆਪਣੇ ਸਰੀਰ, ਕੰਮ ਦੇ ਬੋਝ ਤੇ ਆਲੇ ਦੁਆਲੇ ਦੇ ਵਾਤਾਵਰਣ ਬਾਰੇ ਕੀ ਸਿੱਖਿਆ ਹੈ
ਸ਼ੁਰੂ ’ਚ ਮੇਰੇ ਲਈ ਇਹ ਥੋੜਾ ਨਿਰਾਸ਼ਾਜਨਕ ਸੀ। ਮੈਂ ਸਖਤ ਮਿਹਨਤ ਕੀਤੀ ਸੀ ਤੇ ਅਚਾਨਕ ਮੈਂ ਸੱਟ ਕਾਰਨ ਬਾਹਰ ਹੋ ਗਿਆ ਸੀ। ਇਸ ਦੌਰਾਨ ਕਈ ਟੂਰਨਾਮੈਂਟ ਵੀ ਖੁੰਝ ਗਏ ਪਰ ਬਾਕੀ ਦੇ ਦੌਰਾਨ ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਲਗਪਗ 10 ਸਾਲਾਂ ਤੋਂ ਪੇਸ਼ੇਵਰ ਕ੍ਰਿਕਟ ਖੇਡ ਰਿਹਾ ਹਾਂ ਤੇ ਇਸ ਤੋਂ ਪਹਿਲਾਂ ਕਦੇ ਵੀ ਇੰਨੀ ਲੰਬੀ ਸੱਟ ਨਹੀਂ ਲੱਗੀ ਸੀ। ਸ਼ਾਇਦ ਮੇਰੇ ਸਰੀਰ ਨੂੰ ਆਰਾਮ ਦੀ ਲੋੜ ਸੀ। ਮੈਂ ਸੋਚਿਆ ਕਿ ਜੇਕਰ ਮੈਂ ਇਸ ਦੌਰਾਨ ਆਪਣੇ ਆਪ 'ਤੇ ਕੰਮ ਕਰਦਾ ਹਾਂ ਅਤੇ ਆਪਣੇ ਸਰੀਰ ਨੂੰ ਸਰੀਰਕ ਤੌਰ 'ਤੇ ਮਜ਼ਬੂਤ ਬਣਾਉਂਦਾ ਹਾਂ ਤਾਂ ਮੇਰਾ ਕਰੀਅਰ ਲੰਬੇ ਸਮੇਂ ਤੱਕ ਚੱਲ ਸਕਦਾ ਹੈ।
- ਤੁਸੀਂ ਸੈਂਟਰ ਆਫ ਐਕਸੀਲੈਂਸ (CoE) ’ਚ ਵੀਵੀਐੱਸ ਲਕਸ਼ਮਣ ਨਾਲ ਬਹੁਤ ਕੰਮ ਕੀਤਾ ਹੈ। ਤੁਸੀਂ ਆਪਣੇ ਸਰੀਰ ਨੂੰ ਟੈਸਟਾਂ ਤੇ ਲੰਬੇ ਸਪੈਲਾਂ ਲਈ ਕਿੰਨਾ ਕੁ ਤਿਆਰ ਸਮਝਦੇ ਹੋ
ਮੈਂ ਇੱਕ ਹਫ਼ਤੇ ’ਚ ਲਗਭਗ 35 ਓਵਰ ਗੇਂਦਬਾਜ਼ੀ ਕੀਤੀ ਹੈ, ਜਿਸ ਨਾਲ ਸੀਓਈ ’ਚ ਮੇਰੇ ਕੰਮ ਦਾ ਬੋਝ ਵਧਿਆ ਹੈ। ਮੈਨੂੰ ਗੇਂਦਾਂ ਦੀ ਗਿਣਤੀ ਨੂੰ ਲੈ ਕੇ ਕੋਈ ਸਮੱਸਿਆ ਨਹੀਂ ਸੀ ਪਰ ਮੈਚ ਦੀ ਲੈਅ ਵੱਖਰੀ ਹੈ। ਤੁਸੀਂ ਨੈੱਟ ਜਾਂ ਅਭਿਆਸ ਮੈਚ ’ਚ ਕੁਝ ਵੀ ਕਰ ਸਕਦੇ ਹੋ, ਪਰ ਅਸਲ ਮੈਚ ਦੀ ਲੈਅ ਵੱਖਰੀ ਹੁੰਦੀ ਹੈ। ਫਿਰ ਵੀ ਮੈਨੂੰ ਲੱਗਦਾ ਹੈ ਕਿ ਮੈਂ COE ’ਚ ਕਾਫ਼ੀ ਗੇਂਦਬਾਜ਼ੀ ਕੀਤੀ ਹੈ ਤੇ ਮੇਰਾ ਸਰੀਰ ਇਸ ਦੇ ਲਈ ਤਿਆਰ ਹੈ।
- ਸੱਟ ਤੋਂ ਬਾਅਦ ਇਰਾਨੀ ਕੱਪ ਤੁਹਾਡਾ ਪਹਿਲਾ ਪ੍ਰਤੀਯੋਗੀ ਮੈਚ ਸੀ, ਇਸ ’ਚ ਤੁਹਾਡੀ ਤਰਜੀਹ ਕੀ ਸੀ?
