15 ਅਗਸਤ ਨਾਲ ਹੈ ਧੋਨੀ ਦਾ ਖ਼ਾਸ ਰਿਸ਼ਤਾ ! 7:29 ਵਜੇ ਲਿਆ ਸੀ ਉਹ ਫੈਸਲਾ, ਜਿਸ ਨੇ ਤੋੜ ਦਿੱਤਾ ਸੀ ਕਰੋੜਾਂ ਪ੍ਰਸ਼ੰਸਕਾਂ ਦਾ ਦਿਲ

15 ਅਗਸਤ ਨੂੰ ਦੇਸ਼ ਤਿਰੰਗੇ ਦੇ ਰੰਗ 'ਚ ਰੰਗਿਆ ਹੋਇਆ ਸੀ। ਕਿਤੇ ਝੰਡਾ ਲਹਿਰਾਇਆ ਜਾ ਰਿਹਾ ਸੀ ਅਤੇ ਕਿਤੇ ਰਾਸ਼ਟਰ ਗੀਤ ਗੂੰਜ ਰਿਹਾ ਸੀ ਪਰ 6 ਸਾਲ ਪਹਿਲਾਂ ਇਸੇ ਦਿਨ ਸ਼ਾਮ 7 ਵਜ ਕੇ 29 ਮਿੰਟ 'ਤੇ ਕਰੋੜਾਂ ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਅਚਾਨਕ ਸਭ ਕੁਝ ਬਦਲ ਗਿਆ ਸੀ। ਰਾਂਚੀ ਦੇ 'ਕੈਪਟਨ ਕੂਲ' ਮਹਿੰਦਰ ਸਿੰਘ ਧੋਨੀ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਸਾਂਝੀ ਕੀਤੀ ਅਤੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਦਾ ਐਲਾਨ ਕਰ ਦਿੱਤਾ।

Posted By Sunita

Publish Date: Sat, 15 Aug 2026 12:36 PM (IST)

Updated Date: Sat, 15 Aug 2026 12:37 PM (IST)

15 ਅਗਸਤ ਨਾਲ ਹੈ ਧੋਨੀ ਦਾ ਖ਼ਾਸ ਰਿਸ਼ਤਾ ! 7:29 ਵਜੇ ਲਿਆ ਸੀ ਉਹ ਫੈਸਲਾ, ਜਿਸ ਨੇ ਤੋੜ ਦਿੱਤਾ ਸੀ ਕਰੋੜਾਂ ਪ੍ਰਸ਼ੰਸਕਾਂ ਦਾ ਦਿਲ

ਜਾਗਰਣ ਪੱਤਰਕਾਰ, ਰਾਂਚੀ - 15 ਅਗਸਤ ਨੂੰ ਦੇਸ਼ ਤਿਰੰਗੇ ਦੇ ਰੰਗ 'ਚ ਰੰਗਿਆ ਹੋਇਆ ਸੀ। ਕਿਤੇ ਝੰਡਾ ਲਹਿਰਾਇਆ ਜਾ ਰਿਹਾ ਸੀ ਅਤੇ ਕਿਤੇ ਰਾਸ਼ਟਰ ਗੀਤ ਗੂੰਜ ਰਿਹਾ ਸੀ ਪਰ 6 ਸਾਲ ਪਹਿਲਾਂ ਇਸੇ ਦਿਨ ਸ਼ਾਮ 7 ਵਜ ਕੇ 29 ਮਿੰਟ 'ਤੇ ਕਰੋੜਾਂ ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਅਚਾਨਕ ਸਭ ਕੁਝ ਬਦਲ ਗਿਆ ਸੀ। ਰਾਂਚੀ ਦੇ 'ਕੈਪਟਨ ਕੂਲ' ਮਹਿੰਦਰ ਸਿੰਘ ਧੋਨੀ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਸਾਂਝੀ ਕੀਤੀ ਅਤੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਦਾ ਐਲਾਨ ਕਰ ਦਿੱਤਾ।

