ਸ਼ੇਖ ਹਸੀਨਾ ਦੀ ਪਾਰਟੀ ਨਾਲ ਜੁੜੇ ਕ੍ਰਿਕਟਰ ਸ਼ਾਕਿਬ ਅਲ ਹਸਨ, ਹੁਣ ਬੰਗਲਾਦੇਸ਼ ਪਰਤਣ ਨੂੰ ਤਿਆਰ

ਉਨ੍ਹਾਂ ਕਿਹਾ ਕਿ ਜੇਕਰ ਸਰਕਾਰ ਉਨ੍ਹਾਂ ਦੀ ਸੁਰੱਖਿਆ ਦੀ ਗਰੰਟੀ ਦਿੰਦੀ ਹੈ ਤਾਂ ਉਹ ਕ੍ਰਿਕਟ ਤੋਂ ਰਿਟਾਇਰ ਹੋਣ ਤੋਂ ਪਹਿਲਾਂ ਇੱਕ ਵਿਦਾਈ ਸੀਰੀਜ਼ ਖੇਡਣਾ ਚਾਹੁੰਦੇ ਹਨ। ਸ਼ੇਖ ਹਸੀਨਾ ਸਰਕਾਰ ਨੂੰ ਹਟਾਏ ਜਾਣ ਤੋਂ ਬਾਅਦ ਤੋਂ ਸ਼ਾਕਿਬ ਅਮਰੀਕਾ ਵਿੱਚ ਰਹਿ ਰਹੇ ਹਨ।

ਵਿਦਾਈ ਸੀਰੀਜ਼ ਅਤੇ 2027 ਵਰਲਡ ਕੱਪ ਦੀ ਇੱਛਾ

ਬੰਗਲਾਦੇਸ਼ ਦੇ ਪ੍ਰਤਿਭਾਸ਼ਾਲੀ ਕ੍ਰਿਕਟਰ ਰਹੇ ਸ਼ਾਕਿਬ (39) ਚਾਹੁੰਦੇ ਹਨ ਕਿ ਉਹ ਆਪਣੇ ਘਰ ‘ਤੇ ਇੱਕ ਵਿਦਾਈ ਸੀਰੀਜ਼ ਖੇਡਣ ਅਤੇ 2027 ਵਿੱਚ ਹੋਣ ਵਾਲੇ ਵਿਸ਼ਵ ਕੱਪ ਵਿੱਚ ਆਪਣੇ ਦੇਸ਼ ਦੀ ਪ੍ਰਤੀਨਿਧਤਾ ਕਰਨ।

ਸ਼ਾਕਿਬ ਦੀ ਵਾਪਸੀ ਮੌਜੂਦਾ ਤਾਰਿਕ ਰਹਿਮਾਨ ਸਰਕਾਰ ਦੀ ਮੰਸ਼ਾ ਦਾ ਵੀ ਇਮਤਿਹਾਨ ਹੋਵੇਗੀ ਕਿ ਉਹ ਵਿਰੋਧੀ ਧਿਰ ਨੂੰ ਦੇਸ਼ ਵਿੱਚ ਮੌਕਾ ਦੇਣ ਦੇ ਇੱਛੁਕ ਹਨ ਜਾਂ ਨਹੀਂ। ਇਹ ਇਸ ਲਈ ਵੀ ਮਹੱਤਵਪੂਰਨ ਹੈ ਕਿਉਂਕਿ ਸ਼ੇਖ ਹਸੀਨਾ ਖ਼ੁਦ ਬੰਗਲਾਦੇਸ਼ ਵਾਪਸੀ ਦੀ ਮੰਸ਼ਾ ਜ਼ਹਿਰ ਕਰ ਚੁੱਕੀ ਹੈ। ਸ਼ਾਕਿਬ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪਤਾ ਹੈ ਕਿ ਉਨ੍ਹਾਂ ਨੇ ਕੋਈ ਅਪਰਾਧ ਨਹੀਂ ਕੀਤਾ ਹੈ। ਉਨ੍ਹਾਂ ਨੂੰ ਕੇਵਲ ਇੱਕ ਨਿਰਪੱਖ ਮੌਕੇ ਦੀ ਲੋੜ ਹੈ।