ਲੰਬੇ ਸਮੇਂ ਬਾਅਦ ਮੈਚ ਖੇਡਣ ਲਈ ਬਹੁਤ ਉਤਸ਼ਾਹਿਤ ਸੀ ਪਰ ਮੈਂ ਆਪਣੀਆਂ ਭਾਵਨਾਵਾਂ 'ਤੇ ਕਾਬੂ ਰੱਖਿਆ। ਮੈਂ ਉਹਨਾਂ ਬੁਨਿਆਦੀ ਚੀਜ਼ਾਂ 'ਤੇ ਧਿਆਨ ਕੇਂਦਰਿਤ ਕੀਤਾ ਜਿਨ੍ਹਾਂ 'ਤੇ ਮੈਂ ਕਈ ਸਾਲਾਂ ਤੋਂ ਕੰਮ ਕਰ ਰਿਹਾ ਹਾਂ।
-ਨਿਊਜ਼ੀਲੈਂਡ 'ਚ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਤੁਹਾਡੇ ਲਈ ਕਿੰਨੀ ਮਹੱਤਵਪੂਰਨ ਹੈ
ਹੁਣ ਰਣਜੀ ਟਰਾਫੀ ਦਾ ਸੀਜ਼ਨ ਸ਼ੁਰੂ ਹੋਵੇਗਾ। ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਆਪਣੇ ਆਪ ਨੂੰ ਸਾਬਤ ਕਰਨਾ ਹੋਵੇਗਾ ਤੇ ਪਹਿਲੇ ਦੋ-ਤਿੰਨ ਮੈਚਾਂ 'ਚ ਚੰਗਾ ਪ੍ਰਦਰਸ਼ਨ ਕਰਨਾ ਹੋਵੇਗਾ, ਜੇਕਰ ਕੋਈ ਮੇਰੇ 'ਤੇ ਭਰੋਸਾ ਕਰ ਰਿਹਾ ਹੈ ਤਾਂ ਮੈਨੂੰ ਵੀ ਆਪਣੀ ਕਾਰਗੁਜ਼ਾਰੀ ਨਾਲ ਉਸ ਭਰੋਸੇ ਨੂੰ ਸਹੀ ਸਾਬਤ ਕਰਨਾ ਹੋਵੇਗਾ। ਮੈਂ ਨਿਊਜ਼ੀਲੈਂਡ ਦੌਰੇ 'ਤੇ ਜਾਣਾ ਚਾਹੁੰਦਾ ਹਾਂ ਪਰ ਸਭ ਕੁਝ ਚੋਣਕਾਰਾਂ 'ਤੇ ਨਿਰਭਰ ਕਰੇਗਾ, ਜੇਕਰ ਮੈਨੂੰ ਚੁਣਿਆ ਜਾਂਦਾ ਹੈ ਤਾਂ ਮੈਂ ਬਿਹਤਰ ਕਰਨ ਦੀ ਕੋਸ਼ਿਸ਼ ਕਰਾਂਗਾ। ਜਦੋਂ ਤੱਕ ਮੇਰੇ ਕੋਲ ਸਮਾਂ ਹੈ, ਮੈਂ ਇਸ ਲਈ ਆਪਣੇ ਆਪ ਨੂੰ ਤਿਆਰ ਕਰਾਂਗਾ।
- ਤੁਸੀਂ ਇੰਗਲੈਂਡ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਨਿਊਜ਼ੀਲੈਂਡ ਦੇ ਹਾਲਾਤ ਤੁਹਾਡੇ ਲਈ ਕਿੰਨੇ ਚੰਗੇ ਹੋ ਸਕਦੇ ਹਨ?