ਧੋਨੀ ਨੇ ਆਪਣੇ ਸੰਦੇਸ਼ 'ਚ ਲਿਖਿਆ ਸੀ ''From 1929 hrs consider me as Retired.'' ਇਹ ਬਹੁਤ ਛੋਟਾ ਸੰਦੇਸ਼ ਸੀ, ਪਰ ਇਸ ਦੇ ਨਾਲ ਭਾਰਤੀ ਕ੍ਰਿਕਟ ਲਈ ਸਭ ਤੋਂ ਯਾਦਗਾਰ ਅਧਿਆਵਾਂ 'ਚੋਂ ਇੱਕ ਦਾ ਅੰਤ ਹੋ ਗਿਆ। ICC ਨੇ ਵੀ ਉਨ੍ਹਾਂ ਦੇ ਸੰਨਿਆਸ ਨੂੰ ਅਚਾਨਕ ਦੱਸਿਆ ਸੀ। ਅੱਜ 15 ਅਗਸਤ 2026 ਨੂੰ ਉਸ ਫੈਸਲੇ ਨੂੰ 6 ਸਾਲ ਪੂਰੇ ਹੋ ਗਏ ਹਨ। ਖਾਸ ਗੱਲ ਇਹ ਹੈ ਕਿ ਧੋਨੀ ਨੇ ਆਪਣੇ ਕਰੀਅਰ ਦੀ ਵਿਦਾਈ ਲਈ ਵੀ ਉਹੀ ਤਾਰੀਖ ਚੁਣੀ, ਜਿਸ ਦਿਨ ਪੂਰਾ ਦੇਸ਼ ਆਜ਼ਾਦੀ ਦਾ ਜਸ਼ਨ ਮਨਾਉਂਦਾ ਹੈ। ਇੱਕ ਪਾਸੇ ਦੇਸ਼ ਆਪਣੇ ਆਜ਼ਾਦੀ ਘੁਲਾਟੀਆਂ ਨੂੰ ਯਾਦ ਕਰ ਰਿਹਾ ਸੀ ਅਤੇ ਦੂਜੇ ਪਾਸੇ ਭਾਰਤੀ ਕ੍ਰਿਕਟ ਦੇ ਇੱਕ ਯੁੱਗ ਦੇ ਖ਼ਤਮ ਹੋਣ ਦੀ ਖ਼ਬਰ ਸਾਹਮਣੇ ਆ ਗਈ ਸੀ।

ਰਾਂਚੀ ਤੋਂ ਨਿਕਲਿਆ ਸੀ, ਉਹ ਮੁੰਡਾ ਜਿਸ ਨੇ ਦੁਨੀਆ ਨੂੰ ਕਰ ਦਿੱਤਾ ਸੀ ਹੈਰਾਨ

ਮਹਿੰਦਰ ਸਿੰਘ ਧੋਨੀ ਦਾ ਅੰਤਰਰਾਸ਼ਟਰੀ ਸਫ਼ਰ ਦਸੰਬਰ 2004 'ਚ ਬੰਗਲਾਦੇਸ਼ ਦੇ ਖਿਲਾਫ਼ ਵਨਡੇ ਤੋਂ ਸ਼ੁਰੂ ਹੋਇਆ ਸੀ। ਰਾਂਚੀ ਤੋਂ ਨਿਕਲਿਆ ਇਹ ਵਿਕਟਕੀਪਰ-ਬੱਲੇਬਾਜ਼ ਕੁਝ ਹੀ ਸਾਲਾਂ 'ਚ ਭਾਰਤੀ ਕ੍ਰਿਕਟ ਦਾ ਸਭ ਤੋਂ ਭਰੋਸੇਮੰਦ ਨਾਮ ਬਣ ਗਿਆ। 2007 'ਚ ਜਦੋਂ ਭਾਰਤ ਪਹਿਲੀ ਵਾਰ ਟੀ-20 ਵਿਸ਼ਵ ਕੱਪ ਚੈਂਪੀਅਨ ਬਣਿਆ ਤਾਂ ਕਪਤਾਨ ਧੋਨੀ ਸਨ। ਚਾਰ ਸਾਲ ਬਾਅਦ 2011 'ਚ ਮੁੰਬਈ ਦੇ ਵਾਨਖੇਡੇ ਸਟੇਡੀਅਮ 'ਚ ਜਦੋਂ ਭਾਰਤ ਨੇ 28 ਸਾਲ ਬਾਅਦ ਵਨਡੇ ਵਿਸ਼ਵ ਕੱਪ ਜਿੱਤਿਆ, ਤਾਂ ਵੀ ਟਰਾਫੀ ਚੁੱਕਣ ਵਾਲੇ ਕਪਤਾਨ ਧੋਨੀ ਹੀ ਸਨ। BCCI ਮੁਤਾਬਕ, 2013 'ਚ ਚੈਂਪੀਅਨਜ਼ ਟਰਾਫੀ ਜਿੱਤਣ ਤੋਂ ਬਾਅਦ ਉਹ ਤਿੰਨੋਂ ਪ੍ਰਮੁੱਖ ICC ਟਰਾਫੀਆਂ ਜਿੱਤਣ ਵਾਲੇ ਪਹਿਲੇ ਅਤੇ ਹੁਣ ਤੱਕ ਦੇ ਇਕਲੌਤੇ ਕਪਤਾਨ ਰਹੇ।

