Duleep Trophy : ਸ਼ਾਹਬਾਜ਼ ਅਹਿਮਦ ਦਾ ਸ਼ਾਨਦਾਰ ਆਲਰਾਊਂਡ ਖੇਡ, ਪੂਰਬੀ ਜ਼ੋਨ ਨੇ ਪੂਰਬ-ਉੱਤਰ ਨੂੰ ਦਿੱਤਾ ਫਾਲੋਆਨ

ਪਾਰੀ ਦੀ ਹਾਰ ਤੋਂ ਬਚਣ ਲਈ ਉਸ ਨੂੰ ਹਾਲੇ ਵੀ 349 ਦੌੜਾਂ ਬਣਾਉਣੀਆਂ ਹੋਣਗੀਆਂ। ਇਸ ਤੋਂ ਪਹਿਲਾਂ ਬੀਤੀ ਰਾਤ ਦੇ ਆਪਣੇ ਸਕੋਰ 100 ਦੌੜਾਂ ਤੋਂ ਅੱਗੇ ਖੇਡਦੇ ਹੋਏ ਸ਼ਾਹਬਾਜ਼ ਨੇ ਸੱਤਵੀਂ ਵਿਕਟ ਲਈ ਅਨੁਕੂਲ ਰਾਏ (37 ਦੌੜਾਂ) ਨਾਲ 103 ਦੌੜਾਂ ਜੋੜੀਆਂ। ਸ਼ਾਹਬਾਜ਼ ਆਖਰੀ ਵਿਕਟ ਦੇ ਤੌਰ ’ਤੇ ਆਊਟ ਹੋਇਆ। ਜਵਾਬ ’ਚ ਪੂਰਬ-ਉੱਤਰ ਨੇ ਵਧੀਆ ਸ਼ੁਰੂਆਤ ਕਰਦੇ ਹੋਏ ਇਕ ਸਮੇਂ ’ਚ ਸਿਰਫ ਦੋ ਵਿਕਟਾਂ ਗੁਆ ਕੇ 72 ਦੌੜਾਂ ਬਣਾ ਲਈਆਂ ਸਨ ਪਰ ਇਸ ਤੋਂ ਬਾਅਦ ਉਸਨੇ ਸਿਰਫ 39 ਦੌੜਾਂ ਜੋੜਨ ’ਚ ਅੱਠ ਵਿਕਟਾਂ ਗੁਆ ਦਿੱਤੀਆਂ। ਅਰਪਿਤ ਭਾਟੇਵਾਰਾ ਨੇ ਸਭ ਤੋਂ ਵੱਧ 32 ਦੌੜਾਂ ਦੀ ਪਾਰੀ ਖੇਡੀ। ਪੂਰਬ-ਉੱਤਰ ਦੇ ਛੇ ਬੱਲੇਬਾਜ਼ ਦੋਹਰੇ ਅੰਕਾਂ ਤੱਕ ਵੀ ਨਹੀਂ ਪਹੁੰਚ ਸਕੇ ਤੇ ਇਨ੍ਹਾਂ ’ਚੋਂ ਤਿੰਨ ਦਾ ਤਾਂ ਖਾਤਾ ਵੀ ਨਹੀਂ ਖੁੱਲ੍ਹਿਆ।