ਮੈਂ ਨਿਊਜ਼ੀਲੈਂਡ ਵਿੱਚ ਕਦੇ ਕ੍ਰਿਕਟ ਨਹੀਂ ਖੇਡੀ ਹੈ। ਮੈਂ ਜੋ ਸੁਣਿਆ ਅਤੇ ਦੇਖਿਆ ਹੈ, ਉਸ ਮੁਤਾਬਕ ਉੱਥੇ ਦੇ ਹਾਲਾਤ ਕੁਝ ਹੱਦ ਤੱਕ ਆਸਟ੍ਰੇਲੀਆ ਵਰਗੇ ਹੀ ਹਨ। ਇਸ ਲਈ ਮੈਨੂੰ ਆਪਣੀ ਤਾਕਤ ’ਤੇ ਭਰੋਸਾ ਕਰਨਾ ਪਵੇਗਾ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੋਵੇਗੀ ਕਿ ਮੈਂ ਕਿੰਨਾ ਸਹੀ ਹੋ ਸਕਦਾ ਹਾਂ, ਮੈਂ ਕਿੰਨੀ ਜਲਦੀ ਆਪਣੀ ਲੰਬਾਈ ਬਦਲ ਸਕਦਾ ਹਾਂ ਤੇ ਕਿੰਨੀ ਜਲਦੀ ਵਿਕਟ ਨੂੰ ਪੜ੍ਹ ਸਕਦਾ ਹਾਂ।
- ਤੇਜ਼ ਗੇਂਦਬਾਜ਼ਾਂ ਨੂੰ ਲਗਾਤਾਰ ਸੱਟਾਂ ਲੱਗ ਰਹੀਆਂ ਹਨ। ਤੁਹਾਡੇ ਖ਼ਿਆਲ ਵਿਚ ਇਸ ਦਾ ਕਾਰਨ ਕੀ ਹੈ?
ਕਿਸੇ ਨੂੰ ਵੀ ਸੱਟ ਲੱਗ ਸਕਦੀ ਹੈ। ਕਈ ਵਾਰ ਇਹ ਮੰਦਭਾਗਾ ਹੁੰਦਾ ਹੈ। ਅਜਿਹੀਆਂ ਚੀਜ਼ਾਂ ਹਮੇਸ਼ਾ ਤੁਹਾਡੇ ਵੱਸ ’ਚ ਨਹੀਂ ਹੁੰਦੀਆਂ। ਜੇਕਰ ਸੱਟ ਗੰਭੀਰ ਹੈ ਤਾਂ ਇਸ ਦਾ ਅਸਰ ਹੁੰਦਾ ਹੈ ਪਰ ਹਰ ਸੱਟ ਨੂੰ ਇੱਕੋ ਕਾਰਨ ਨਹੀਂ ਮੰਨਿਆ ਜਾ ਸਕਦਾ ਹੈ।
- ਭਾਰਤੀ ਟੀਮ 'ਚ ਤੇਜ਼ ਗੇਂਦਬਾਜ਼ੀ ਲਈ ਕਾਫੀ ਮੁਕਾਬਲਾ ਹੈ, ਕੀ ਇਹ ਤੁਹਾਨੂੰ ਬਿਹਤਰ ਕਰਨ ਲਈ ਪ੍ਰੇਰਿਤ ਕਰਦਾ ਹੈ?