7:29 ਦਾ ਉਹ ਸੰਦੇਸ਼ ਅੱਜ ਵੀ ਯਾਦ ਹੈ

15 ਅਗਸਤ 2020 ਦੀ ਸ਼ਾਮ ਧੋਨੀ ਨੇ ਆਪਣੇ ਕਰੀਬਰ ਦੇ ਯਾਦਗਾਰ ਪਲਾਂ ਨੂੰ ਜੋੜ ਕੇ ਇੱਕ ਵੀਡੀਓ ਸਾਂਝੀ ਕਰਕੇ ਸੰਨਿਆਸ ਲਿਆ ਸੀ। ਇਹ ਧੋਨੀ ਦੇ ਅੰਦਾਜ਼ ਦੇ ਬਿਲਕੁਲ ਅਨੁਰੂਪ ਸੀ- ਨਾ ਕੋਈ ਲੰਬੀ ਪ੍ਰੈੱਸ ਕਾਨਫਰੰਸ, ਨਾ ਕੋਈ ਵੱਡਾ ਐਲਾਨ। ਬੱਸ ਕੁਝ ਸ਼ਬਦ ਅਤੇ ਇੱਕ ਵੀਡੀਓ ਪਰ ਉਨ੍ਹਾਂ ਸ਼ਬਦਾਂ ਨੇ ਕਰੋੜਾਂ ਪ੍ਰਸ਼ੰਸਕਾਂ ਨੂੰ ਭਾਵੁਕ ਕਰ ਦਿੱਤਾ। ਧੋਨੀ ਦੀ ਪਛਾਣ ਸਿਰਫ਼ ਵਿਸ਼ਵ ਕੱਪ ਜਿੱਤਣ ਵਾਲੇ ਕਪਤਾਨ ਦੀ ਨਹੀਂ ਸੀ। ਵਿਕਟ ਦੇ ਪਿੱਛੇ ਉਨ੍ਹਾਂ ਦੀ ਤੇਜ਼ੀ ਵੀ ਉਨ੍ਹਾਂ ਦੀ ਸਭ ਤੋਂ ਵੱਡੀ ਤਾਕਤ 'ਚ ਸ਼ਾਮਲ ਰਹੀ ਹੈ।

ICC ਮੁਤਾਬਕ, ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਕੁੱਲ 829 ਡਿਸਮਿਸਲ ਕੀਤੇ ਅਤੇ ਇਸ ਮਾਮਲੇ 'ਚ ਉਹ ਦੁਨੀਆ ਦੇ ਤੀਜੇ ਸਭ ਤੋਂ ਸਫਲ ਵਿਕਟਕੀਪਰ ਰਹੇ। ਉੱਥੇ ਹੀ BCCI ਅਨੁਸਾਰ ਉਨ੍ਹਾਂ ਦੇ ਨਾਮ 195 ਅੰਤਰਰਾਸ਼ਟਰੀ ਸਟੰਪਿੰਗ ਹਨ, ਜੋ ਹੁਣ ਵੀ ਵਿਕਟਕੀਪਰਾਂ 'ਚ ਸਭ ਤੋਂ ਵੱਧ ਹਨ। ਵਨਡੇ 'ਚ ਵੀ ਧੋਨੀ ਦਾ ਰਿਕਾਰਡ ਬਹੁਤ ਖਾਸ ਰਿਹਾ। ਉਨ੍ਹਾਂ ਨੇ 350 ਵਨਡੇ 'ਚ 10,773 ਦੌੜਾਂ ਬਣਾਈਆਂ ਅਤੇ ਵਿਕਟ ਦੇ ਪਿੱਛੇ 444 ਸ਼ਿਕਾਰ ਕੀਤੇ। ਇਨ੍ਹਾਂ 'ਚ 321 ਕੈਚ ਅਤੇ 123 ਸਟੰਪਿੰਗ ਸ਼ਾਮਲ ਹਨ।

