ਦਲੀਪ ਟਰਾਫੀ 'ਚ ਪੂਰਬੀ ਖੇਤਰ ਦੀ ਧਮਾਕੇਦਾਰ ਜਿੱਤ, ਪੂਰਬ-ਉੱਤਰ ਨੂੰ ਪਾਰੀ ਤੇ 210 ਦੌੜਾਂ ਨਾਲ ਹਰਾ ਕੇ ਸੈਮੀਫਾਈਨਲ 'ਚ ਪ੍ਰਵੇਸ਼

ਪੂਰਬੀ ਖੇਤਰ ਨੇ ਪਹਿਲੀ ਪਾਰੀ ’ਚ 467 ਦੌੜਾਂ ਬਣਾਈਆਂ, ਜਿਸ ਦੇ ਜਵਾਬ ’ਚ ਪੂਰਬ-ਉੱਤਰ ਖੇਤਰ ਦੀ ਟੀਮ ਪਹਿਲੀ ਪਾਰੀ ’ਚ ਸਿਰਫ਼ 111 ਦੌੜਾਂ 'ਤੇ ਢੇਰੀ ਹੋ ਗਈ। ਇਸ ਤੋਂ ਬਾਅਦ ਫਾਲੋਆਨ ਖੇਡਦੇ ਹੋਏ ਉਹ ਦੂਜੀ ਪਾਰੀ ’ਚ ਵੀ 146 ਦੌੜਾਂ 'ਤੇ ਆਊਟ ਹੋ ਗਈ। ਤੀਜੇ ਦਿਨ ਦੂਜੀ ਪਾਰੀ ’ਚ ਸਿਰਫ਼ 50 ਓਵਰਾਂ ’ਚ ਹੀ ਮੁਕਾਬਲਾ ਖ਼ਤਮ ਹੋ ਗਿਆ। ਸੱਤ ਦੌੜਾਂ 'ਤੇ ਬਿਨਾਂ ਕਿਸੇ ਨੁਕਸਾਨ ਦੇ ਦਿਨ ਦੀ ਸ਼ੁਰੂਆਤ ਕਰਨ ਵਾਲੀ ਪੂਰਬ-ਉੱਤਰ ਖੇਤਰ ਦੀ ਟੀਮ ਨੇ ਰੈਗੂਲਰ ਵਕਫੇ 'ਤੇ ਵਿਕਟਾਂ ਗੁਆਈਆਂ। ਫੇਇਰੋਈਜ਼ਾਮ ਜੋਤਿਨ ਸਿੰਘ (39) ਤੇ ਆਕਾਸ਼ ਚੌਧਰੀ (27) ਨੇ ਨੌਵੀਂ ਵਿਕਟ ਲਈ 39 ਦੌੜਾਂ ਜੋੜ ਕੇ ਟੀਮ ਨੂੰ 100 ਦੌੜਾਂ ਤੋਂ ਪਹਿਲਾਂ ਢਹਿਣ ਤੋਂ ਬਚਾਇਆ।