ਮੈਂ ਇਹਨਾਂ ਗੱਲਾਂ ਵੱਲ ਬਹੁਤਾ ਧਿਆਨ ਨਹੀਂ ਦਿੰਦਾ। ਮੇਰਾ ਧਿਆਨ ਆਪਣੇ ਆਪ ਨੂੰ ਸੁਧਾਰਨ 'ਤੇ ਹੈ। ਮੈਂ ਸੋਚਦਾ ਹਾਂ ਕਿ ਮੈਂ ਆਪਣੇ ਪ੍ਰਦਰਸ਼ਨ ਤੇ ਹੁਨਰ ਨੂੰ ਕਿੰਨਾ ਕੁ ਸੁਧਾਰ ਸਕਦਾ ਹਾਂ, ਜਦੋਂ ਮੈਂ ਸ਼ੁਰੂ ਕੀਤਾ ਸੀ ਮੇਰਾ ਧਿਆਨ ਇਹੋ ਸੀ ਤੇ ਅੱਜ ਵੀ ਉਹੀ ਹੈ।
-ਮੈਂ ਕਦੇ ਨਹੀਂ ਸੋਚਿਆ ਕਿ ਮੇਰੇ ਨਾਲ ਮੁਕਾਬਲਾ ਕੌਣ ਹੈ
- ਇੰਗਲੈਂਡ ਵਿਚ ਤੁਹਾਡੇ ਸ਼ਾਨਦਾਰ ਪ੍ਰਦਰਸ਼ਨ ਨੇ ਤੁਹਾਨੂੰ ਅੰਤਰਰਾਸ਼ਟਰੀ ਗੇਂਦਬਾਜ਼ ਵਜੋਂ ਕੀ ਸਿਖਾਇਆ?
ਜਦੋਂ ਤੁਸੀਂ ਭਾਰਤੀ ਜਰਸੀ ਪਹਿਨ ਕੇ ਮੈਦਾਨ 'ਤੇ ਉਤਰਦੇ ਹੋ ਤਾਂ ਸਭ ਤੋਂ ਵੱਡਾ ਆਤਮ ਵਿਸ਼ਵਾਸ ਉੱਥੋਂ ਹੀ ਆਉਂਦਾ ਹੈ। ਮੈਂ ਇਸ ਗੱਲ 'ਤੇ ਧਿਆਨ ਕੇਂਦਰਤ ਕਰਦਾ ਹਾਂ ਕਿ ਮੈਂ ਕਿੰਨੀ ਦੇਰ ਤੱਕ ਆਪਣੀਆਂ ਬੁਨਿਆਦੀ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਕਰ ਸਕਦਾ ਹਾਂ। ਮੈਂ ਇਸ ਤੋਂ ਜ਼ਿਆਦਾ ਪ੍ਰਭਾਵਿਤ ਨਹੀਂ ਹਾਂ ਕਿ ਕੋਈ ਬੱਲੇਬਾਜ਼ ਕਿੰਨਾ ਹਮਲਾਵਰ ਹੈ ਜਾਂ ਉਸ ਦੀ ਸ਼ੈਲੀ ਕੀ ਹੈ। ਮੈਂ ਆਪਣੀ ਤਾਕਤ ਦੇ ਹਿਸਾਬ ਨਾਲ ਲਗਾਤਾਰ ਗੇਂਦਬਾਜ਼ੀ 'ਤੇ ਧਿਆਨ ਦਿੰਦਾ ਹਾਂ।
- ਤੁਸੀਂ ਆਪਣੇ ਆਪ ਨੂੰ ਕਿਸ ਗੇਂਦਬਾਜ਼ ਵਿੱਚ ਦੇਖਦੇ ਹੋ, ਲਾਲ ਜਾਂ ਚਿੱਟੀ ਗੇਂਦ