2011 ਦਾ ਉਹ ਛੱਕਾ ਅੱਜ ਵੀ ਯਾਦ

ਧੋਨੀ ਦੀ ਕਹਾਣੀ 15 ਅਗਸਤ ਨਾਲ ਇਸ ਲਈ ਵੀ ਜੁੜਦੀ ਹੈ ਕਿਉਂਕਿ ਉਨ੍ਹਾਂ ਦਾ ਨਾਮ ਭਾਰਤੀ ਕ੍ਰਿਕਟ ਦੀਆਂ ਉਨ੍ਹਾਂ ਯਾਦਾਂ 'ਚ ਸ਼ਾਮਲ ਹੈ, ਜੋ ਹਰ ਆਜ਼ਾਦੀ ਦਿਵਸ 'ਤੇ ਫਿਰ ਤਾਜ਼ਾ ਹੋ ਜਾਂਦੀਆਂ ਹਨ। 2011 ਵਿਸ਼ਵ ਕੱਪ ਫਾਈਨਲ ਦੀ ਆਖਰੀ ਗੇਂਦਾਂ 'ਚ ਉਨ੍ਹਾਂ ਦਾ ਲਗਾਇਆ ਛੱਕਾ ਅੱਜ ਵੀ ਭਾਰਤੀ ਕ੍ਰਿਕਟ ਦੇ ਸਭ ਤੋਂ ਪ੍ਰਤੀਸ਼ਠਿਤ ਪਲਾਂ 'ਚ ਗਿਣਿਆ ਜਾਂਦਾ ਹੈ। 28 ਸਾਲ ਬਾਅਦ ਭਾਰਤ ਨੂੰ ਵਿਸ਼ਵ ਕੱਪ ਦਿਵਾਉਣ ਵਾਲੇ ਕਪਤਾਨ ਦੇ ਰੂਪ 'ਚ ਧੋਨੀ ਦੀ ਤਸਵੀਰ ਕਰੋੜਾਂ ਭਾਰਤੀਆਂ ਦੀ ਯਾਦ 'ਚ ਦਰਜ ਹੋ ਗਈ ਹੈ। ਅਤੇ ਫਿਰ 9 ਸਾਲ ਬਾਅਦ ਇਸ ਆਜ਼ਾਦੀ ਦੇ ਦਿਨ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ ਸੀ।

15 ਅਗਸਤ ਨਾਲ ਜੁੜ ਗਈ ਧੋਨੀ ਦੀ ਵਿਦਾਈ ਦੀ ਤਾਰੀਖ

ਧੋਨੀ ਨੇ ਜਿਸ ਦਿਨ ਸੰਨਿਆਸ ਲਿਆ ਉਹ ਸਿਰਫ਼ ਉਨ੍ਹਾਂ ਦੇ ਕ੍ਰਿਕਟ ਕਰੀਬਰ ਦਾ ਆਖਰੀ ਅਧਿਆਇ ਨਹੀਂ ਸੀ। ਉਹ ਭਾਰਤੀ ਕ੍ਰਿਕਟ ਦੇ ਇੱਕ ਅਜਿਹੇ ਦੌਰ ਦਾ ਅੰਤ ਸੀ, ਜਿਸ 'ਚ ਇੱਕ ਰਾਂਚੀ ਦਾ ਮੁੰਡਾ ਕਪਤਾਨ ਬਣਿਆ, ਵਿਸ਼ਵ ਚੈਂਪੀਅਨ ਬਣਿਆ ਅਤੇ ਜਿਸ ਨੇ ਆਪਣੀ ਸ਼ਾਂਤ ਸ਼ੈਲੀ ਨਾਲ ਪੂਰੀ ਦੁਨੀਆ 'ਚ ਪਛਾਣ ਬਣਾਈ। ਧੋਨੀ ਮੈਦਾਨ ਤੋਂ ਭਾਵੇਂ ਦੂਰ ਹੋ ਚੁੱਕੇ ਹਨ ਪਰ 'ਕੈਪਟਨ ਕੂਲ' ਦੀ ਕਹਾਣੀ 'ਚ ਰਾਂਚੀ, ਤਿਰੰਗਾ ਅਤੇ 7:29 ਦਾ ਉਹ ਵਕਤ ਹਮੇਸ਼ਾ ਨਾਲ ਯਾਦ ਕੀਤਾ ਜਾਵੇਗਾ।