ਰਣਜੀ ਟਰਾਫੀ ’ਚ ਚਮਕੇਗਾ ‘ਸੂਰਜ’, ਰਾਸ਼ਟਰਪਤੀ ਐਵਾਰਡ ਹਾਸਲ ਕਰ ਚੁੱਕੇ ਪਿਤਾ ਦੇ ਮੰਤਰ ਨੂੰ ਦੱਸਿਆ ਸਫਲਤਾ ਦਾ ਰਾਜ਼

ਸੂਰਜ ਕਸ਼ਯਪ ਸੱਜੇ ਹੱਥ ਨਾਲ ਬੱਲੇਬਾਜ਼ੀ ਕਰਦੇ ਹਨ ਤੇ ਸੱਜੇ ਹੱਥ ਦੇ ਆਫ਼-ਬ੍ਰੇਕ ਗੇਂਦਬਾਜ਼ ਹਨ। ਪਿਛਲੇ ਸੀਜ਼ਨ ’ਚ ਉਹ ਬਿਹਾਰ ਵੱਲੋਂ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਰਹੇ ਸਨ। ਇਸ ਤੋਂ ਇਲਾਵਾ ਜ਼ਿਲ੍ਹਾ ਪੱਧਰ ਦੇ ਟੂਰਨਾਮੈਂਟ ‘ਹੇਮੰਤ ਟਰਾਫੀ’ ’ਚ ਵੀ ਉਨ੍ਹਾਂ ਨੇ ਰਾਜ ਲਈ ਸਭ ਤੋਂ ਵੱਧ ਵਿਕਟਾਂ ਹਾਸਲ ਕਰਕੇ ਆਪਣੀ ਉਪਯੋਗਤਾ ਸਾਬਤ ਕੀਤੀ। ਰਣਜੀ ਟੀਮ ’ਚ ਚੋਣ ਤੋਂ ਬਾਅਦ ਸੂਰਜ ਤੇ ਉਨ੍ਹਾਂ ਦਾ ਪਰਿਵਾਰ ਬੇਹੱਦ ਉਤਸ਼ਾਹਿਤ ਹੈ। ਜਾਗਰਣ ਡਾਟ ਕਾਮ ਨਾਲ ਫ਼ੋਨ ’ਤੇ ਗੱਲਬਾਤ ਕਰਦਿਆਂ ਸੂਰਜ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਡਾ. ਨਵਲ ਕਿਸ਼ੋਰ ਸ਼ਰਮਾ ਨੇ ਉਨ੍ਹਾਂ ਨੂੰ ‘ਕਰਮ ਕਰਦੇ ਜਾਓ, ਫਲ ਦੀ ਚਿੰਤਾ ਨਾ ਕਰੋ’ ਦਾ ਮੰਤਰ ਦਿੱਤਾ ਸੀ।