ਮੈਂ ਮਹਿਸੂਸ ਕੀਤਾ ਹੈ ਕਿ ਪਿਛਲੇ ਅੱਠ-ਦਸ ਸਾਲਾਂ ’ਚ ਮੈਨੂੰ ਚਿੱਟੀ ਗੇਂਦ ਦੀ ਕ੍ਰਿਕਟ ਲਈ ਤਿਆਰੀ ਕਰਨ ਲਈ ਇੰਨਾ ਸਮਾਂ ਨਹੀਂ ਮਿਲਿਆ ਹੈ। ਪਿਛਲੇ ਚਾਰ-ਪੰਜ ਸਾਲਾਂ ਤੋਂ ਲੰਬਾ ਘਰੇਲੂ ਟੂਰਨਾਮੈਂਟ ਤੇ ਫਿਰ ਭਾਰਤ ਲਈ ਖੇਡਣ ਦਾ ਸਿਲਸਿਲਾ ਚੱਲ ਰਿਹਾ ਹੈ। ਕਈ ਵਾਰ 10-12 ਰਣਜੀ ਮੈਚ ਖੇਡਣ ਤੋਂ ਬਾਅਦ ਸਰੀਰ ਤੇ ਮਨ ਨੂੰ ਆਰਾਮ ਦੀ ਲੋੜ ਹੁੰਦੀ ਹੈ। ਅਜਿਹੇ 'ਚ ਸਫੇਦ ਗੇਂਦ ਦੀ ਕ੍ਰਿਕਟ ਲਈ 10 ਦਿਨਾਂ ਲਈ ਵੱਖਰੇ ਤੌਰ 'ਤੇ ਤਿਆਰ ਕਰਨਾ ਮੁਸ਼ਕਲ ਸੀ। ਪਰ ਹੁਣ ਮੈਂ ਚਿੱਟੀ ਗੇਂਦ ਦੀ ਕ੍ਰਿਕਟ 'ਚ ਕਾਫੀ ਸੁਧਾਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ ਤੇ ਮੈਨੂੰ ਲੱਗਦਾ ਹੈ ਕਿ ਮੈਂ ਇਸ 'ਚ ਕਾਫੀ ਤਰੱਕੀ ਕੀਤੀ ਹੈ।
- ਜੇਕਰ ਚੋਣਕਾਰ ਤੁਹਾਨੂੰ ਪੁੱਛਦੇ ਹਨ ਕਿ ਕੀ ਤੁਸੀਂ ਵਿਸ਼ਵ ਕੱਪ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਸੀਂ ਉਦੋਂ ਤੱਕ ਆਪਣੀ ਖੇਡ ’ਚ ਕੀ ਬਦਲਾਅ ਕਰਨਾ ਚਾਹੋਗੇ?
ਮੇਰਾ ਪਹਿਲਾ ਫੋਕਸ ਵਾਈਟ ਬਾਲ ਕ੍ਰਿਕਟ ਨੂੰ ਬਿਹਤਰ ਬਣਾਉਣਾ ਹੈ। ਮੈਨੂੰ ਆਪਣੀ ਟੀਮ ਲਈ ਦੌੜਾਂ ਬਣਾਉਣੀਆਂ ਹਨ ਤੇ ਗੇਂਦ ਨਾਲ ਅਹਿਮ ਭੂਮਿਕਾ ਨਿਭਾਉਣੀ ਹੈ। ਮੈਂ ਖੇਡ ਨੂੰ ਪੜ੍ਹਨ, ਪਿੱਚ ਦੇ ਅਨੁਕੂਲ ਹੋਣ ਅਤੇ ਬੱਲੇਬਾਜ਼ 'ਤੇ ਨਿਰਭਰ ਕਰਦੇ ਹੋਏ ਆਪਣੀ ਗੇਂਦਬਾਜ਼ੀ ਨੂੰ ਬਦਲਣ 'ਤੇ ਕੰਮ ਕਰਾਂਗਾ। ਇਹ ਚੀਜ਼ਾਂ ਭਵਿੱਖ ’ਚ ਮੇਰੀ ਖੇਡ ’ਚ ਸੁਧਾਰ ਕਰਨਗੀਆਂ। ਮੈਂ ਆਪਣੀ ਬੱਲੇਬਾਜ਼ੀ 'ਤੇ ਵੀ ਧਿਆਨ ਦੇ ਰਿਹਾ ਹਾਂ। ਅੱਠ-ਨਵੇਂ ਨੰਬਰ 'ਤੇ ਆਉਣ ਵਾਲੇ ਖਿਡਾਰੀ ਤੋਂ ਵੀ ਦੌੜਾਂ ਦੀ ਉਮੀਦ ਕੀਤੀ ਜਾਂਦੀ ਹੈ।